Sofonías 1:17 - DIOSPA QHELQACHISQ

¹⁷ Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.

Qheshwa Biblia DC

¹⁷ Señorqa nin: Runasta llakikuyman churasaj. Ciegos jina purenqanku, imaraykuchus noqaj contraypi juchallikorqanku. Yawarnenqa ñut'u jallp'a jina qhallasqa kanqa. Aychantaj wanu jina qollusqa kanqa.

DIOSPA QHELQACHISQAN DEUTEROCANONICAL

¹⁷ Tata Dios nin: Noqa runakunata llakiyman churasaj, paykunataj ñawsapis kankuman jina purenqanku, imaraykuchus contraypi juchallikorqanku. Yawarninkoqa jallp'a jina qhallisqa kanqa, aychankutaj wanu jina qollusqa kanqa.

Sofonías 1:17 ပူးပေါင်းရင်းမြစ်များ

Salmos 83:10

10 (11) Paykuna Endorpi atipasqa karqanku, jallp'apaj wanuman tukuchisqa karqanku.

Isaías 29:10

Noqa Tata Dios qankunaman uj sinch'i puñuyta apachimuykichej. Noqamanta sut'inchajniykichejtapis puñurparichini, ñawinkuta velowan jina qhataykuspa.

Isaías 50:1

Tata Dios nin: Ama yuyaychejchu mamaykichej Israelta wijch'usqayta, imaynatachus uj runa warminta wijch'upun, jinataqa. Chayrí, yuyankichejchu mayqen manuyman wata runata jina vendeykususqayta? Mana jinachu, qankunaqa millay juchaykichejrayku vendechikunkichej. Diospa contranta oqharikusqaykichejrayku mamaykichej Israel wijch'usqa karqa.

Jeremías 10:18

Tata Dios ajinata nin: Kunan kutipi kay suyupi tiyakojkunata warak'awan jina karuman wijch'usaj. Paykunata ñak'arichisaj tullunkukama nanay chayananpaj, nispa.

Jeremías 15:3

Tata Dios nillantaj: Noqa tawa jasut'iykunata apachimusqaykichej: Maqanakupi wañuchisqa kankichej, alqokuna ayaykichejta qhatataykachanqanku, suwintukunataj ayaykichejta mikhonqanku, k'ita animalkunapis ayaykichejta oqoykonqanku ima.

Jeremías 18:21

Kunantajrí wawankuta yarqhaywan wañuchiy, chayrí espadawan. Warminkupis warmisapa qhepakuchunku, mana wawayojtaj. Qosankupis millay onqoywan wañuchunku. Wayna wawankupis maqanakupi wañuchisqa kachunku.

Jeremías 2:17

Chay tukuy ima qanta qhatirisorqa, noqa Tata Diosniykita saqerparisqaykirayku, qanta cheqan ñanta pusashasojtiy.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 4:18

Millayta purisqaykirayku, ruwasqaykiraykutaj, kay jina llakiyta ñak'arinayki qhatirisunki. Juchallisqaykiraykutaj kay jatun llakiykuna jamun, chaytaj sonqoykita mayta nanachisunki, nispa.

Jeremías 8:2

Chantá paykuna israelitakunaj tullunkukunata intej, killaj chantá ch'askakunaj ñawpaqenpi wijch'onqanku, imaraykuchus israelitakuna janajpi imakunata munakuspa, munayninkuta ruwarqanku, qhaterqanku, tapukorqanku, yupaycharqankutaj. Chay tullukunata mana pipis p'ampanqachu, manachayqa wanu jina pampapi qhallisqa wijch'urayanqa.

Lamentaciones 1:14

Tata Diosqa juchallisqayta rikuspa, chay juchayllawantaj yugowan jina wataykuwan. Chayqa manchayta llasaykuwan, kallpayta tukuchinawankama. Tukuyta Kamachej Diosqa millay runakunaj makinman churaykuwan, noqataj manaña awantayta atinichu.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Lamentaciones 1:8

Jerusalenqa anchatapuni juchallikorqa. Chayrayku chejninapaj jinaman tukorqa. Payta jatunpaj qhawajkuna kunan pisipaj qhawanku, q'alalla kayninta rikusqankurayku. Chayrayku p'enqakuywan wasaman tijrakuspa, waqashan.

Lamentaciones 2:21

Kaynejpi jaqaynejpi wawakuna, machu runakuna, sipaskuna, wayna runakuna ima ayanku wijch'u wijch'ulla kashanku. K'araj phiñakuyniyki p'unchaypi paykunata wañuracherqanki, mana khuyakuspataj ñak'ararqanki.

Ezequiel 16:38

Casarakuspaña waj qhariwan khuchichakoj warmita jina jasut'isqayki, runa wañuchita jinataj. Sinch'i phiñakuyniypi, celosakuyniywantaj qanta wañuchisqayki.

Ezequiel 24:7

Kay llajtaqa yawar jich'asqanwan junt'a kashan. Chhanka patapi jich'asqa kashan, manataj pampapichu jallp'awan qhatasqa kananpajqa.

Ezequiel 24:8

Chayrayku noqapis chay llajtaj yawarninta chhanka patapi jich'asaj, ama jallp'awan qhatasqa kananpaj. Chay jinamanta phiñakuyniy k'ajarenqa, chaywan justicia ruwasqa kananpaj.

Amós 4:10

Imaynatachus Egiptoman millay onqoykunata kachaykamorqani, ajinallatataj onqoykunata kachaykamorqaykichej. Saqerqani waynaykichejkuna maqanakupi wañuchisqa kanankuta, saqellarqanitaj awqaykichej caballoykichejkunata qhechusunaykichejta. Wañojniykichejpa asnasqankuta jaraykichejpi muskhicherqaykichej. Chaywanpis qankuna manapuni noqaman kutirikamuwarqankichejchu. Noqa Tata Diosmin chayta nini.

Miqueas 7:13

Kunantajrí kay jallp'a ch'inman tukuchisqa kanqa kaypi tiyakojkunaj juchaykichejrayku. Ajina kanqa millayta ruwasqaykichejrayku.

San Mateo 15:14

Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 11:7

Chay jinaqa israelitakunamanta ashkha Diospa ñawpaqenpi allinpaj qhawasqa kayta mask'ashaspapis, mana tarerqankuchu. Chaywanpis pikunatachus Dios ajllakorqa, chaykunalla chayta tarerqanku. Chay ujkunaj sonqonkutaj rumiyachisqa karqa.

2 Corintios 4:4

Kay pachapi kamachej diosninku Satanasqa Jesuspi mana atinikojkunaj yuyayninkuta laqhayachin, Jesusmanta sumaj willaypa k'anchayninta mana rikunankupaj. Chay sumaj willayqa Cristoj jatun kayninmanta willawanchej. Cristotaj Diospa jatun kayninpa lliphipiyninta rejsichiwanchej.

2 Pedro 1:9

Sichus pipis kaykunata mana ruwashanchu chayrí, chay runaqa pisi ñawiyoj jina mana rikuyta atinchu, jinataj ñawpa juchallisqanmanta llimphuchasqa kasqanta qonqapun.

1 Juan 2:11

Wawqe pananta chejnikojrí laqhallapiraj purishan. Manataj yachanchu maymanchus rinanta, imaraykuchus laqhaqa ñawinta mana rikojta saqenchu.

Apocalipsis 3:17

Qanqa nishanki: Noqaqa qhapaj kani, tukuy imayoj, manataj imamantapis pisinichu, nispa. Jinapis mana reparakunkichu khuyana kasqaykita, mana imayoj, wajcha, ñawsa, q'alallataj.