Sofonías 1:15 - DIOSPA QHELQACHISQ

¹⁵ Chay p'unchaypi Tata Diosqa k'arajta phiñakonqa. Llakikuy, phutikuypis kanqa. Thuñina, ch'inman tukuchina p'unchay kanqa. Tutayay, may laqhayaytaj kanqa. Phuyusqa tuti laqhataj kanqa.

Qheshwa Biblia DC

¹⁵ Phiñakuy p'unchay kanqa. Chay p'unchaypitaj kay imas kanqanku: Llakikuy ayqoytaj. Thuñikuy, ch'impacha kaytaj. Tutayay, may laqhayaytaj. Phuyusqa p'unchay, laqha llanthutaj.

DIOSPA QHELQACHISQAN DEUTEROCANONICAL

¹⁵ Chay p'unchaypi Tata Diosqa k'arajta phiñakonqa. Llakikuy, phutikuypis kanqa. Thuñina, ch'inman tukuchina p'unchay kanqa. Tutayay, may laqhayaytaj kanqa. Phuyusqa tuti laqhataj kanqa.

Sofonías 1:15 ပူးပေါင်းရင်းမြစ်များ

Isaías 13:9

Tata Diospa p'unchaynenqa manchaytapuni jamushan, chay p'unchaytaj manchay ñak'ariy p'unchay kanqa. K'araj phiñakuytaj kay pachata ch'inpachata saqenqa, tukuy juchasapakunatapis chinkarparichenqa.

Isaías 22:5

Tukuy Atiyniyoj Tata Dios nerqa jatun manchachikuy p'unchay chayamunanta. Chaymanta mosqoypi jina rikuna vallepi perqakunata urmachinku, runakunaj qhaparisqankutaj orqokunaman chayan.

Isaías 8:22

Jallp'ata qhawarispataj, rikonqanku llakiyllata, laqhayayllata, may waqaytataj. Jinataj tuti laqha ukhuman wijch'usqa kanqanku.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Joel 2:2

Chay p'unchayqa tutayaj, laqhayaj kanqa, yanayarishaj phuyuwan laqhayachisqa p'unchay kanqa. May atiyniyoj ashkha soldado jina orqo patamanta mast'alla junt'aykamunku, imaynatachus sut'iyayta inti k'anchay orqota wasaykamun, ajinata. Chayman rijch'akojqa mana jayk'ajpis karqachu, nitaj jayk'ajpis kanqachu.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Sofonías 1:18

Tata Diospa phiñakuyninpa p'unchayninpi runaqa mana qolqewan nitaj qoriwan kacharichikonqachu. Aswanpis Tata Diospa phiñakuynenqa nina jina tukuy llajtantinta q'olaykonqa. Ajinata kay pachapi tukuy tiyakojkuna uj ñawi ch'irmiypi chinkarparichisqa kanqanku.

Sofonías 2:2

manaraj uj p'unchayllapi wayrachisqa paja jina chinkachisqa kashajtiykichej, manaraj Tata Diospa sinch'i phiñakuynin pataykichejman urmashajtin. Wakichikuychej, manaraj Tata Diospa k'araj phiñakuyninpa p'unchaynin chayamushajtin.

San Mateo 24:29

Jesús yachachillarqataj: Ñak'ariy p'unchaykunaj qhepanta, inti laqhayaykaponqa. Killapis manaña k'anchanqachu, ch'askakunapis urmaranqanku. Jinallataj janaj pacha atiykunapis kharkatitenqanku.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

Deuteronomio 28:52

Tata Diosniyki qosorqa, chay suyupi llajtakunata muyuykuspa jap'enqanku. Atinikushanki, chay jatuchaj perqakunatapis thuñiykonqanku. Tukuy suyuykipi llajtakunata muyuykuspa, jap'enqanku.

2 Pedro 3:7

Kunan kashaj janajpis, kay pachapisrí Diospa nisqannejta ninapi q'olachisqa kanankupaj waqaychasqa kashanku Diospa juzganan p'unchaykama. Chaypachallataj Diosqa paywan churanakojkunata juzgaspa, chinkarparichenqa.

Apocalipsis 6:17

imaraykuchus Cordero jasut'inan p'unchay chayamunña, manataj pipis awantayta atenqachu, nispa.