Sofonías 1:14 - DIOSPA QHELQACHISQ

¹⁴ Tata Diospa jatun p'unchaynin qayllamushanña. Qayllapiña kashan, usqhayllatataj jamushan. Tata Diospa p'unchaynenqa waqana p'unchay kanqa. Chay p'unchaypi aswan wapu kajkunapis mancharispa qhaparenqanku.

Qheshwa Biblia DC

¹⁴ Señorpa jatun p'unchaynenqa qayllamushanña! Qayllapiña, usqhayllata chayamushan! Señorpa p'unchaynimpa suyaynenqa sonqo nanachej kanqa: Chay p'unchaypeqa aswan atiyniyoj kajkunapis qhaparikonqanku!

DIOSPA QHELQACHISQAN DEUTEROCANONICAL

¹⁴ Tata Diospa jatun p'unchaynin qayllamushanña. Qayllapiña kashan, usqhayllatataj jamushan. Tata Diospa p'unchaynenqa waqana p'unchay kanqa. Chay p'unchaypi aswan wapu kajkunapis mancharispa qhaparenqanku.

Sofonías 1:14 ပူးပေါင်းရင်းမြစ်များ

Isaías 15:4

Jesbonwan, Elealewanpis maytapuni qhaparinku, chay qhaparisqankutaj Yahaskama uyarikun. Chayrayku Moabmanta wapu soldadokunapis maytapuni mancharikuywan qhaparinku.

Isaías 33:7

Uyariychej imaynatachus wapu kajkuna callekunapi qhaparisqankuta. Uyarillaychejtaj allinyakuyta mask'anapaj kachakunapis sonqo nanayta waqasqankuta.

Isaías 66:6

Llajta ukhupi ch'ajwa uyarikun, Templomantapis uj qhapariy uyarikun. Chayqa Tata Diospa qhapariynin, awqankunamanta vengakushajtin.

Isaías 8:22

Jallp'ata qhawarispataj, rikonqanku llakiyllata, laqhayayllata, may waqaytataj. Jinataj tuti laqha ukhuman wijch'usqa kanqanku.

Jeremías 25:36

Michejkuna qhaparinku. Nanaywan ayqonku ovejaykunata pusajkuna, imaraykuchus Tata Diosmin pastonkuta ch'akirparichin.

Jeremías 30:7

Sinch'i ñak'arina p'unchay qayllamushan, chay p'unchay jinaqa mana jayk'ajpis karqachu. Jatun llakiy p'unchay Jacobpa mirayninpaj kanqa. Chaywanpis noqa chaymanta paykunata kacharichisaj.

Jeremías 46:5

Jinapis imatataj rikushaniri? Paykunaqa mayta mancharikuspa kutiripunku. Aswan wapu soldadonkunaqa atipachikuspa, ch'eqeranku, qhepata mana qhawarikuspataj, usqhay usqhayta ayqeranku. Tukuynejpi mancharikuylla tiyan. Noqa Tata Diosmin chayta nini.

Jeremías 48:41

Llajtankuna, chantá sumaj jark'achasqa llajtankunapis awqankoj makinman urmanqanku. Chay p'unchaypi Moabpa soldadonkunaqa kharkatenqanku, imaynatachus paqarichikoj warmi nanaywan kharkatin, ajinata.

Ezequiel 12:23

Qantajrí paykunata niy: Tukuyta Kamachej Tata Dios nin: Chaytaqa Israelpi manaña ujtawan parlankichejchu, nispa. Paykunaman nillaytaj: Chayta ninaykichejtaqa kunanmantapacha ninkichej: P'unchay chayamunña mosqoypi jina tukuy sut'inchaykuna junt'akunankupaj, nispa.

Ezequiel 30:3

Chay p'unchay qayllamushanña. Tata Diospa jasut'inan p'unchayqa qayllapiña. Chay p'unchay phuyusqa p'unchay jina kanqa, tukuy suyukunapajtaj jasut'ina p'unchay kanqa.

Ezequiel 7:12

Kunan chay p'unchay chayamunña. Vendejpis, rantikojpis manaña kusikuchunkuchu, imaraykuchus noqa tukuy paykunata jasut'isaj.

Ezequiel 7:16

Tukuyninku mancharisqa urpi jina orqoman ayqenqanku chaypis, juchankurayku tukuy wañonqanku.

Joel 1:15

Ay, Tata Diospa p'unchaynin chayamushanña. Llakiy p'unchayqa qayllapiña. Tukuy Atiyniyoj Diospa thuñinan p'unchay chayamushanña.

Joel 2:1

Sión orqopi putututa waqachiychej. Noqaj ajllakusqay orqopitaj sinch'ita qhapariychej. Judá suyupi tiyakojkuna, tukuyniykichej kharkatitiychej, imaraykuchus Tata Diospa p'unchaynin chayamushanña.

Joel 2:11

Tata Diosqa soldadonkunaj ñawpaqenkupi purispa, qhon qhon jina kamachisqanta uyarichin. Soldadonkuna may ashkhapuni kanku, kamachisqanta junt'ajkunataj may atiyniyoj kanku. Tata Diospa p'unchaynenqa manchay t'ukuna, manchachikunataj. Manataj pipis ñawpaqenpi sayayta atej kanchu.

Joel 2:31

31 (3.4) Inteqa laqhaman tukonqa, killataj yawar jina puka kanqa, Tata Diospa manchachikuna p'unchaynin manaraj chayamushajtin.

Joel 3:14

14 (4.14) Justicia Ruwana vallepi manchay ashkha runakuna kashanku. Tata Diospa p'unchaynin chayamushanña.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Amós 8:2

Paytaj tapuwarqa: Amós, imatataj rikunki? nispa. Noqataj kuticherqani: Poqoyniyoj canastata rikushani, nispa. Chantá Tata Dios niwarqa: Israelpa millay ruwasqan anchaña, manañataj ujtawan juchanta pampachasajchu.

Sofonías 1:10

Tata Dios kay jinata nillantaj: Chay p'unchaypi yanapanata mañakuspa qhaparikusqanku uyarikonqa, qhaparisqankoqa Challwa Punku nisqamantapacha uyarikonqa. Mosoj llajta nisqapipis runakuna qhaparillanqankutaj, jinallataj orqokunapis ikhakuspa manchayta sonarispa loqhekonqa.

Sofonías 1:7

Tukuyta Kamachej Tata Diospa ñawpaqenpi ch'inlla kaychej, imaraykuchus Tata Diospa p'unchaynenqa chayamushanña. Tata Diosqa uj jaywanata wakichin, wajyakusqankunapis t'aqasqaña kashanku.

Malaquías 4:5

5 (3.23) Sumajta uyariwaychej: Noqaqa sut'inchaj Eliasta kachamusqaykichej, Tata Diospa p'unchaynin manaraj chayamushajtin. Chayqa jatun p'unchay kanqa, manchayta manchachikunataj.

Hechos 2:20

Jinallataj inti laqhayaykonqa, killataj yawar jina pukayaykonqa, manaraj Tata Diospa may t'ukuna jatun p'unchaynin rikhurimushajtin.

Filipenses 4:5

K'acha kasqaykichejta tukuy yachachunku. Cuentaman churaychej: Tukuyta Kamachej Jesuspa kutimunanqa qayllapiña.

1 Tesalonicenses 4:16

Chaypacha Tukuyta Kamachej Jesús jatunmanta kamachenqa, arcangeltaj qhaparenqa, jinataj uj ángel Diospa trompetanta waqachenqa. Chantá janaj pachamanta kikin Tukuyta Kamachej Jesús urayk'amonqa. Chaymantataj Cristopi atinikoj wañojkuna ñawpajta kawsarimponqanku.

Hebreos 12:26

Chaypacha Diospa parlasqan kay pachata kharkatiticherqa. Kunantajrí pay nillantaj: Uj kutitawan kharkatitichisaj, mana kay pachallatachu, manachayqa janaj pachatawan, nispa.

Santiago 5:9

Wawqe panaykuna, ama ujkuna ujkuna qhawanakuspa thutuychejchu, ama Dios juzgasunaykichejpaj. Juezqa jamunanpajña kashan.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.