Sofonías 1:13 - DIOSPA QHELQACHISQ

¹³ Chayrayku tiyapuyninkutaqa suwakuna qhechonqanku, wasinkutaj laqayaman tukuchisqa kanqa. Wasitapis ruwakonqanku, manataj chaypi tiyakonqankuchu. Uvatapis mallkenqanku, poqoyninmantataj mana vinota ujyanqankuchu, nispa. Ajinata Tata Dios nin.

Qheshwa Biblia DC

¹³ Chayrayku waqaychasninkuta, suwas qhechonqanku. Wasisninkutaj thuñisqas kanqa. Wasista ruwakonqanku, manataj chay wasispi tiyakonqankuchu. Uvasta plantanqanku, chay uvas sach'aj poqoyninmantataj vinota mana ujyanqankuchu.

DIOSPA QHELQACHISQAN DEUTEROCANONICAL

¹³ Chayrayku tiyapuyninkutaqa suwakuna qhechonqanku, wasinkutaj laqayaman tukuchisqa kanqa. Wasitapis ruwakonqanku, manataj chaypi tiyakonqankuchu. Uvatapis mallkenqanku, poqoyninmantataj mana vinota ujyanqankuchu, nispa. Ajinata Tata Dios nin.

Sofonías 1:13 ပူးပေါင်းရင်းမြစ်များ

Isaías 6:11

Noqarí taporqani: Tukuyta Kamachej Dios, mayk'ajkamataj ajina kanqari? nispa. Paytaj niwarqa: Kayqa llajtankukuna chinkachisqa kanankama kanqa, mana uj runayoj nitaj wasiyoj ni piniyoj kanankama, campopis ch'inpacha qhepakunankama.

Jeremías 15:13

Israel, tukuy juchaykiraykumin awqaykej makinman jaywaykusaj tukuy qolqeykita, valorniyoj kapuyniykita, tukuy imachus jallp'aykipi kajtawan ima. Tukuyninta paykuna apakapunankupaj jaywaykusaj.

Jeremías 17:3

Jinallataj campopi, orqokunapi ima kashanku. Juchallisqaykirayku qhapaj tiyapuyniykita, valorniyoj kapuyniykita ima apakapunankupaj wajkunaman jaywaykusaj. Loma patapi yupaychana cheqakunatapis suwanankupaj jaywaykullasajtaj.

Jeremías 4:20

Patanpi patanpi llakiy willay chayamun. Tukuy Judá suyu ch'inyachisqa kashan. Kaymanta jinalla toldoykuna phirisqa rikhurerqanku, jarakunaytaj phirisqa karqanku.

Jeremías 4:7

Leonqa jusk'umanta llojsimunña. Suyukunata chinkarachejqa puririmunña, tukuy llajtaykita ch'inyachinanpaj, raqaykunallataña saqenanpaj ima.

Jeremías 5:17

Chay runakuna poqochisqaykita, mikhunaykitapis tukuykonqanku, jinallataj qhari wawaykikunata, warmi wawaykikunatapis wañuchenqanku. Chantá ovejaykikunata, wakaykikunatapis mikhuykakaponqanku. Uva huertaykita, higo sach'aykitapis llant'aykonqanku. Mayqenkunapichus atinikoj kanki, chay jatuchaj perqawan jark'achasqa llajtaykikunatapis phirenqanku, nispa.

Jeremías 9:11

11 (10) Tata Dios nin: Jerusalén llajtata rumi qotuman tukuchisaj, k'ita alqokunaj tiyakunanman. Judá suyupi llajtakunata raqaykunaman tukuchisaj, manañataj pipis chaypi tiyakoj kanqachu, nispa.

Jeremías 9:19

19 (18) Sionmantapacha llakiymanta waqaspa qhaparisqanku uyarikun: Ay, imaynatataj mana imayoj llakiypi rikhurinchej. May p'enqachisqa kashanchej. Kay suyunchejta saqerparinanchej tiyan, imaraykuchus wasinchejqa raqaykunallaña, nispa.

Lamentaciones 5:2

Tukuy jallp'aykuta waj llajtayojkuna jap'ikapunku. Wasiykupis waj runakunaj makinkuman chayan.

Ezequiel 22:31

Chayrayku paykunaj patankuman k'araj phiñakuyniyta kachaykamusaj. Jinaspataj, nina lawray jina phiñakuyniywan paykunata chinkachisaj. Millayta ruwasqankuman jina pagachikusaj. Noqa Tukuyta Kamachej Tata Dios ajinata nini.

Ezequiel 7:19

Qolqenkutapis qorinkutapis ñanman q'opata jina wijch'onqanku. Tata Diospa k'araj phiñakuynin p'unchaypi ni qorinku, nitaj qolqenkupis paykunata qhespichiyta atenqachu. Qolqenkoqa mana paykunata sajsachiyta atenqachu, nitaj wijsankutapis junt'achiyta, imaraykuchus qolqemanta wañurisqa kayninkoqa paykunata millay kawsayman aparqa.

Ezequiel 7:21

Noqaqa waj llajtayojkunata kachaykusaj paykunamanta chay imakunata qhechunankupaj. Kay pachamanta astawan millay runakunaman tukuy kapuyninkuta jaywaykusaj. Tukuy kapuyninkuta millayman tukuchenqanku.

Ezequiel 7:24

Chantá noqa waj suyukunamanta mana khuyakuyniyoj runakunata pusamusaj, paykuna israelitakunaj wasinkukunata jap'ikapunankupaj. Atiyniyoj israelitakunaj jatunchakuyninkuta chinkachisaj, yupaychananku cheqakunatapis p'enqayman tukuchisaj.

Amós 5:11

Qankunaqa ch'eqosqa rumimanta ruwasqaykichej wasikunapi mana tiyakuyta atinkichejchu, nitaj poqochisqaykichej uvamanta vinotapis ujyayta atinkichejchu, imaraykuchus wajchakunata waqacherqankichej, poqochisqanku trigomantataj ashkha impuestota orqhorqankichej.

Miqueas 3:12

Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Miqueas 6:15

Tarpunki chaypis, mana poqoyta oqharinkichu. Olivo sach'amanta aceitunata takaspapis, mana aceitenta llamirinkichu. Uvata ch'irwaspapis, mana vinota ujyankichu.

Sofonías 1:9

Chay p'unchaypi wasikunaman suwaj yaykuykojkunata jasut'illasajtaj, pikunachus patronninkuta q'otiyaspa, suwasqankuwan diosninkoj wasinkuta junt'achinku, chaykunata, nispa.

Deuteronomio 28:30

Casaranaykipaj parlapayakusqayki warmiwanpis waj qhari puñuykonqa. Wasita ruwakunki chaypis, mana chaypi tiyakunkichu. Uva huertata ruwanki chaypis, nillataj poqoyninta mikhunkichu.

Deuteronomio 28:39

Uva huertata ruwaspa, sumajta qhawanki chaypis, mana vinonta ujyankichu, nitaj poqosqantapis pallankichu, imaraykuchus khurulla tukuyninta tukukaponqanku.

Deuteronomio 28:51

Paykunaqa uywaykikunaj uñankuta, jinallataj chajraykej poqosqantapis mikhukaponqanku. Ni trigota, vinota, aceiteta, ni wakaykikunaj uñankuta, nitaj ovejaykikunaj uñankutapis puchupusonqankuchu. Sonqo nanay khuyayllata saqesusqankurayku, yarqhaymanta wañunki.