Sofonías 1:12 - DIOSPA QHELQACHISQ

¹² Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

Qheshwa Biblia DC

¹² Jaqay p'unchaykunapi uj k'anchanata jap'isaj, Jerusalentataj sumajta qhawaykusaj. Chaypachaqa runasta jasut'isaj pikunachus tiyallanku ñaupa vino jina, chaykunata mana ima llakiyniyoj kashanku chaykunatawan. Paykunaqa sonqonkupi nishanku: Señorqa mana imatapis ruwanqachu. Señorqa allin kajta, nitaj mana allin kajtapis ruwanqachu.

DIOSPA QHELQACHISQAN DEUTEROCANONICAL

¹² Chaypacha noqa lamparata jap'ichispa, Jerusalén llajtapi k'uchun k'uchunta mask'asaj. Chantá pikunachus vino jina tekalla kakojkunata jasut'isaj, mana ima llakiyniyoj kashanku, chaykunata. Paykunata jasut'isaj, imaraykuchus nishanku: Tata Dios mana allin kajta ruwanchu, nitaj mana allin kajtapis, nispa.

Sofonías 1:12 ပူးပေါင်းရင်းမြစ်များ

Job 21:15

Pitaj kasqa Tukuy Atiyniyoj Dios payta kasunaykupajri? Imatá tarisqayku kasqa paymanta mañakuspari? nispa.

Salmos 10:4

Payqa Diosta mana mask'anchu. Chantá nin: Dios mana kanchu. Cuentata mañawajqa mana pipis kanchu, nispa. Yuyayninpeqa Diospi yuyana mana kanchu.

Salmos 14:1

(1b) Wampukunaqa sonqonkupi ninku: Mana Dios kanchu, nispa. Tukuyninku millayta purinaman qokunku, ruwasqankutaj mayta millachikunapaj jina. Allinta ruwajqa mana pipis kanchu.

Salmos 94:7

Paykunataj ninku: Tata Dios mana rikunchu, Jacobpa Diosnin mana reparanchu, nispa.

Isaías 5:19

Qankuna ninkichej: Diosqa imatachus ruwananta usqhayta ruwachun, noqanchej rikunanchejpaj. Israelpa May Llimphu kaj Diosnenqa ruwananta usqhayllata junt'achun, imaraykuchus noqanchej imachus kananta yachayta munanchej, nispa.

Jeremías 10:5

Chay lantikuna p'isqo manchachinaman rijch'akunku, imaynatachus pepino chajrapi manchachita churanku, ajina. Jinallataj chay lantikuna mana purinkuchu, q'epiykachanaraj kanku. Ama paykunamanta manchachikuychejchu. Chay lantikunaqa ni pita yanapankuchu, nitaj mana allin kajtapis ruwayta atinkuchu, nispa.

Jeremías 48:11

Moabqa ni pejpa ima nisqan unaymantapacha tiyakorqa. Mana jayk'ajpis chay llajtayojkunata suyunkumanta apasqankuchu. Sumaj vinotaqa uj cheqallapi mana wich'imanta waj wich'iman wisispa poqochinchej, ajinamanta misk'i kaynin, q'apaynintaj ama chinkananpaj, icharí? Ajinallataj Moabqa jallp'allanpi qhepakorqa.

Ezequiel 8:12

Chantá Tata Dios niwarqa: Runaj churin, imatachus israelitakunaj kurajninkukuna pakayllapi ruwashasqankuta rikunkichu? Sapa ujninku pintasqa lantinkoj wasinpi kashanku. Paykuna ninku: Tata Dios mana rikushawanchejchu. Payqa kay suyuta saqerpayan, nispa.

Ezequiel 9:4

Paymantaj nerqa: Jerusalén llajtaj ukhunta purispa, mask'ay, pikunachus tukuy ima millay ruwakusqanmanta llakikuspa waqashanku, chay runakunata. Tarispataj, uj señalta sapa ujpa mat'inkuman churaykuy, nispa.

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Amós 6:1

Ay, Sionpi ni imamanta llakiyniyoj kawsajkuna. Ay, pikunachus ni imamanta manchachikuspa Samariapi tiyakojkuna. Qankunaqa jatunpaj qhawasqa kankichej waj suyukunapi, jinataj israelitakuna yanapata mask'aspa, qankunaman rinku.

Abdías 1:6

Esaú, tukuy k'uchuta mask'aspa, tukuy imaykita apakaponqanku. Tukuy qhapaj kayniykita mana puchuyojta suwanqanku.

Malaquías 2:17

Tata Diosqa parlasqaykichejta uyarispa, sayk'unña. Chaywanpis qankuna tapunkichejraj: Imata nispataj payta sayk'ucherqaykuri? nispa. Qankuna ninkichej: Tata Diosqa mana allinta ruwajkunata allinpaj qhawan, paykunawantaj kusikun, nispa. Manachayqa nillankichejtaj: Maypitaj kashan justiciata ruwaj Diosri? nispa.

2 Pedro 3:4

Paykuna nenqanku: Cristo kutimunanta nerqa. Maytaj kutimusqanri? Ñawpa tataykupis wañupunkuña, kunankamataj tukuy ima, qallariypi jina imaynachus karqa, jinallapuni kakushan, nispa.

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.