Salmos 67:4 - DIOSPA QHELQACHISQ

⁴ 4 (5) Tukuy suyumanta runakuna kusisqa qhaparichunku, imaraykuchus qanqa justiciata ruwaspa, runakunata kamachinki. Qanlla kay pachapi suyukunata allinta michinki.

Qheshwa Biblia DC

⁴ Tukuy jatun ayllus kusisqas qhaparichunku, imaraykuchus qan cheqanta ayllusta kamachinki. Qanlla kay pachapi runasta ñaupajman pusanki.

DIOSPA QHELQACHISQAN DEUTEROCANONICAL

⁴ 4 (5) Tukuy suyumanta runakuna kusisqa qhaparichunku, imaraykuchus qanqa justiciata ruwaspa, runakunata kamachinki. Qanlla kay pachapi suyukunata allinta michinki.

Salmos 67:4 ပူးပေါင်းရင်းမြစ်များ

Génesis 18:25

Qanqa mana atiwajchu mana juchayojta juchayojtawan khuska wañuchiyta, iskayninkupis kikinta juchallinkuman karqa jinataqa. Ama chayta ruwaychu ari. Tukuy kay pachapi justiciata ruwaj kashaspa, manachu cheqan kajta ruwawaj? nispa. Ajinata Abraham nerqa.

Salmos 2:8

Mañakuway suyukunata chayaqeykipaj qosunayta, noqataj tukuy kay pachata qosqayki.

Salmos 82:6

Noqa nerqani qankunaqa dioskuna kasqaykichejta, tukuyniykichejtaj Patapi Kaj Diospa wawankuna kasqaykichejta.

Salmos 9:8

8 (9) Payqa kay pachapi runakunata cheqantapuni juzganqa, maychus kajtataj justiciata ruwanqa.

Salmos 96:10

Tukuy suyumanta runakunaman niychej: Tata Diosqa Kuraj Kamachejmin. Paymin kay pachata sinch'ita sayacherqa, mana kuyunanpaj jina. Payllataj tukuy runata kamachin mana uyankuta qhawarispalla, nispa.

Salmos 98:9

Tata Dios kay pachata juzgananpaj jamushan. Payqa kay pachapi runakunata cheqan kajman jina juzganqa, mana pimanpis sayakuspa.

Isaías 54:1

Tata Dios nin: Jerusalén llajta, jatunmanta kusikuy ari, mana wawata rejsej warmi, mana wawata paqarichikuyta yachaj warmi. Jatunmanta takispa, kusikuy mana wijsallikuyta yachaj warmi, imaraykuchus saqerparisqa warmej wawankuna aswan ashkha kanqanku qosayoj warmej wawankunamanta nisqaqa.

Isaías 55:4

Noqa Davidta tukuy suyupaj testigo kananpaj churarqani, chantá kuraj kamachej jina paykunaman yachachinanpaj.

Isaías 60:6

Madianmanta, Efamantawan ashkha camellokuna cargawan chajnasqa junt'aykamusonqanku. Sabá suyumanta runakunaqa qorita, inciensotawan apamonqanku, Tata Diospa sutintataj maytapuni jatunchanqanku.

Hechos 17:31

Chayqa ajina, imaraykuchus Dios uj p'unchayta wakichinña, chay p'unchaypitaj cheqa kayninman jina tukuy runata juzganqa kachamusqan runanejta. Diostaj sut'ita yachayta qon pichus chay runa kasqanta, chay runata wañusqamanta kawsarichimuspa, nispa. Ajinata Pabloqa juntapi kajkunaman nerqa.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

Gálatas 4:27

Diospa Qhelqachisqanpi nin: Kusikuy, mana wawata rejsej warmi. Jatunmanta qhaparispa kusikuy, onqokoj warmej nanayninta mana rejsej, imaraykuchus saqerpayasqa warmeqa aswan ashkha wawayoj qosayoj warmimanta nisqaqa, nispa.

Deuteronomio 32:43

Waj suyukuna, Diospa ayllunwan khuska kusikuychej, imaraykuchus Diosqa kamachinkunata wañuchisqankumanta pagachikonqa. Awqankunawan pagachikuspa, payqa suyunpata, ayllunpatawan ima juchankuta pampachanqa, nispa.