Rut 1:20 - DIOSPA QHELQACHISQ

²⁰ Noemitajrí kuticherqa: Amaña Noemí niwaychejchu, manachayqa Mara niwaychej, imajtinchus Tukuy Atiyniyoj Diosqa imaymana llakiykunata apachimuwan.

Qheshwa Biblia DC

²⁰ Paytaj kuticherqa: Ama sutichawaychejchu Noemí nispa, manachayqa Mara niwaychej, imaraykuchus tukuy Atiyniyoj Dios imaymana llakiykunaswan junt'achiwan.

DIOSPA QHELQACHISQAN DEUTEROCANONICAL

²⁰ Noemitajrí kuticherqa: Amaña Noemí niwaychejchu, manachayqa Mara niwaychej, imajtinchus Tukuy Atiyniyoj Diosqa imaymana llakiykunata apachimuwan.

Rut 1:20 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 43:14

Tukuy Atiyniyoj Diostaj chay runaj sonqonta llamp'uyachichun, qankunamanta khuyarikunanpaj. Ajinamanta qhepakoj wawqeykichejta, chantá Benjaminta ima kacharimponqa. Noqarí, sichus mana wawayoj qhepakunay kashan chayqa, jina mana wawayoj qhepakusaj, nispa.

Job 11:7

Diospa pakasqa imankunata tariyta atiwajchu? Tukuy Atiyniyoj Dios jina mana pantayniyoj kawajchu?

Job 19:6

Kayta allinta yachaychej: Diospuni noqataqa ñak'arichiwan, paymin tojllaman urmachiwan.

Job 5:17

Pi runatachus Tata Dios cheqan ñanman churayta munaspa k'amin, chaymin kusisqa. Chayrayku qanqa Tukuy Atiyniyoj Tata Dios k'amisusqanta ama qhesachaychu.

Job 6:4

Tukuy Atiyniyoj Dios arcowan flechanta kacharispa, jap'ichiwan, chay flechaj venenontaj tukuy ukhuyman junt'aykun. Diosqa tukuy imaymana llakiykunawan seq'owan.

Job 9:18

Astawan sinch'i llakiykunawan junt'aykuchiwanman, ni samarikojllatapis saqewanmanchu.

Salmos 73:14

Chayta ruwaspapis, noqaqa sapa p'unchay seq'osqa kani, sapa paqarintaj jasut'iwanku.

Salmos 88:15

15 (16) Wayna kasqaymantapacha llakisqa, wañuy patapitaj manchay mancharisqa kani. Sinch'i ñak'ariykunata kachaykamuwanki, manaña awantayta atiniñachu.

Éxodo 15:23

Mará nisqa cheqaman chayarqanku. Chaywanpis chaypi kaj yakuta mana ujyayta aterqankuchu, k'ara kasqanrayku. Chayrayku chay cheqata “Mará”, nispa, suticharqanku.

Éxodo 6:3

Noqaqa Tukuy Atiyniyoj Dios sutiywan Abrahamwan, Isaacwan, Jacobwan ima rejsichikorqani. Tata Dios sutiywanrí mana paykunaman rejsichikorqanichu.

Isaías 38:13

Noqaqa nanaywan qhaparikuspa sut'iyarqani, uj leonpis tulluykunata mitharparinman jina. Uj p'unchayllapi kawsayniy tukukapun.

Hebreos 12:11

Arí, jasut'isqa kashanchej chaypachaqa mana kusikunapaj jinachu, imajtinchus nanakun. Chaymantarí, sichus Dios imatachus yachachiyta munawasqanchejta tukuy sonqo jap'ikunchej chayqa, allinpi kawsay, chantá allin kajta ruway ima sumaj poqoy jina kawsayninchejpi kanqa.

Apocalipsis 1:8

Noqa kani Tukuy Imaj Qallariynin, Tukukuynintaj, pichus kunan kaj, karqataj, wiñaypaj kallanqapunitaj, chay, nispa nin Tukuy Atiyniyoj Dios.

Apocalipsis 21:22

Chay llajtapeqa mana ima templotapis rikorqanichu, imaraykuchus llajtaj templonqa Tukuyta Kamachej, Tukuy Atiyniyoj Dios, Corderotaj.