Rut 1:15 - DIOSPA QHELQACHISQ

¹⁵ Chantá Noemí Rutta nerqa: Ñojch'a masiykeqa llajtanman, diosninkunamantaj kutipun. Qanpis ripullaytaj, wawáy, nispa.

Qheshwa Biblia DC

¹⁵ Chaypacha Noemí nerqa: Qhaway qhachuni masiyki llajtanman dioskunasninmantaj kutipun. Qampis ripuy, wawáy.

DIOSPA QHELQACHISQAN DEUTEROCANONICAL

¹⁵ Chantá Noemí Rutta nerqa: Ñojch'a masiykeqa llajtanman, diosninkunamantaj kutipun. Qanpis ripullaytaj, wawáy, nispa.

Rut 1:15 ပူးပေါင်းရင်းမြစ်များ

2 Reyes 2:2

Chantá Eliasqa Eliseota nerqa: Kaypi qhepakuy, imaraykuchus Tata Diosqa Betelman kachashawan, nispa. Eliseotajrí nerqa: Tata Diospa sutinrayku chantá sutiykirayku ima tiluni: Mana sapaykita rejta saqesqaykichu, nispa. Chantá iskayninku Betelman rerqanku.

Salmos 125:5

Mana allinta ruwaspa purejkunatarí, millayta ruwajkunatawan khuska Tata Dios wijch'onqa. Israel ayllupi allin kawsakuyllapuni kachun.

Salmos 36:3

3 (4) Payqa khuchi simi, llullataj. Yachayniyoj kayta saqespa, mana allin kajta ruwanchu.

Sofonías 1:6

Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

Números 10:30

Hobabtajrí Moisesta nerqa: Mana, noqaqa llajtayman kutipunay tiyan, maypichus tukuy aylluy tiyakunku chayman, nispa.

San Lucas 24:28

Mayqen llajtamanchus chay yachachisqakuna risharqanku, chayman chayaspa, Jesusqa aswan karuman rej tukorqa.

Hebreos 10:38

Cheqan runapaj qhawasqay kajkunaqa noqapi atinikusqankunejta wiñaypaj kawsanqanku. Ñawpa kawsayninkuman kutiripojkunawanrí, sonqoy mana kusisqachu kanqa, nispa.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

Josué 24:19

Josuetajrí israelitakunata nerqa: Qankunaqa Tata Diosta kasuspa puriyta mana atinkichejchu, imaraykuchus payqa manchay llimphu Diosmin, celosotaj. Payqa mana qhawallanqachu contranpi oqharikusqaykichejta nitaj juchallisqaykichejtapis.

1 Juan 2:19

Paykunaqa noqaykuwan khuska karqanku. Chaywanpis mana noqaykumantapunichu karqanku. Noqaykumantachus kankuman karqa chayqa, paykunaqa noqaykuwan qhepakunkuman karqa. Jinapis llojsipuspa, mana jayk'ajpis noqaykumantachu kasqankuta yachayta qorqanku.

Jueces 11:24

Quemos diosniyki qosusqanqa manachu qanpata? Jinallataj noqaykupis Tata Diospa qowasqaykuta noqaykojtapuni kasqanta qhawayku.

Rut 1:14

Chayta uyarispa, Orfawan Rutwan watej khuyayta waqarikullarqankutaj. Chantá Orfaqa suegranta much'aykuytawan, llajtanman kutiporqa. Ruttajrí paywan qhepakaporqa.

Rut 1:16

Ruttajrí kuticherqa: Ama niwaychu saqesunayta, nitaj qanmanta t'aqakunayta. Noqa risaj maymanchá rinki, chayman. Kawsamusajtaj maypichá kawsanki, chaypi. Llajtaykeqa llajtay kanqa, Diosniykipis Diosnillaytaj kanqa.