Proverbios 8:13 - DIOSPA QHELQACHISQ

¹³ Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Qheshwa Biblia DC

¹³ Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

DIOSPA QHELQACHISQAN DEUTEROCANONICAL

¹³ Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Proverbios 8:13 ပူးပေါင်းရင်းမြစ်များ

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Salmos 101:3

Ni jayk'aj mana allin kajta qhawasajchu. Noqaqa Diosmanta karunchakojkunaj ruwasqankuta chejnikuni, paykunawantaj mana ni ima ruwanay kanchu.

Salmos 119:104

Kamachisqaykeqa yuyayniyojta ruwawan. Chayrayku mana allinta ruwaspa purinata chejnikuni.

Salmos 119:128

Sapa uj kamachisqaykeqa cheqanmin. Chayrayku mana cheqanta ruwaspa purinata chejnikuni.

Salmos 138:6

Tata Dios may jina patapipis kashaspa, llamp'u sonqoyojkunamanta qhawarinpuni. May kasqankuta yuyakojkunamantarí karunchakun.

Salmos 97:10

Tata Diosta munakojkuna, millay kajta ruwanata chejnikuychej. Tata Diosqa payta kasojkunaj kawsayninkuta waqaychan, paykunatataj millayta ruwajkunaj makinmanta kacharichin.

Éxodo 1:17

Chaywanpis parterakunaqa Diosta may jatun respetowan qhawaspa, Egipto suyuta kuraj kamachejta mana kasorqankuchu, nitaj qhari wawakunata wañucherqankuchu.

Proverbios 10:31

Cheqan runaj siminmanta yachay llojsimun, millayta ruwajpa qalluntarí khuchonqanku.

Proverbios 15:9

Tata Diosqa mana allinta ruwajkunaj kawsasqankuta millachikun, cheqanta kawsajkunatarí munakun.

Proverbios 16:18

Jatunchakuypa qhepanta mana allinpi kay jamun, runaykachaypa qhepantataj llakiylla.

Proverbios 16:5

Tata Diosqa runaykachajkunata millachikun, paykunataj jasut'isqapuni kanqanku.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 3:7

Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

Proverbios 4:24

Mana allinta parlanamanta ayqey, llullata parlanamantapis karunchakuy.

Proverbios 6:12

Millayta ruwaj runaqa mana p'enqakuspa, llullata parlaspallapuni purin.

Isaías 13:11

Tata Dios nin: Kay pachapi kajkunata juchankumanta jasut'isaj, millayta ruwaj runakunatataj millay ruwasqankumanta jasut'isaj. Millay runakunaj machu machuykachayninkuta chinkachisaj. May kasqankuta yuyakojkunatataj k'umuykachachisaj.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

Amós 6:8

Tukuy Atiyniyoj Tata Dios sutinpi tiluspa nin: Israelitakunaj wapuykachasqankuta chejnini, kamachinanku wasikunatataj mana rikuyta atinichu. Kay llajtata awqankuman jaywasaj, imankunachá tiyan, chaytawan, nispa.

Zacarías 8:17

Ama mana allin kajta qankunapura ruwanakuychejchu, amataj llullakuspa tiluychejchu, imajtinchus noqa chay tukuyta millachikuni. Ajinata noqa Tata Dios nini.

Romanos 12:9

Qankuna wajkunata tukuy sonqo munakuychej, ama simillamantachu. Jinataj mana allin kajta chejniychej, allin kajmantataj ch'ipakuychej.

1 Tesalonicenses 5:22

Tukuy mana allin kajmantarí karunchakuychej.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.

1 Samuel 2:3

Ama ni pi runaykachaspa parlachunchu. Amataj pipis chhikata jatunchakuchunchu, imaraykuchus Tata Diosllamin tukuy imata yachaj Diosqa. Paymin yachan runaj ruwasqan allinchus manachus kasqanta.