Proverbios 7:26 - DIOSPA QHELQACHISQ

²⁶ Chay warmirayku mashkha qharikuna mana allin kawsayman chayanku, jinataj aswan kallpayojkunapis wañullankutaj.

Qheshwa Biblia DC

²⁶ Chay warmeqa ashkhata nanachisqasta kacharin, jinamanta aswan kallpasniyojkunata ashkhasta wañurachin.

DIOSPA QHELQACHISQAN DEUTEROCANONICAL

²⁶ Chay warmirayku mashkha qharikuna mana allin kawsayman chayanku, jinataj aswan kallpayojkunapis wañullankutaj.

Proverbios 7:26 ပူးပေါင်းရင်းမြစ်များ

2 Samuel 3:27

Hebronman Abner chayamojtinkama, Joabqa llajta punkumanta wajnejman pusarqorqa sapallankupi parlanankupaj. Chaypitajrí Joabqa Abnerta wijsanpi t'ojsispa, wañurparicherqa, wawqen Asaelta wañuchisqanmanta vengakuspa.

Nehemías 13:26

Paykunata nillarqanitaj: Manachu Israelpa ñawpa kuraj kamachejnin Salomonpis ajinata ruwaspa juchallisqa? Tukuy suyupi pay jina kuraj kamachejqa mana kasqachu. Diosqa payta munakuspa, israelitakunata kamachinanpaj churasqa. Chaywanpis chay waj llajtayoj kaj warmikuna payta juchallichisqanku.

Proverbios 2:18

Chay warmej wasinman rinaqa wañunamanpis enqhaykukusunman jina.

Proverbios 23:28

Chay warmeqa suwa jina wateqan, ashkha qharikunata juchallichinanpaj.

Proverbios 6:33

Chay runaqa p'enqaypi rikhurenqa, maqachikuytapis tarikonqa, p'enqachisqa kayta tarikusqantaj mana jayk'ajpis chinkanqachu.

Proverbios 7:27

Chay warmej wasinman yaykojkunaqa cheqanta jallp'aj sonqonman yaykupunku.

Proverbios 9:18

Chay runakunarí chaypi wañuna kasqanta mana yachankuchu. Wajyasqankuna jallp'aj sonqoman yaykusqanku.

1 Corintios 10:8

Ama noqanchejqa paykunamanta wakinkuna jina khuchiriyoman qokunachejchu. Chaypacha khuchiriyoman qokojkunaqa uj p'unchaylla 23.000 wañuchisqa karqanku.

2 Corintios 12:21

Manchachikullanitaj, qankunaman watukoj kutimojteyqa, Tata Dios qankunaj ñawpaqeykichejpi p'enqaypi rikhurichinawanmanta. Ichapis waqanay kanqa, pikunachus unayña juchallinku, manataj Diosman kutirikunkuchu, chaykunamanta. Paykuna mana Diosman kutirikunkuchu ch'ichi kawsayninkumanta, khuchichakuspa qhenchachakusqankumanta, munasqankuta ruwaspa kawsasqankumanta ima.

1 Pedro 2:11

Munasqa wawqe panaykuna, qankuna kay pachapi waj llajtayojkuna jina kankichej. Chayrayku tukuy sonqo mañakuykichej: Ama juchallinaman aysaj sonqoykichejpa munasqanta kasuychejchu, imaraykuchus chaykuna sonqoykichejpa contranpi sayaykunku.

Jueces 16:21

Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.