Proverbios 5:22 - DIOSPA QHELQACHISQ

²² Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Qheshwa Biblia DC

²² Sajra runataqa kikin sajra ruwasqallantaj qhatiykachan, kikin juchallantaj waskha jina jap'iykun.

DIOSPA QHELQACHISQAN DEUTEROCANONICAL

²² Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Proverbios 5:22 ပူးပေါင်းရင်းမြစ်များ

1 Reyes 18:18

Eliastajrí kuticherqa: Mana noqachu Israel suyuta sinch'i llakiyman churani. Aswanpis qanwan, tataykej ayllunwan Tata Diospa kamachisqanta saqerpayankichej, Baal nisqa lantita yupaychaspataj, Israel suyuta sinch'i llakiyman churankichej.

Ester (hebreo) 9:25

Estertajrí kuraj kamachejpaman rejtin, Asueroqa cartata qhelqaspa apachisqa, Amanpa tukuy sajrata judiokunapaj yuyasqanqa payllamantaj urmananpaj. Ajinamanta paywan, churinkunawan ima warkhusqa kasqanku.

Job 18:8

Payllataj purinanman uj tojllata churakonqa, chay tojllapitaj ch'ipasqa rikhurenqa.

Salmos 40:12

12 (13) Mana yupay atina may chhika llakiykuna muyuykuwanku. Millayta ruwasqallaytaj jap'irpariwan, manañataj rikuyta atinichu maynintachus ayqenayta. Millayta ruwasqayqa chujchaymantapis aswan ashkha kanku. Kallpaypis manaña kanchu.

Salmos 9:15

15 (16) Diosman mana kutirikojkunarí allasqanku t'oqollamantaj urmanku, jap'inapaj ch'ipata churallasqankupitaj chakinkutapis jap'ichikunku.

Salmos 9:17

17 (18) Millayta ruwaspa purejkuna, Diosman mana kutirikojkuna ima jallp'aj sonqonman yaykonqanku, Diosmanta qonqapusqankurayku.

Proverbios 1:18

Chay runakunarí tojllata paykunallapajtaj churakunku. Paykuna kikillankutaj wañuyman qaraykukunku.

Proverbios 11:3

Cheqan runataqa cheqan kawsakuynin kawsachin, puraj uya runakunatarí wasanchasqan chinkachin.

Proverbios 11:5

Cheqanta ruwanaqa cheqan runaj ñanninta cheqanchan. Millayta ruwaj runarí mana allinta ruwasqallanpitaj urmanqa.

Proverbios 11:6

Cheqanta ruwasqanqa cheqan runata kacharichenqa. Juchasapakunatarí juchallankutaj jap'iykonqa.

Proverbios 12:14

Pichus allinta parlajqa mikhunallayojpuni kanqa, ruwasqanman jinataj t'inkata jap'enqa.

Proverbios 14:32

Millayta ruwaj runata mana allin ruwasqallantaj jatun llakiyman churan. Allin ruwaj runarí wañunankama Tata Diosllapi suyakun.

Proverbios 18:7

Wampu runa payllamanta mana allinpi tukukun, simillanwantaj payllapaj uma nanayta mask'akun.

Proverbios 24:12

Sichus qan niwaj: Manapuni yacharqaykuchu, nispa chayqa, pichus sonqoykita rikojqa yachanpuni, ruwasqaykita rikusojtaj qhawanqa. Payqa sapa ujman ruwasqanman jina qoponqa.

Proverbios 26:27

Pichus t'oqota allajqa payllataj chayman urmaykonqa. Jatun rumita tanqajpis payllataj urmaykuspa, chaywan p'altachikonqa.

Eclesiastés 7:26

Noqa wañuymantapis imachus astawan mana allin kasqanta tarini: Chayqa sajra purikoj warmimin. Sonqonqa uj tojlla jina, makinkunataj cadena jina mana qharita kacharinchu. Diosta kasoj runaqa chay jina warmimanta ayqekonqa. Juchasapa runarí chay warmej tojllanpi urmanqa.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Lamentaciones 1:14

Tata Diosqa juchallisqayta rikuspa, chay juchayllawantaj yugowan jina wataykuwan. Chayqa manchayta llasaykuwan, kallpayta tukuchinawankama. Tukuyta Kamachej Diosqa millay runakunaj makinman churaykuwan, noqataj manaña awantayta atinichu.

Abdías 1:15

Tata Dios tukuy suyukunata jasut'inan p'unchay chayamushanña. Chayrayku imaynatachus wajkunata ruwarqanki, ajinallatataj qantapis ruwasonqanku. Imatachus ruwasqaykiman jina jap'inki.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

Hebreos 13:4

Casarakunata tukuylla manchay sumaj kasqanta qhawaychej. Jinallataj qhari warmi kajkunapis mana wasanchanakuspa kawsakuychej, imaraykuchus Diosqa khuchichakojkunata, chantá millayta purejkunata ima juzgaspa juchachanqa.

Jueces 20:41

Chaypacha israelitakunaqa maqanakoj kutirikamorqanku. Benjaminmanta kajkunataj mancharisqa t'ukushaj qhepakorqanku, llajtankuta ruphaykushajta rikuspa.

Jueces 9:57

Ajinallatataj Diosqa Sichem llajtapi kaj runakunatapis jasut'illarqataj tukuy millayta ruwasqankumanta. Jinamanta junt'akorqa paykunapi Yerubaalpa churin Yotanpa maldicisqan.