Proverbios 4:23 - DIOSPA QHELQACHISQ

²³ Tukuy imamanta astawanqa imatachus yuyasqaykiyta sumajta qhaway, imaraykuchus runaj tukuy ruwasqan chaymantamin jamun.

Qheshwa Biblia DC

²³ Tukuy ima waqaychasqa kajmanta astawan sonqoykita waqaychay; chaymantamin jamun kausayniykeqa.

DIOSPA QHELQACHISQAN DEUTEROCANONICAL

²³ Tukuy imamanta astawanqa imatachus yuyasqaykiyta sumajta qhaway, imaraykuchus runaj tukuy ruwasqan chaymantamin jamun.

Proverbios 4:23 ပူးပေါင်းရင်းမြစ်များ

2 Reyes 10:31

Chay tukuywanpis Jehuqa Israel suyoj Tata Diosninpata kamachisqanta mana tukuy sonqochu kasorqa. Manachayqa Jeroboán imata ruwaspachus israelitakunata juchallicherqa, chaymanta mana karunchakorqachu.

Proverbios 11:16

K'acha sonqoyoj warmeqa respetasqa kanqa, mana khuyakuyniyoj runarí qhapajyayllata ganan.

Proverbios 13:3

Mana imatapis parlarparejllaqa llakiyta tarikunamanta waqaychakun. Anchata parlajrí uma nanayta tarikun.

Proverbios 16:17

Cheqanta ruwaj runakunaqa mana allinta ruwanamanta t'aqakunku, jinallatataj imaynatachus purisqanta qhawakojqa pay kikin kawsayninta waqaychakun.

Proverbios 22:5

Millayta ruwajkunaj purisqankoqa wajkuna urmanankupaj tojlla jina kashan. Sichus allinta qhawarikuspa purinki chayrí, chaykunamanta karunchakunki.

Proverbios 23:19

Allinta uyariway, wawáy, yachachisusqaytapis sumajta jap'ikuy. Allinta ruwaspallapuni puriy.

Proverbios 28:26

Pichus payllapi atinikojqa wampumin. Yachaywan imatapis ruwajrí allillanpipuni kanqa.

Proverbios 3:21

Wawáy, yachayniyoj kaymanta, allinta yuyaychakuspa ruwanamanta ima ama qonqapuychu.

Proverbios 4:7

Tukuy imamanta nisqaqa yachayniyoj kayta, allin yuyayniyoj kaytawan mask'ay.

Eclesiastés 5:13

13 (12) Kay pachapi uj jatun llakiyta rikuni: Qhapajkunaqa tiyapuyninkuta waqaychanku aswan qhepaman waqanankupaj.

Jeremías 17:9

Runaj sonqonqa tukuy imamanta nisqaqa aswan ch'awka chantá millaytaj, nitaj chaypaj jampi kanchu. Pitaj chay sonqota rejsinmanri?

San Mateo 15:18

Simimanta imachus llojsejrí runaj sonqonmanta rikhurin. Chaymá runataqa Diospa ñawpaqenpi ch'ichichan.

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

Marcos 14:38

Rijch'arisqa kaychej, ama puñuspataj Dioswan parlarikuychej, juchaman tanqasqa kaspa ama kasunaykichejpaj. Sut'ita niykichej: Qankunaqa sonqoykichejpi kasuyta munankichej. Chaywanpis ukhuykichejqa pisi kallpayoj, nispa.

San Lucas 6:45

Jinallataj sumaj runaqa allinta parlan, imaraykuchus sonqonqa allin imakunawan junt'a kashan. Millay runarí mana allin kajta parlan, imaraykuchus sonqonqa mana allinkunawan junt'a. Imawanchus runaj sonqon junt'a kashan, chayman jina parlan.

Deuteronomio 4:9

Chayrayku qankunaqa imatachus rikusqaykichejta, ama ni jayk'aj qonqanaykichejmanta allinta qhawakuychej. Aswanpis wawaykichejkunaman, allchhiykichejkunaman ima chay kamachisqakunata yachachiychej.

Hebreos 12:15

Qankunamanta pipis Diospa qhasilla k'acha yanapayninta jap'ejtinña, ama saqeychejchu chaymanta karunchakunanta. Amallataj saqeychejchu pipis jaya sonqo kasqanrayku ch'ajwata sayarichinanta, imajtinchus chay ch'ajwa mana allin kawsayta apamusunkichejman, chaynejtataj ashkha pantachisqa kankuman.