Proverbios 3:7 - DIOSPA QHELQACHISQ

⁷ Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

Qheshwa Biblia DC

⁷ Ama may yachayniyoj kasqaykita yuyakuychu. Señorta manchachikuy, sajra kajmantataj t'aqakuy.

DIOSPA QHELQACHISQAN DEUTEROCANONICAL

⁷ Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

Proverbios 3:7 ပူးပေါင်းရင်းမြစ်များ

2 Samuel 12:20

Chaypacha Davidqa pampamanta jatarikuspa, mayllakorqa, sumaj q'apashaj jawinawan jawikorqa. P'achantapis wajta churakorqa. Chantá Dioswan Tinkukuna Toldoman Tata Diosta yupaychaj yaykorqa. Chaymantataj wasinman kutipuytawan, mikhunata mañakuspa, mikhorqa.

Nehemías 5:15

Noqamanta aswan ñawpaj kaj kamachejkunaqa tukuy runata ch'irwasqanku. Paykunaqa tawa chunka qolqeta sapa p'unchay pagachikoj kanku mikhunankupaj, ujyanankupajwan. Chay kamachejkunaj kamachinkunapis runakunawan munayninkuta ruwallajtaj kanku. Noqarí mana chayta ruwarqanichu Diosta may jatun respetowan qhawasqayrayku.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Éxodo 20:20

Moisestaj paykunata nerqa: Ama manchachikuychejchu. Diosqa sonqoykichej imaynachus kasqanta yachaj jamun, qankuna payta manchachikuspallapuni kanaykichejpaj, amataj juchallinaykichejpaj, nispa.

Proverbios 14:16

Yachayniyojqa manchachikuspa, mana allinta ruwanamanta t'aqakun. Wampurí payllapi atinikuspa, mana allinta qhawarikuspa imatapis ruwarparillan.

Proverbios 14:27

Pichus Tata Diosta may jatun respetowan qhawajqa unayta kawsanqa. Ajinamanta wañuypa makinmanta kacharichisqa kanqa.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 23:4

Ama anchata kallpakuychu qhapajyayta mask'aspa, nitaj chayllapipuni yuyaychu.

Proverbios 26:12

Yachayniyoj kasqanta yuyakoj runata rejsinkichu? Paymanta nisqaqa wampu runamantaraj ima allintapis suyasunman.

Proverbios 26:5

Wampumanqa mana yuyayniyoj kasqanman jina kutichiy, ama yachayniyoj kasqanta yuyakunanpaj.

Proverbios 28:11

Qhapaj runaqa may yachayniyoj kasqanta yuyakun. Allin yuyayniyoj wajcha runarí chay qhapaj runa mana yuyayniyoj kasqanta sut'inchan.

Proverbios 28:26

Pichus payllapi atinikojqa wampumin. Yachaywan imatapis ruwajrí allillanpipuni kanqa.

Proverbios 8:13

Pikunachus Tata Diosta jatun respetowan qhawajkunaqa mana allin kajta chejnikunku. Chayrayku noqa chejnikuni jatunchakuyta, runaykachayta, millay puriyta, llullakuyta ima.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Isaías 5:21

Imallachus kanqa qankunawan yachaysapaman tukojkuna, may yuyayniyoj kasqaykichejta yuyakojkuna.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 12:16

Ujkuna ujkuna uj sonqolla kaypi kawsakuychej. Amataj jatunchakuychejchu, manachayqa pisipaj qhawasqa kajkunawan kawsakuychej. Amallataj yachaysapa kasqaykichejta yuyakuychejchu.