Proverbios 3:5 - DIOSPA QHELQACHISQ

⁵ Tukuy sonqoykiwan Tata Diospi atinikuy, amataj qanpa yachaynillaykipeqa atinikuychu.

Qheshwa Biblia DC

⁵ Tukuy sonqoykiwan Diosman atienekuy, ama qampa yachasqallaykimanta atienekuychu.

DIOSPA QHELQACHISQAN DEUTEROCANONICAL

⁵ Tukuy sonqoykiwan Tata Diospi atinikuy, amataj qanpa yachaynillaykipeqa atinikuychu.

Proverbios 3:5 ပူးပေါင်းရင်းမြစ်များ

Esdras 8:23

Ajinamanta ayunaspa mañakorqayku Diosniyku waqaychanawaykuta, paytaj uyariwarqayku.

Job 13:15

Dios wañuchinawan kashajtinpis, paypi atinikullasajpuni. Noqa imaynachus kasqayta paywan sut'inta parlasaj.

Salmos 125:1

(1b) Tata Diospi atinikojkunaqa sinch'i sayachisqa kanku. Paykuna Sión orqo jina wiñaypaj sayanqanku.

Salmos 37:3

Manachayqa Tata Diospi atinikuy, allin kajtataj ruway. Kay pachapi kawsakuy, Tata Diosta mana jayk'aj wasanchaspa.

Salmos 37:5

Tata Diosman kawsayniykita jap'ichikuy. Paypi tukuy sonqo atinikuy, paytaj yanapasonqa.

Salmos 37:7

Tata Diospa ñawpaqenpi ch'inlla kakuy, pay yanapanasunta pacienciawan suyay. Pitapis allin risqanrayku ama phiñakuychu, pichus millayta ruwanapaj wakichikojmanta.

Salmos 62:8

8 (9) Llajta masiykuna, Diosllapipuni atinikuychej. Sonqoykichejpi kaj chhikata payman willakuychej, imaraykuchus Diosllamin jark'akuwajninchejqa.

Proverbios 22:19

Tata Diospi atinikunaykipaj, kunan kay nisqakunata qanman yachachiyki.

Proverbios 23:4

Ama anchata kallpakuychu qhapajyayta mask'aspa, nitaj chayllapipuni yuyaychu.

Proverbios 28:26

Pichus payllapi atinikojqa wampumin. Yachaywan imatapis ruwajrí allillanpipuni kanqa.

Proverbios 3:7

Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

Isaías 12:2

Diosmin kacharichiwajneyqa. Payllapi noqa atinikuni, manaña ni imamanta manchachikusajchu. Tata Dios kallpachawajneyqa, payllamantapuni takisaj, imaraykuchus paylla atipanaypaj yanapawan.

Jeremías 10:23

Chantá Jeremías ajinata Tata Diosmanta mañakorqa: Tata Diosníy, runaqa kawsayninmanta mana dueñochu kasqanta yachani. Runaqa kawsaynin imachus kananmanta mana yachanchu.

Jeremías 9:23

23 (22) Tata Dios nillantaj: Yachayniyoj runa yachayniyoj kasqanmanta ama runaykachachunchu, nitaj atiyniyojpis atiyninmanta, nillataj qhapajpis kapuyninmanta umata oqharichunchu.

Números 9:20

Sichus phuyu Dioswan Tinkukuna Toldo patapi mana unaytachu kaj chayrí, israelitakunaqa Tata Dios kamachejtinkama purirejpacha kanku. Tata Dios sayanankuta kamachejtintaj, sayaj kanku.

Números 9:22

Sichus uj mashkha p'unchayllata, chayrí uj killata, chayrí uj watata Dioswan Tinkukuna Toldo patapi phuyu sayaj chayqa, israelitakuna mana purirejchu kanku. Phuyu oqharikoj chaypachatajrí, purirejpacha kanku.

Romanos 12:16

Ujkuna ujkuna uj sonqolla kaypi kawsakuychej. Amataj jatunchakuychejchu, manachayqa pisipaj qhawasqa kajkunawan kawsakuychej. Amallataj yachaysapa kasqaykichejta yuyakuychejchu.

Efesios 1:12

Chantá Dios munarqa noqayku judiokunaraj ñawpajta Cristopi sonqoykuta churanaykuta, paypa jatun kayninta jatunchanaykupaj.