Proverbios 3:34 - DIOSPA QHELQACHISQ

³⁴ Alqochakojkunamantaqa Tata Dios asiykukun, llamp'u sonqoyojkunamantajrí k'acha kayninta rikuchin.

Qheshwa Biblia DC

³⁴ Cheqamanta Señorqa astawan asiykukun pischus asikojkunamanta, llamp'u sonqoyojkunamantaj k'acha kayninta rikuchin.

DIOSPA QHELQACHISQAN DEUTEROCANONICAL

³⁴ Alqochakojkunamantaqa Tata Dios asiykukun, llamp'u sonqoyojkunamantajrí k'acha kayninta rikuchin.

Proverbios 3:34 ပူးပေါင်းရင်းမြစ်များ

Salmos 138:6

Tata Dios may jina patapipis kashaspa, llamp'u sonqoyojkunamanta qhawarinpuni. May kasqankuta yuyakojkunamantarí karunchakun.

Salmos 18:26

26 (27) Ch'uwa sonqoyojwanqa ch'uwa sonqollataj kanki. Q'otillowanrí aswan yuyayniyoj kanki.

Proverbios 1:26

Chayrayku, llakiykuna chayamusojtiykichej, noqañataj asikusaj, manchachikuywan kharkatitishajtiykichejpis asipayallasqaykichejtaj.

Proverbios 14:9

Wampu runakunaqa juchankumanta asikunku. Cheqan runakunarí Tata Diospa khuyakuyninta tarinku.

Proverbios 16:19

Pichus llamp'u sonqoman tukuspa wajchakunawan khuska kawsakun, chay astawan allinpi kanqa, pichus jatunchakojkunawan kawsakuspa qhapajyan, chaymanta nisqaqa.

Proverbios 19:29

Alqochakoj runapaj seq'ona wakichisqa kashan, wampukunaj wasankupajtaj sumaj jasut'ina kashan.

Proverbios 21:24

Jatunchakojta, asipayakojtataj “uma oqharej runa” ninku, anchata runaykachaspa purisqanrayku.

Proverbios 9:12

Sichus yachayniyoj kanki chayqa, qanllapajtaj kanqa. Sichus mana kasukoj kanki chayrí, qanllataj ñak'arinki.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Santiago 4:6

Chaywanpis Dios qhasilla k'acha yanapayninwan yanapawanchej. Chayrayku Diospa Qhelqachisqanpi nillantaj: Diosqa jatunchakojkunaman sayaykun, k'umuykojkunatatajrí qhasilla k'acha yanapayninwan yanapan, nispa.

1 Pedro 5:5

Jinallataj waynakuna, qankunapis iglesiapi kurajkunawan k'umuykukoj sonqo kaychej. Chantá tukuy wawqe panakuna purajmanta kasunakuspa, llamp'u sonqo kaychej, imaraykuchus Diospa Qhelqachisqanpi nin: Diosqa runaykachajkunaman sayaykun, llamp'u sonqoyojkunatataj k'acha kayninwan yanapan, nispa.