Proverbios 27:9 - DIOSPA QHELQACHISQ

⁹ Sumajta q'apashaj jawinaqa sonqota kusichin, ajinallataj k'acha kawsaqej yuyaychasqanqa runatapis kusichillantaj.

Qheshwa Biblia DC

⁹ Runaj sonqontaqa k'achata q'apaj jawinas kusichin; runatapis k'acha kausaqespa yuyaychaynin kusichin.

DIOSPA QHELQACHISQAN DEUTEROCANONICAL

⁹ Sumajta q'apashaj jawinaqa sonqota kusichin, ajinallataj k'acha kawsaqej yuyaychasqanqa runatapis kusichillantaj.

Proverbios 27:9 ပူးပေါင်းရင်းမြစ်များ

1 Reyes 1:12

Kunanqa uyariway kay yuyaychasusqayta, churiyki Salomón, qanwan ima ama wañuchisqa kanaykichejpaj.

Salmos 104:15

Vinota runaj sonqonta kusichinanpaj qonki, aceitetapis uyanta lliphipirichinanpaj, mikhunatataj kawsananpaj.

Salmos 133:2

K'achata kawsakusqankoqa sumaj q'apayniyoj jawinaman rijch'akun. Chayta Aaronpa umanman jich'ajtinku, sunkhankama urayk'uspa, kunkankama chayarqa.

Salmos 141:5

Cheqanta ruwaj runa jasut'iwaspaqa, allinta ruwawan, k'amiwasqantaj noqapaj sumajta q'apaj jawina jina kanqa. Tata Diosníy, mañakuyki, mana allin ruwajkunata jasut'inaykita.

Salmos 23:5

Qanqa awqaykunaj rikunankuta jatun mikhuyta wakichipuwanki. Aceitewan umayta jawiwanki, saminchawaspataj atipachiwanki.

Proverbios 15:23

Maychus kajta kutichinaqa tukuyta kusichin. Maychus tiemponpi kutichiyrí aswan allinraj.

Proverbios 16:21

Yachayniyoj runata ninku: Payqa allin yuyayniyoj, nispa. Misk'i simi parlayniyojtaj wajkunawan uyarichikun.

Proverbios 7:17

Chay phullutataj mirramanta, aloemanta, canelamanta ruwasqa ima munay q'apaj jawinawan ch'ajchorqani.

TAKIYKUNA 1:3

Sumajta q'apashaj jawinaykeqa k'achituta q'aparin. Sutiykeqa sumajta q'apashaj jawina jich'asqa jina. Chayrayku sipaskuna mayta munakusunku.

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

TAKIYKUNA 4:10

Ima munayta munarikuwanki chunkitúy, munasqetáy. Munarikuwasqaykeqa vinomantapis astawan misk'i. Q'aparishaj jawinawan jawikusqaykeqa astawan sumaj tukuy q'apaj jawinamanta nisqaqa.

San Juan 12:3

Chaymantaj María nardomanta ruwasqa sumaj jawinata apamorqa. Apamusqan jawinaqa khuskan litro jina karqa, ashkha precioyojtaj. Chantá Mariaqa Jesuspa chakinta chaywan jawerqa, chujchanwantaj ch'akicherqa. Chay jawinaj sumaj q'apasqantaj wasiman junt'aykorqa.

Hechos 28:15

Chantá Romapi wawqe panakunaqa chayman chayanaykuta yachaspa, ñanman taripaj llojsimorqanku Apio Forokama, wakintaj Kinsa Tabernas nisqakama. Chaypi Pabloqa wawqe panakunata rikuspa, Diosman pachis nerqa, kusiywantaj astawan kallpachakorqa.

Jueces 9:9

Chay sach'atajrí mana munasqachu kuraj kamachej kayta, nisqataj: Sach'akunaj kuraj kamachejninku kanaypajqa aceite qonaytachari saqenay kanman. Chay aceiteqa kashan Diosta jatunchanapaj, jinallataj runakunatapis, nispa.