Proverbios 24:9 - DIOSPA QHELQACHISQ

⁹ Wampu runaqa juchallinallapi yuyan. Alqochakoj runataqa ni pi rikuyta munanchu.

Qheshwa Biblia DC

⁹ Wampu runaj yuyaynenqa juchalla; chay machu machutaqa manaña rikuyta munankuchu.

DIOSPA QHELQACHISQAN DEUTEROCANONICAL

⁹ Wampu runaqa juchallinallapi yuyan. Alqochakoj runataqa ni pi rikuyta munanchu.

Proverbios 24:9 ပူးပေါင်းရင်းမြစ်များ

Génesis 6:5

Tata Diosrí rikorqa kay pachapi runakunaj millayta ruwasqanku anchañapuni kasqanta. Jinallataj Tata Dios yacharqa runakuna qhepanejman millayta ruwaspa purinallapipuni yuyasqankuta.

Génesis 8:21

Q'olachispa jaywanaj q'aparisqanqa Tata Diospaj ima munay karqa. Chayrayku Dios nerqa: Noqaqa runaj juchanrayku kay pachata manaña ujtawan maldicisajchu. Runa wawamantapacha mana allinta ruwanallapipuni yuyan chaypis, manaña noqa tukuy kawsajta tukuchisajchu, kunan imaynatachus tukucherqani, jinataqa.

Salmos 119:113

Noqa puraj uya runakunata chejnikuni, kamachisqaykitarí munakuni.

Proverbios 21:24

Jatunchakojta, asipayakojtataj “uma oqharej runa” ninku, anchata runaykachaspa purisqanrayku.

Proverbios 22:10

Ch'ajwata mask'aj runata wijch'uy, chantá ch'ajwaypis chinkaponqa. Phiñanakuypis, quejanakuypis manaña kanqachu.

Proverbios 23:7

Payqa mashkhatachus valesqallanpi yuyashan, siminwantaj nisunki: Mikhuy, ujyay, nispa. Chaywanpis sonqonpeqa chaymanta llakikushan.

Proverbios 24:8

Pichus mana allinta ruwanallapi yuyajqa millayta ruwaj runapaj qhawasqa kanqa.

Proverbios 29:8

Alqorakoj runakunaqa runata ch'ajwanankupaj oqharichinku. Yachayniyojkunarí runakunaj phiñakuyninta thasnunku.

Proverbios 9:7

Pichus alqorakoj runata k'amejqa turiyachikuyllata tarenqa. Millayta ruwaj runata k'amejpis alqochachikuyllata tarikonqa.

Isaías 55:7

Millayta ruwajqa millay kawsayninta saqechun. Millay runapis imatachus yuyasqanta saqechun. Tata Diosman kutirikamuchun, imaraykuchus paymanta khuyakonqa. Diosninchejman kutirikuchun, paytaj jatun sonqoyoj kasqanman jina chay runaj tukuy juchanta pampachanqa.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

San Mateo 15:19

Runaj sonqon ukhumanta kay imakuna llojsimunku: Millay yuyaykuna, runa wañuchiykuna, khuchichakuspa qhenchachakuykuna, khuchichakuykuna, suwakuykuna, llullakuykuna, Diospa contranta rimaykuna ima.

San Mateo 5:28

Noqatajrí niykichej: Sichus pipis uj warmita qhawaspa paywan puñuykunanpaj munapayan chayqa, ñapis paywan sonqonpi khuchichakunña, nispa.

San Mateo 9:4

Jesustajrí imatachus yuyashasqankuta yachaspa, nerqa: Imaraykutaj sonqoykichejpi mana allin kajta yuyashankichejri?

Hechos 8:22

Chay millay yuyasqaykimanta Tukuyta Kamachej Diosman kutirikuy, paymantataj mañakuy. Ichapis sonqoykipi millay yuyasqaykita Dios pampachanman.

2 Corintios 10:5

Noqayku phiriyku, pikunachus may kasqankuta yuyakuspa wajkunata jark'anku Diosta ama rejsinankupaj, chaykunaj pantasqa yachachisqankuta. Jinallataj Diospa contranpi yuyasqanku pantasqa kasqanta rikuchispa, paykunaman Cristota kasuyta yachachiyku.