Proverbios 24:7 - DIOSPA QHELQACHISQ

⁷ Wampoqa kurajkunaj ñawpaqenkupi mana imatapis niyta atinchu, imaraykuchus pay yachayniyoj kayta mana taripanchu.

Qheshwa Biblia DC

⁷ Uj wampoqa mana ima niyta atinchu kurajkunaspa ñaupaqempi, imaraykuchus paymanta yachayqa t'aqasqa kashan.

DIOSPA QHELQACHISQAN DEUTEROCANONICAL

⁷ Wampoqa kurajkunaj ñawpaqenkupi mana imatapis niyta atinchu, imaraykuchus pay yachayniyoj kayta mana taripanchu.

Proverbios 24:7 ပူးပေါင်းရင်းမြစ်များ

Job 31:21

Juezkunawan rejsinakusqayrayku, mana jayk'aj wajcha wawata waqacherqanichu.

Job 5:4

Wawankunata mana pipis yanaparej kanchu. Justicia ruwana wasipeqa mana allintachu paykunata qhawarinku, nitaj pipis paykunata jark'akoj kanchu.

Salmos 10:5

Tukuy ima ruwasqanpipis allillanpuni rin, justiciayki imaynachus kasqan paypa umanman mana yaykunchu. Payqa tukuy awqankunamantapis alqochakun.

Salmos 127:5

Ashkha wawayoj kajqa manchay kusisqa kanqa, imajtinchus juezkunaj ñawpaqenpi awqankunaman kutichikushajtin, mana p'enqachisqachu kanqa.

Proverbios 14:6

Alqochakoj runaqa yachayta mask'an, manataj tarinchu. Yuyayniyoj runapajrí imata yachanapis jasalla.

Proverbios 15:24

Yachayniyoj runaj ñannenqa aswan pataman rin, yuyayniyoj runatataj jallp'aj sonqonman yaykunamanta kacharichin.

Proverbios 17:16

Imapajtaj wampoqa qolqe oqharisqa yachayta rantej jamun mana yuyaynin kashajtinri? Yachayqa mana qolqewanchu rantikun.

Proverbios 17:24

Sumaj yuyayniyoj runaqa yachayniyoj kayta mask'an. Wampu runarí imamanpis sat'iykukullanpuni.

Proverbios 17:7

Mana yuyayniyoj runapaj mana allinchu sumajta parlayqa, nitaj kamachej runapaj allinchu llullakuspa parlayqa.

Proverbios 22:22

Ama wajcha runamanta wajcha kasqanrayku imantapis qhechuychu. Amallataj juezpa ñawpaqenpi payta ñak'arichinkichu.

Proverbios 28:5

Millayta ruwaj runakunaqa justiciamanta mana yachankuchu. Tata Diosta mask'ajkunarí chay tukuy imata allinta yachanku.

Proverbios 31:23

Qosanpis llajtanpi sumaj rejsisqa, chay llajtamanta kuraj runakunawan khuskataj tiyarikun.

Isaías 29:21

Mana juchayojta tumpaspa llulla juezkunapis chinkanqanku, jinallataj mana juchayojta imaymana llullakuywan ch'awkiyajkuna, chantá mana cheqan justiciata ruwajkunapis, tukuyninku chinkarparichisqa kanqanku.

Isaías 32:6

Wampu runaqa manakaj imata thawtin, yuyayninpitaj millay imakunata wakichin. Mana allin kajta ruwayllata mask'an, Tata Diospa contrantataj mana allinkunallata parlan. Yarqhasqa kajta mana imayojta, ch'usajllata kacharpayan, yakumanta ch'akichikojmanpis manallataj yakuta jaywarinchu.

Amós 5:10

Ay, qankunamanta justiciata ruwajta chejnejkuna, pikunachus testigo jina cheqanta parlajkunata mana rikuyta atejkuna.

Amós 5:12

Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Amós 5:15

Mana allin kajta chejniychej, allin kajtataj munakuychej. Justicia ruwana wasipi cheqan justicia ruwasqa kananta mask'aychej. Jinata ruwajtiykichej, ichapis Tukuy Atiyniyoj Tata Dios puchoj israelitakunamanta khuyarikunman.

1 Corintios 2:14

Diosman mana kutirikoj runarí Diospa Espiritunpa yachachisqanta mana jap'ikuyta atinchu, imaraykuchus paypajqa wampoj thawtisqan jinalla. Chayta mana entiendeyta atinchu, imaraykuchus imatachus niyta munasqanta yachananpajqa Santo Espíritoj yanapasqan kanan tiyan.