Proverbios 23:4 - DIOSPA QHELQACHISQ

⁴ Ama anchata kallpakuychu qhapajyayta mask'aspa, nitaj chayllapipuni yuyaychu.

Qheshwa Biblia DC

⁴ Amam anchata kallpakuychu qhapajyanaykimanta, chayllamanta llakikunaykita saqey.

DIOSPA QHELQACHISQAN DEUTEROCANONICAL

⁴ Ama anchata kallpakuychu qhapajyayta mask'aspa, nitaj chayllapipuni yuyaychu.

Proverbios 23:4 ပူးပေါင်းရင်းမြစ်များ

Job 27:19

Chay runaqa manchay qhapaj puñukaponqa, q'ayantin rijch'arinanpajtaj mana imayoj rikhurenqa.

Proverbios 15:27

Pichus mana allinta ruwaspa qhapajyayta munajqa ayllunta mana allintachu ruwan. Pichus lluk'ichikuyta qhesachajrí unayta kawsanqa.

Proverbios 26:12

Yachayniyoj kasqanta yuyakoj runata rejsinkichu? Paymanta nisqaqa wampu runamantaraj ima allintapis suyasunman.

Proverbios 27:24

imaraykuchus qhapajyayqa mana wiñaypajchu, nitaj kamachej kaypis wiñaypajchu.

Proverbios 28:20

Nisqanta junt'aj runaqa jatunchasqa kanqa. Usqhayllata qhapajyayta munajrí jasut'isqapuni kanqa.

Proverbios 3:5

Tukuy sonqoykiwan Tata Diospi atinikuy, amataj qanpa yachaynillaykipeqa atinikuychu.

Proverbios 3:7

Ama may yachayniyoj kasqaykita yuyakuychu. Astawanpis Tata Diosta may jatun respetowan qhawaspa, mana allin kajta ruwanamanta t'aqakuy.

Eclesiastés 5:13

13 (12) Kay pachapi uj jatun llakiyta rikuni: Qhapajkunaqa tiyapuyninkuta waqaychanku aswan qhepaman waqanankupaj.

Isaías 5:21

Imallachus kanqa qankunawan yachaysapaman tukojkuna, may yuyayniyoj kasqaykichejta yuyakojkuna.

Jeremías 9:22

22 (21) Runakunaj ayankoqa wanu jina pampapi wijch'usqa kashan. Imaynatachus trigoj uman ruthoj qhepanpi t'akakojtin, mana pipis oqharej kanchu, ajina kanku. Ajinata Tata Dios nin.

San Mateo 6:19

Ama kay pachapi qhapajyayta munaspa, ashkha imata tantaychejchu. Kaypeqa thuta k'utun, tukuy imapis ismurparin, jinallataj suwakunapis wasiman yaykuykuspa, suwakapullankutaj.

Marcos 4:19

Chantá sonqonkupi kay kawsaymanta phutikuykunawan, qhapajyayta munanawan, waj imakunata munapayaywan ima Diospa nisqanta p'ampaykunku. Chayrayku Diospa munasqanta mana ruwayta atinkuchu.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

Romanos 11:25

Wawqe panakuna, munayman imatachus Dios pakasqata jap'isharqa, chay yachayta yachanaykichejta, ama may kasqaykichejta yuyakunaykichejpaj. Kunan wakin israelitakunaj sonqonku rumiyasqa. Chaywanpis chay kanqa, mana judío kajkunamanta pikunachus Diospa ayllunman yaykunanku kashan, chaykuna yaykunankukamalla.

Romanos 12:16

Ujkuna ujkuna uj sonqolla kaypi kawsakuychej. Amataj jatunchakuychejchu, manachayqa pisipaj qhawasqa kajkunawan kawsakuychej. Amallataj yachaysapa kasqaykichejta yuyakuychejchu.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.