Proverbios 22:7 - DIOSPA QHELQACHISQ

⁷ Qhapajkunaqa wajchakunata kamachinku, manukojkunataj pichus manurejpa wata runan kanku.

Qheshwa Biblia DC

⁷ Wajcha runataqa qhapaj runa kamachin; manukojkuna ukhupitaj, pichus manoj runa, kamachin.

DIOSPA QHELQACHISQAN DEUTEROCANONICAL

⁷ Qhapajkunaqa wajchakunata kamachinku, manukojkunataj pichus manurejpa wata runan kanku.

Proverbios 22:7 ပူးပေါင်းရင်းမြစ်များ

2 Reyes 4:1

Uj kuti, Diospa sut'inchajninkunamanta ujninpa warmisapan waqaspa, Eliseoman willakorqa: Qosay wañupun. Yachanki jina payqa Tata Diosta kasuspa purerqa, qantapis yanapasorqa. Kunantaj manuriwarqayku chay runa, iskaynin wawaykunata wata runanpaj apakapuyta munashan, nispa.

Proverbios 14:31

Wajcha runata waqachejqa Tata Diosta pisipaj qhawan. Wajcha runata khuyajrí Tata Diosta jatunchan.

Proverbios 18:23

Wajcha runaqa khuyarikunata mañakuspa parlarikun, qhapaj runarí k'araj simiwan kutichin.

Proverbios 22:16

Pichus qhapajyananrayku wajcha runata ñak'arichin, chayrí qhapajman tiyapuyninmanta qon, chay runaqa wajchaman tukonqa.

Proverbios 22:22

Ama wajcha runamanta wajcha kasqanrayku imantapis qhechuychu. Amallataj juezpa ñawpaqenpi payta ñak'arichinkichu.

Isaías 24:2

Chay ñak'areyqa tukuypaj kanqa: Tukuy runapaj jinallataj sacerdotekunapajpis, kamachipaj jinallataj patronpajpis, warmi kamachipaj jinallataj patronapajpis, rantikojpaj jinallataj vendejpajpis, qolqeta manojpaj jinallataj manukojpajpis, interesniyojta manojpaj jinallataj manukojpajpis.

Amós 2:6

Tata Dios kay jinata nin: Israelitakuna millayta ruwaspa, anchatañataj juchallikunku. Chayrayku paykunata jasut'isajpuni, imaraykuchus mana juchayojta vendenku, wajcha runatataj juk'utaraykulla chhalarparinku.

Amós 4:1

Samariamanta warmikuna, uyariychej kay nisqayta: Qankunaqa Basanmanta kaj wira waka jina kankichej. Qankuna wajchakunata ñak'arichinkichej, pisichikojkunatataj waqachinkichej. Qosaykichejtataj kamachinkichej: Apamuy vinota machanaykupaj, nispa.

Amós 8:4

Uyariychej kayta: Qankunaqa pisi tiyapuyniyojkunaj kallpanta ch'onqankichej, wajchakunatataj chinkachiyta munashankichej.

Amós 8:6

Chantá wajchakunata rantikusunchej, pisichikojkunatataj iskay juk'utawan chhalarparisunchej. Jinallataj ch'usu trigotapis ranqheyasunchej, nispa.

San Mateo 18:25

Chay kamachi mana imaynapi manunta junt'ayta atejtin, kuraj kamachejqa kamachisqa paywan, warminwan, wawankunawan, tukuy kapuyninwan ima vendesqa kananta, ajinamanta, manunta junt'ananpaj.

Santiago 2:6

Qankunatajrí wajchakunata k'umuykachachinkichej. Manachu qhapajkuna yawarniykichejta ch'onqasunkichej? Manachu paykunallataj juchachasqa kanaykichejpaj juezkunaman qhatatasunkichej?

Santiago 5:1

Qhapajkuna, kayta allinta uyariychej: Qhaparispa, sonqo nanayta waqaychej, qankunaman sinch'i llakiykuna chayamunanmanta.

Santiago 5:4

Chantá qankuna chajraykichejta oqharejkunaman ch'awkiyaspa mana pagarqankichejchu, chay mana pagasqaykichej qolqetaj contraykichejta qhaparishan. Arí, chajraykichejta oqharejkunaj qhaparisqankoqa Tukuy Atiyniyoj Diospa ninrinkama chayan.