Proverbios 22:23 - DIOSPA QHELQACHISQ

²³ Tata Dios wajchakunaman sayakonqa, kapuyninta qhechojkunamantataj Tata Dios kapuyninkuta qhechuspa, mana imayojta saqerparenqa.

Qheshwa Biblia DC

²³ Paymantaqa Señor sayaykonqa, pikunachus chay jinata ruwajkunajta Señorqa kausayninta qhechonqa.

DIOSPA QHELQACHISQAN DEUTEROCANONICAL

²³ Tata Dios wajchakunaman sayakonqa, kapuyninta qhechojkunamantataj Tata Dios kapuyninkuta qhechuspa, mana imayojta saqerparenqa.

Proverbios 22:23 ပူးပေါင်းရင်းမြစ်များ

Salmos 103:6

Tata Diosqa ñak'arichisqa kajkunapaj cheqan justiciata ruwan.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 12:6

6 (7) Tata Diospa nisqanqa ch'uwa, qanchis kutita ninapi sumaj ch'uwachasqa qolqe metal jina.

Salmos 140:12

12 (13) Noqa yachani Tata Diosqa wajcha runapaj justiciata ruwasqanta, ñak'arichisqa runakunamantaj kutikusqanta.

Salmos 140:13

13 (14) Chayrayku cheqanta ruwajkuna sutiykita yupaychanqanku, cheqanta purejkunataj ñawpaqeykipi kawsanqanku.

Salmos 35:1

(1b) Tata Dios, contraypi sayaykuwajkunamanta jark'away. Qanmin maqanawankupaj sayaykuwajkunawan maqanakuy.

Salmos 35:10

Tukuy sonqo nisaj: Tata Dios, pitaj qan jinari? Qanqa wajchakunata, llakichisqa kajkunata ima paykunamanta aswan atiyniyojkunamanta kacharichinki, nispa.

Salmos 43:1

Justiciata ruwaway, Diosníy. Qanta mana manchachikojkunamanta jark'away. Millayta ruwaspa purejmanta, ch'awka runamantawan waqaychaway.

Salmos 68:5

5 (6) Ajllakusqan wasipi tiyakoj Diosqa mana tatayoj mana mamayoj wawakunaj tatanku, warmisapakunaman kutikojtaj.

Éxodo 22:22

22 (21) Ama warmisapakunata nitaj wajcha wawakunatapis waqachinkichejchu.

Éxodo 22:23

23 (22) Sichus paykunata waqachinkichej, paykunataj noqaman qhaparikamuwanqanku chayqa, noqa uyarisaj.

Proverbios 21:7

Mana allinta ruwajkunataqa kallpaman atinisqa kayninku chinkachenqa, cheqan kajta mana ruwayta munasqankurayku.

Proverbios 23:11

Paykunata jark'akoj Diosqa manchay atiyniyojmin, paykunata jark'akuspataj, contraykipi sayaykonqa.

Isaías 33:1

Ay, ima llakiyrajchus kanqa qankunapaj, asiriokuna. Qankuna wajkunata thuñerqankichej chaypis, qankuna mana jayk'aj thuñisqachu karqankichej. Qankuna tukuyta wasancharqankichej, qankunatatajrí mana pipis wasanchasorqachejchu. Chaywanpis qankuna thuñiyta tukojtiykichej, qankunatapis thuñillasonqachejtaj. Wasanchayta tukojtiykichej, qankunatapis wasanchallasonqachejtaj.

Jeremías 30:16

Chaywanpis tukuy qankunata oqoykusojkunaqa oqoykusqallataj kanqanku. Qankunata ch'uskisojkunaqa ch'uskisqallataj kanqanku. Tukuy awqaykichejkunataj waj suyuman apasqa kanqanku. Qankunamanta suwajkunapis suwachikullanqankutaj.

Jeremías 50:34

Jinapis preciota pagaspa kacharichejninkoqa may kallpasapamin, sutintaj Tukuy Atiyniyoj Tata Dios. Paymin paykunarayku justiciata ruwanqa, allin kawsaytataj suyunkuman apamonqa. Babiloniapi tiyakojkunamanrí jatun manchachikuyta kachaykonqa, nispa.

Jeremías 51:36

Tata Dios ajinata nin: Noqa justiciata ruwasqayki, awqaykiwantaj pagachikusaj. Babiloniaj mayunta, jinataj yaku juturintapis ch'akichisaj.

Miqueas 7:9

Tata Diospa contranpi juchallikorqani. Chayrayku k'araj phiñakusqanta awantasaj. Chaymantataj uj p'unchay juzgaspa, justiciata ruwawanqa. Tata Dios k'anchayman pusawanqa, cheqan kaynintataj rikuchiwanqa.

Habacuc 2:8

Contraykipi waj suyukuna tantaykukuspa, tukuy kapuyniykita qhechusonqanku, imaynatachus qanpis paykunamanta qhechorqanki, jinata. Chaypacha may chhika runakunata wañurachisqaykimanta pagachisonqanku, kallpaykiman atinikuspa kay suyupi, chantá llajtakunapi tiyakojkunawan imatachus ruwasqaykimanta.

Malaquías 3:5

Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

1 Samuel 24:12

12 (13) Qanwan noqawan pichus juchayoj kasqanchejta Tata Dioslla nichun. Imatachus ruwawasqaykimantaqa Tata Dioslla yachachun. Chaywanpis noqaqa mana jayk'ajpis kuraj kamachejniypa contranta makiyta oqharisajchu.

1 Samuel 24:15

15 (16) Chayrayku Tata Dios iskayninchejmanta yachachun. Nichuntaj pichus juchayoj kasqanchejta. Payllataj qanmanta jark'akuwachun, nispa.

1 Samuel 25:39

Davidqa Nabal wañusqanta yachaspa, nerqa: Tata Dios yupaychasqa kachun, imaraykuchus payqa Nabalta sonqoyta nanaykuchiwasqanmanta jasut'in. Diosqa sajrata ruwanaymanta jark'awarqa. Nabal mana allinta ruwawasqantaqa payllamantaj kuticherqa, nispa. Chantá Davidqa yanapajninkunamanta wakinta Abigailman kacharqa, paywan casarakuyta munasqanta willachispa.