Proverbios 19:2 - DIOSPA QHELQACHISQ

² Mana allinta qhawarikuspa imatapis ruwanaqa mana allinchu. Pillapis usqhayllata imatapis ruwarparejqa pantan.

Qheshwa Biblia DC

² Mana allinchu apurakunaqa manaraj allinta reparashaspaqa, anchata apurakuypeqa pantay tiyan.

DIOSPA QHELQACHISQAN DEUTEROCANONICAL

² Mana allinta qhawarikuspa imatapis ruwanaqa mana allinchu. Pillapis usqhayllata imatapis ruwarparejqa pantan.

Proverbios 19:2 ပူးပေါင်းရင်းမြစ်များ

2 Reyes 4:39

Jinapi Diosmanta sut'inchajkunamanta ujnin campoman q'omerkunata pallakoj rispa, lakayoteman rijch'akojta tarerqa. Chayta pallaspa, ashkhata t'impimorqa. Chayamuspataj, q'alluytawan mankaman churaykorqa, mana yachaspalla imachus kasqanta.

Job 31:5

Ni jayk'aj llullakuspa purerqanichu, nitaj pitapis q'otiyayta munarqanichu.

Proverbios 1:16

imaraykuchus paykunaqa mana allin kajta ruwanaman usqhayllata thaskirinku. Runata wañuchinapajqa manchay k'uchi kanku.

Proverbios 10:21

Cheqan runaj parlasqanqa ashkha runata yachachin, wampu runarí mana yachayniyoj kasqanrayku wañun.

Proverbios 14:29

Mana usqhayta phiñarparikojqa jatun yuyayniyoj. Usqhayta phiñarparikojrí wampu kasqanta tukuyman rikuchin.

Proverbios 21:5

Sichus pipis allinta qhawarikuspa imatapis ruwan chayqa, imatachus ruwasqan allin llojsin. Pichus usqhayllata imatapis ruwajrí wajchayayman chayanqa.

Proverbios 25:8

ama chaypachapacha juezman willamuychu. Pajtataj waj testigo llullapaj jap'ichisunkiman, p'enqaypitaj rikhurichisunkiman.

Proverbios 28:20

Nisqanta junt'aj runaqa jatunchasqa kanqa. Usqhayllata qhapajyayta munajrí jasut'isqapuni kanqa.

Proverbios 28:22

Qolqemanta wañusqa runaqa usqhayllata qhapajyayta munan. Chaywanpis pay mana yachanchu patanman wajchayay chayamunanta.

Proverbios 29:20

Uj wampu runamantaraj imatapis suyayta atisunman, mana yuyaychakuspa parlajmanta nisqaqa.

Eclesiastés 12:9

Noqa Yachachej astawan yachayniyoj kasqayman jina, imatachus yachasqayta runakunaman yachacherqani. Tukuy imata allinta yachaqarqani, sumajtataj unancharqani, chantá yachaywan ashkha nisqakunata wakicherqani.

Eclesiastés 7:9

Ama imamantapis usqhayllata phiñakuychu, imaraykuchus phiñakoyqa wampu runakunallapaj allin.

Isaías 27:11

Samariapi tiyakojkunaqa ch'aki sach'a jina kanku, mayqentachus warmikuna pallaytawan, q'onchapi ninaman enqhanku wayk'unankupaj, ajina. Israelitakunapis wampu mana yuyayniyoj kanku. Chayrayku paykunata Ruwajqa mana paykunamanta khuyakonqachu, manataj sonqontapis nanachikonqachu.

Isaías 28:16

Chayrayku Tukuyta Kamachej Tata Dios nin: Sión orqopi uj rumita churani, sumaj ajllasqa rumi cimiento sumaj kananpaj. Pichus chaypi atinikojqa mana kuyurispa sayallanqapuni.

Oseas 4:6

Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

Romanos 10:2

Kayta sut'ita yachani: Paykuna tukuy sonqo Diosta kasuyta munanku. Chaywanpis imaynatachus Diosta kasunata mana yachankuchu.

Filipenses 1:9

Chayrayku Diosmanta mañakuni, munakuyniykichej astawan astawan kananta, jinallataj yachaypi, tukuy imata reparanapi ima wiñanaykichejta.