Proverbios 18:5 - DIOSPA QHELQACHISQ

⁵ Mana allinchu mana allinta ruwajta mana juchayojta rikhuricheyqa, nitaj allinchu cheqan runata juchachayqa.

Qheshwa Biblia DC

⁵ Mana allinchu cheqanchajkuna juchasapasman kutikunankoqa, mana juchayojtataj qhasimanta juchachanankupis.

DIOSPA QHELQACHISQAN DEUTEROCANONICAL

⁵ Mana allinchu mana allinta ruwajta mana juchayojta rikhuricheyqa, nitaj allinchu cheqan runata juchachayqa.

Proverbios 18:5 ပူးပေါင်းရင်းမြစ်များ

Job 34:19

Payqa mana kamachejkunaman kutikunchu, nitaj qhapajkunaman, nillataj wajchakunamanpis uyata orqhonchu, imaraykuchus paymin tukuyninkuta ruwarqa.

Salmos 82:2

Jayk'ajkamataj qankuna mana cheqanta juzgankichejchu, millayta ruwajkunaman kutikuspapuni?

Éxodo 23:2

Ama mana allin kajta ruwanaykipaj ashkha runaj nisqanta qhatinkichu. Amallataj quejapi ashkha runaj nisqankuwan apachikunkichu, imachus cheqan kajta q'ewinaykipaj.

Éxodo 23:3

Amallataj quejapi wajcha runa kasqanraykulla sayakunkichu.

Éxodo 23:6

Wajcha runaj quejakusqanmanqa justiciata cheqanta ruwanki.

Proverbios 17:15

Tata Dios manapuni munanchu pipis juchallikojta llimphuman orqhonanta, nillataj kusikunchu pipis mana juchayojta juchachasqanmanta.

Proverbios 17:26

Mana juchayojtaqa mana juchachanachu, manallataj cheqanta ruwaj runata seq'onachu.

Proverbios 24:23

Kaykunapis waj yachayniyojkunaj nisqankunallataj kanku: Justiciata ruwaspa, wakillanta allinpaj qhawanaqa mana allinchu.

Proverbios 28:21

Wakillanman uyata orqhonaqa mana allinchu. Chaywanpis uj chhika qolqeraykulla wakinkuna mana allin kajta ruwanku.

Proverbios 31:5

Anchata ujyaspaqa, kamachisqakunata qonqapunkuman, manataj wajchakunamanta qhawankumanchu.

Isaías 5:23

Qankunaqa juchayoj runawan lluk'ichikusqaykichejrayku, juchayoj runata mana juchayoj kasqanta ninkichej, mana juchayojtatajrí juchachankichej.

Isaías 59:14

Justiciaqa pisipaj qhawasqa, cheqan kajtaj karupi kashan. Cheqan kajta ruwayqa mana maypi kanchu. Manataj munanchejchu maychus kajta ruwanata.

Levítico 19:15

Qan juez kaspaqa, cheqanta ruwanki, ama wajchaman sayakuspa, nitaj qhapajman. Justiciataqa cheqantapuni ruwanki.

Miqueas 3:9

Kunan kayta uyariychej, Israelta kamachejkuna, kurajkunapis, pikunachus cheqan kajta chejnejkuna, justiciatapis q'ewejkuna.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

San Mateo 22:16

Paykunataj wakin fariseo masinkunata, herodianokunatawan ima kacharqanku Jesusta nimunankupaj: Yachachej Wiraqochi, qan cheqanta parlaj kasqaykita yachayku, Diosta kasunatataj cheqanta yachachisqaykita ima. Qan manallataj pejpa nisqantapis kasunkichu, nitaj runaj uyanta qhawarispallachu imatapis ruwanki.

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.