Proverbios 17:8 - DIOSPA QHELQACHISQ

⁸ Pichus lluk'iyta yachajqa atiyniyoj kasqanta yuyakun, imajtinchus imata ruwasqanpi allillan rin.

Qheshwa Biblia DC

⁸ Pichus lluk'iyta yachajqa, yuyakun sumaj atiyniyoj kasqanta, ima ruwaypipis paytaqa allillampuni rin.

DIOSPA QHELQACHISQAN DEUTEROCANONICAL

⁸ Pichus lluk'iyta yachajqa atiyniyoj kasqanta yuyakun, imajtinchus imata ruwasqanpi allillan rin.

Proverbios 17:8 ပူးပေါင်းရင်းမြစ်များ

Génesis 32:14

14 (15) Iskay pachaj cabrakunata, iskay chunka chivokunatawan, iskay pachaj ovejakunata, iskay chunka mochokunatawan.

Génesis 32:21

21 (22) Ajinata Jacob ñawpajta tukuy ima wakichisqanta apacherqa, jinaspataj, chay ch'isi jaranpi puñorqa.

Génesis 43:11

Chaymanta tatanku Jacob nerqa: Imanasuntaj. Jina kanan kajtenqa, kayta ruwaychej: Kaypi sumajnin kajmanta costalman churaspa, chay runaman jaywarinaykichejpaj apaychej: Uj chhika balsamota, uj chhika abeja misk'ita, sumaj q'apashaj jawinata, mirrata, nuezta, chantá almendrata ima.

Salmos 18:16

16 (17) Patamantapacha Diosqa makinta jaywamuwarqa, chay jina ukhu mama qochamantataj orqhowarqa.

Salmos 19:6

6 (7) Inteqa janajpa ujnin kantunmanta llojsimuspa, ujnin kantunman chayanankama muyuykun. Manataj imapis k'ajayninmanta pakakuyta atinchu.

Salmos 21:13

13 (14) Tata Dios, atiyniykita may jinata jatunchay, noqaykutaj atipasqaykimanta takispa, yupaychasqayku.

Salmos 29:4

Tata Diosqa jatunmanta qhaparin, paypa parlasqantaj may jina atiyniyojmin.

Éxodo 23:8

Ama lluk'ichikunkichu, imaraykuchus lluk'i jap'ikoyqa allin sonqoyoj runata pierdechin, jinallataj mana juchayojta, juchayojta rikhurichin.

Proverbios 17:23

Mana allinta ruwaj runaqa pakaypi lluk'ichikun, justiciata q'ewinanpaj.

Proverbios 18:16

Jatun sonqowan waqerejtaqa, tukuy runakuna uyarinku. Chaynejta maypaj qhawasqa runakunaj ñawpaqenmanpis chayanku.

Proverbios 21:14

Pakaypi t'inkata jaywaspa, runaj sinch'i phiñakuyninta tiyaykuchin. Mana pejpa rikusqallanta imatapis jaywarispataj, runaj k'araj phiñakuyninta thasnun.

Eclesiastés 7:7

Kallpaman atinikuspa sajrata ruwanaqa yachayniyojta wampuyachin. Lluk'inataj runaj sonqonta mana allinman tijrachin.

Isaías 1:23

Kamachisojkunaqa contraypi oqharikunku, suwajkunaj kawsaqenkutaj kanku. Tukuyninku qolqewan lluk'ichikunku, jinallataj t'inkata qochikuyta mask'anku. Wajcha wawapaj mana justiciata ruwankuchu, nitaj warmisapaj qhaparikusqantapis uyarinkuchu.

Amós 5:12

Tata Dios nillantaj: Noqa millay ruwasqaykichejta yachani, juchaykichejtaj may jinamin kanku. Qankunaqa cheqanta ruwajta ñak'arichinkichej, juzgadopitaj wajchakuna quejapi atipachikunankupaj lluk'ita jap'ikunkichej.

Miqueas 7:3

Millayta ruwanapaj may yuyayniyoj kanku. Kurajkunaqa runakuna t'inkata apamunankuta mat'inku, justiciata ruwajkunataj lluk'ichikunku. Atiyniyoj kajkunataj munayninkuman jina ruwaspa, runakunata mana allinta ruwanaman apanku.

Deuteronomio 16:19

Ama justiciata q'ewinkichejchu, amataj uyankuta qhawarispa wakillanman kutikunkichejchu. Amallataj lluk'ichikunkichejchu, imajtinchus lluk'ita jap'ikunaqa aswan yachayniyoj runatapis pantachin, cheqan runakunaj nisqankutapis waj jinaman tukuchin.

1 Samuel 25:35

Chantá Davidqa Abigailpa apamusqanta jap'ispa, nerqa: Kunanqa wasiykiman allillanta ripuy. Noqaqa niwasqaykita, mañarikuwasqaykitapis uyariykiña, nispa.