Proverbios 16:7 - DIOSPA QHELQACHISQ

⁷ Maypachachus pipis imaynatachus kawsasqanwan Tata Diosta kusichin chaypacha, Tata Diosqa chay runaj awqankunatapis paywan allin kawsayman churanqa.

Qheshwa Biblia DC

⁷ Maypachachus uj runaj purisqan Señorta kusichin chaypachaqa, chejnejkunasnintinta paywan allinyakunata ruwan.

DIOSPA QHELQACHISQAN DEUTEROCANONICAL

⁷ Maypachachus pipis imaynatachus kawsasqanwan Tata Diosta kusichin chaypacha, Tata Diosqa chay runaj awqankunatapis paywan allin kawsayman churanqa.

Proverbios 16:7 ပူးပေါင်းရင်းမြစ်များ

Génesis 27:41

Chaymantapacha Esauqa Jacobta manchayta chejnikorqa, tatan payta saminchasqanmanta, nerqataj: Tatayqa ñapis wañuponqaña. Chaymanta qhepaman sullk'ay Jacobta wañurpachisaj, nispa.

Génesis 32:28

28 (29) Chay runataj nerqa: Kunanmantaqa manaña Jacobchu sutiyki kanqa. Kaymanta qhepaman sutiyki “Israel” kanqa, imaraykuchus Dioswan, chantá runakunawan ima maqanakorqanki, atiparqankitaj, nispa.

Génesis 33:4

Esautajrí phawarispa, Jacobta taripaj rerqa. Chantá ojllaykuspa much'aykorqa. Jinapi iskayninku waqarikorqanku.

2 Crónicas 17:10

Chaypacha Judá muyuyninpi kaj tukuy suyukunaj kamachejninkukunapis Tata Diosta sinch'ita manchachikorqanku. Chayrayku Josafatpa contranpi maqanakuyta mana munarqankuchu.

2 Crónicas 20:30

Ajinata Josafat kamachishajtenqa, mana ima ch'ajwapis karqachu, imaraykuchus Diosqa chay muyuyninkupi suyukunawan allinpi kawsakunankuta ruwarqa.

Esdras 8:36

Chaymanta Babiloniapi kuraj kamachejpa kamachisqan qhelqata jaywarqanku kamachejpa sutinpi kamachejkunaman, chantá Éufrates mayumanta inti yaykuynej ladopi kaj kamachejkunamanwan. Paykunataj israelitakunata tukuy imapi yanaparqanku, jinallataj Diospa Templonta ruwanapipis.

Salmos 69:31

31 (32) Ajinata jaywasqaywan Tata Diospa sonqon aswan kusisqa kanqa, torota ñak'aspa, chayrí torillota altarpi q'olachispa jaywasqaymanta nisqaqa.

Éxodo 3:21

Noqataj Egipto llajtayojkunaj sonqonkuta llamp'uyachisaj, israelitakunawan k'acha kanankupaj. Ajinata Egiptomanta llojsishaspa, tukuy imayoj ripunkichej.

Proverbios 16:8

Cheqanta ruwaspa pisitapis ganakunaqa astawan allin, pichus sajrata ruwaspa ashkhata ganajmanta nisqaqa.

Proverbios 3:17

Yuyaychasqanman jina purinaqa ima munay. Chayninta pureyqa sonqo tiyaykusqa kawsaymin.

Jeremías 15:11

Chantá Tata Dios nerqa: Noqa waqaychasqayki, Jeremías. Chantá awqaykikuna mañakusonqanku paykunapaj mañapunaykita, paykuna llakiypi, ñak'ariypi ima kashajtinku.

Jeremías 39:12

Jeremiasta carcelmanta orqhomuspa, paymanta qhaway. Amataj ni ima mana allintapis payta ruwaychu, manachayqa tukuy mañakususqanta jayway, nispa.

Jeremías 42:12

Noqa qankunamanta khuyakuspa, Babiloniata kuraj kamachejpa sonqonta wakichisaj khuyaspa llajtaykichejman kutichimpusunaykichejpaj, nispa.

Daniel (hebreo) 1:9

Diostaj kamachikunaj kurajninkoj sonqonta kuyucherqa, Danielta allinpaj qhawananpaj.

Romanos 8:31

Astawan ima nisunmantajri? Sichus Dios noqanchejman kutisqa kashan chayqa, mana pipis contranchejpi sayaykuyta atiwasunmanchu.

Filipenses 4:18

Kaykama tukuy imachus pisiwasqanqa tiyapuwanña, chaymantapis astawanraj. Ashkhaña tiyapuwan, imaraykuchus Epafroditowan apachimuwasqaykichejta jap'iniña. Chay apachimuwasqaykichejqa ima munay q'apashaj jaywana jina, chaytaj Diosnejta allinpaj qhawasqa, sonqonpa munasqanman jinataj.

Colosenses 1:10

Ajinata mañapuyku Tukuyta Kamachej Jesuspa munasqanman jina purinaykichejpaj, chantá tukuy imapi Diosta kusichinaykichejpaj. Ajinamanta allin kajta ruwaspa kankichej, jinataj Diosta astawan astawan rejsinkichej.

Colosenses 3:20

Wawakuna, tata mamaykichejta tukuy imapi kasuychej, imaraykuchus chaymin Tukuyta Kamachej Jesusta kusichin.

Hebreos 13:21

Paymin tukuy imata allinta ruwanaykichejpaj qankunata yachachichun. Jinallataj Jesucristonejta qankunapi pay ruwachun, imachus payta kusichin, chayta. Chayrayku pay may jatunchasqa kachun, wiñay wiñaynintinpaj. Ajina kachun.

1 Pedro 3:13

Sichus tukuy sonqo allin kajta ruwankichej chayqa, ni pi imanasonqachejchu.

1 Juan 3:22

Jinallataj Diosqa tukuy mañakusqanchejta qowasunchej, imaraykuchus kamachisqanta kasunchej, jinataj imachus payta kusichin, chaytapis ruwanchej.