Proverbios 16:2 - DIOSPA QHELQACHISQ

² Runamanqa tukuy ima ruwasqanpis allillan rijch'an. Chaywanpis Tata Dioslla allinta qhawan imata yuyaspachus chayta ruwasqanta.

Qheshwa Biblia DC

² Runamanqa tukuy ima ruwasqasnin allinman rijch'an; chaywampis Señorlla qhawan ima laya yuyaywanchus qhawasqanta.

DIOSPA QHELQACHISQAN DEUTEROCANONICAL

² Runamanqa tukuy ima ruwasqanpis allillan rijch'an. Chaywanpis Tata Dioslla allinta qhawan imata yuyaspachus chayta ruwasqanta.

Proverbios 16:2 ပူးပေါင်းရင်းမြစ်များ

Salmos 36:2

2 (3) Payqa sumaj runa kasqanta yuyakuspa, mana reparanchu millay ruwasqan chejnikuna kasqanta.

Proverbios 12:15

Wampoqa tukuy ima ruwasqanta allillan kasqanta yuyan. Yuyayniyoj runarí wajkunaj yuyaychasqankuta jap'ikun.

Proverbios 16:25

Runamanqa imata ruwayta yuyasqanpis allin rijch'an. Qhepanejmanrí imatachus ruwayta yuyasqan wañuyman apan.

Proverbios 17:3

Qoritawan, qolqe metaltawan ninapi unuyachispa ch'uwanchanchej. Runaj sonqon imaynachus kasqantarí Tata Dioslla yachan.

Proverbios 21:2

Runamanqa tukuy ima ruwasqanpis allillan rijch'an. Chaywanpis ima yuyaywanchus chayta ruwasqanta Tata Dioslla qhawan.

Proverbios 24:12

Sichus qan niwaj: Manapuni yacharqaykuchu, nispa chayqa, pichus sonqoykita rikojqa yachanpuni, ruwasqaykita rikusojtaj qhawanqa. Payqa sapa ujman ruwasqanman jina qoponqa.

Proverbios 30:12

Wakinkuna llimphu kasqankuta yuyakunku, chaywanpis millayta ruwasqankumanta mana llimphuchakunkuchu.

Proverbios 5:21

Tata Diosqa runaj imayna kawsasqanta qhawashallan, mayta purisqantapis rikushallantaj.

Isaías 26:7

Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Jeremías 17:10

Noqa Tata Diosmin runaj sonqonta watuni, yuyaynintataj allinta qhawani. Chantá sapa ujman imaynatachus purisqanman jina, ruwasqanman jinataj pagapuni, nispa.

Daniel (hebreo) 5:27

TEKEL niyta munan: Balanzapi tupusqa kasqanki, manataj pesoman wakerqankichu, nispa.

Números 22:32

Tata Diospa angelnintaj Balaamta nerqa: Ima nispataj burroykita kinsa kutita maqarqankiri? Noqa jark'asoj jamuni, imajtinchus Moabman rishasqayki mana allinchu rijch'awan.

San Lucas 16:15

Chayrayku Jesús paykunatañataj nerqa: Qankuna runa masiykichejpa ñawpaqenpi cheqan runaman tukunkichej. Chaywanpis Dios sonqoykichejta sumajta rejsin. Ajinaqa imatachus runakuna maypaj qhawanku, chayta Dios millaypaj qhawan, nispa.

Apocalipsis 2:18

Tiatira llajtapi iglesiaj angelninman kay nisqayta qhelqay: Diospa Churin, pejpatachus ñawin nina lawray jina kanku, chakinpis llosq'ochasqa bronceman rijch'akun, chay kay jinata nisunki:

Apocalipsis 2:23

Wawankunatapis noqa wañurachisaj. Ajinamanta tukuy iglesiakuna yachanqanku noqaqa runaj yuyayninta, sonqontawan ima rejsisqayta. Sapa ujniykichejmantaj ruwasqaykichejman jina qopusqaykichej.

Jueces 17:6

Chaypacha Israel suyupi kuraj kamachejkuna mana karqankuchu. Sapa ujpis ruwaj kanku munayninkuman jinalla.

Jueces 7:6

Pikunachus laqhospa alqo jina yakuta ujyarqanku, chaykunaqa 300 karqanku, wakintaj qonqoriykukuspa ujyarqanku.

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.

1 Samuel 2:3

Ama ni pi runaykachaspa parlachunchu. Amataj pipis chhikata jatunchakuchunchu, imaraykuchus Tata Diosllamin tukuy imata yachaj Diosqa. Paymin yachan runaj ruwasqan allinchus manachus kasqanta.