Proverbios 15:8 - DIOSPA QHELQACHISQ

⁸ Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Qheshwa Biblia DC

⁸ Señorqa juchasapaspa jaywasqanta millachikun, cheqan runaspa mañakusqankutarí, tukuy sonqo uyarin.

DIOSPA QHELQACHISQAN DEUTEROCANONICAL

⁸ Tata Diosqa mana allin ruwajkunaj jaywasqankuta millachikun. Cheqan runakunaj mañakusqankutarí kusisqa uyarin.

Proverbios 15:8 ပူးပေါင်းရင်းမြစ်များ

2 Samuel 15:12

Ajinallataj Absalonqa Gilo llajtamanta wajyachimorqa Davidpa umachajnin Ajitofelta, Tata Diosman uywa ñak'asqa q'olachinata jaywashajtin, paywan khuska kananpaj. Jinamanta kuraj kamachej Davidpa contranpi kajkuna astawan kasharqanku. Absalonwan sayasqa kajkunaqa yapakushallarqankupuni.

1 Reyes 3:10

Salomonpa mañakusqanqa Tata Diospaj may allinpuni karqa.

1 Crónicas 29:17

Noqa yachani, Diosníy, qanqa runaj sonqota allinta qhawasqaykita, cheqan kajtaj qanta kusichisusqanta. Chayrayku kay tukuyta tukuy sonqo qanman qoyki. Kunanqa kusisqa rikushani, kaypi tantasqa israelitakuna tukuy sonqo qanman qosusqankumanta.

Salmos 141:2

Mañakususqayqa inciensoj q'apaynin jina qanman chayamusuchun. Makiyta oqharispa mañakusqaytaj inti yaykuyta q'olachisqa jaywana jina kachun.

Salmos 17:1

(1b) Tata Dios, justicia ruwanawaykita mañakususqayta uyariway, qhaparikusqaytapis. Mañakusqayta uyariway, imaraykuchus mana llullakuspa mañakushayki.

Proverbios 10:24

Millayta ruwaj runata imatachus manchachikusqan, chayllataj qhatirenqa. Cheqan runatajrí imatachus munasqanta jap'enqapuni.

Proverbios 15:29

Tata Diosqa mana allinta ruwaj runakunamanta karunchakun. Cheqan runakunaj mañakusqankutarí tukuy sonqo uyarin.

Proverbios 15:7

Yachayniyojkunaj siminkoqa yachasqankuta tukuyman willan. Wampukunarí mana jinatachu ruwanku.

Proverbios 21:27

Tata Diosqa millayta ruwajkunaj uywa ñak'asqa jaywasqankuta millachikun, mana allin sonqowan jaywasqankurayku.

Proverbios 21:3

Tata Dios astawan munan cheqan kajta, allin kajtawan ruwananchejta, uywa ñak'asqata jaywananchejmanta nisqaqa.

Proverbios 28:9

Sichus pipis Diospa kamachisqanta uyariyta mana munanchu chayqa, Diospis chay runaj mañakusqanta manallataj uyarenqachu.

Eclesiastés 5:1

1 (4.17) Diospa Templonman rispaqa, imatachus ruwasqaykita allinta qhawarikuy, imatachus yachachisqankutataj sumajta uyariy. Aswan walej Tata Diosta kasuna, mana allinta yachaspalla imatapis Diosman jaywanamanta nisqaqa.

TAKIYKUNA 2:14

Urpilitáy, qaqa jusk'upi manchachikuna chhankapi pakakusqaykimanta uyaykita rikurichikuway ari. Parlarisqaykita uyarichiway á. Parlasqaykeqa sonqoyta t'ikarichiwan, uyaykitaj may k'achitumin.

Isaías 61:8

Noqa Tata Dios justiciata munakuni. Suwayta, millay ruwayta imarí chejnikuni. Noqaqa nisqayta junt'asajpuni, ruwasqankuman jinatataj paykunaman t'inkata qosaj, paykunawantaj wiñaypaj tratota ruwasaj.

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Daniel (hebreo) 9:23

Mañakuyta qallarisqaykimantapacha Dios uyarisorqaña, noqataj chayta willasunaypaj jamuni, imaraykuchus Dios mayta munakusunki. Kunanqa, sumajta uyariway, chay mosqoypi jina rikusqayki imatachus niyta munasqanta yachanaykipaj:

Levítico 7:18

Sichus pipis kinsa p'unchayninman allinyakuy jaywanamanta uywaj aychanta mikhunman chayqa, chay jaywasqanta Tata Dios mana jap'ikonqachu, nitaj cuentaman churasqachu kanqa. Aychataj ch'ichipaj qhawasqa kanqa. Pichus chay aychata mikhojtaj juchachasqa kanqa.

Miqueas 6:6

Israel, qan tapunki: Janaj pachapi kaj Tata Diosta yupaychaj imawantaj chimpaymanri? Payman uj watayoj torillota ñak'aspa q'olachinawan chimpaymanchu?

Miqueas 6:7

Kusikunmanchu Tata Dios waranqa corderokunata q'olachispa jaywajtiy, chayrí chunka waranqa litro aceiteta jaywajtiypis? Kusikunmanchu kuraj kaj churiyta payman jaywajtiy, Diosta wasanchasqaymanta, juchaymantawan paganaypaj? nispa.

Hageo 2:14

Chantá Hageo nillarqataj: Ajinata Tata Dios nin: Kay runakunapis chay jinallataj kanku. Tukuy ima ruwasqanku, tukuy ima jaywasqankupis ch'ichipaj qhawasqa kanku.

Malaquías 1:10

Chantá Tukuy Atiniyoj Tata Diosqa nillantaj: May sumaj kanman, sichus mayqennillaykichejpis Temploj punkunta wisq'aykunman chayqa, ama ujtawan qhasi manakajpaj altarniypi ninata jap'ichinankupaj. Qankunawanqa mana sonqo junt'asqachu kani, nitaj ofrendaykichejtapis jap'ikusajchu.

San Juan 4:24

Diosqa mana rikukoj espiritumin, payta yupaychajkunataj Santo Espíritoj yanapasqan cheqa kajman jina tukuy sonqo payta yupaychananku tiyan, nispa.