Proverbios 14:2 - DIOSPA QHELQACHISQ

² Cheqanta kawsajqa Tata Diosta may jatunpaj qhawan. Mana allinta kawsajrí Tata Diosta pisipaj qhawan.

Qheshwa Biblia DC

² Cheqanta purejqa Señorta jatunchan, mana allinta purejrí qhesachan.

DIOSPA QHELQACHISQAN DEUTEROCANONICAL

² Cheqanta kawsajqa Tata Diosta may jatunpaj qhawan. Mana allinta kawsajrí Tata Diosta pisipaj qhawan.

Proverbios 14:2 ပူးပေါင်းရင်းမြစ်များ

2 Samuel 12:9

Imajtintaj nisqayta pisipaj qhawarqanki, mana munasqayta ruwaspari? Qan wañucherqanki jitita Uriasta. Amonitakunawan payta wañuchichispa, warminwan warmichakorqanki.

1 Reyes 3:6

Chantá Salomón nerqa: Qanqa tatay David kamachiykita mayta munakorqanki, imaraykuchus payqa cheqanta purerqa qanpa ñawpaqeykipi, cheqantapuni ruwaspa, cheqan sonqowantaj. Qantaj mayta khuyaspa, uj wawanta qorqanki kamachinan tiyanapi tiyananpaj, imaynachus kunan p'unchay kashan jina.

2 Reyes 17:34

Paykunaqa unay ruwaj kanku, jinata kunankamapis ruwashallankupuni. Tata Diosta mana yupaychankuchu, nitaj nisqanta, kamachisqanta, yachachisqanta ima kasunkuchu. Israel sutiwan sutichasqa Jacobpa mirayninman Tata Dios kamachisqakunata qosqanta, jinataj yachachisqanta mana kasunkuchu.

Job 1:1

Uz sutiyoj suyupi Job tiyakorqa. Payqa cheqanta ruwaspa purej runa karqa. Jinallataj Diosta munakoj karqa, chantá yupaychaj ima. Payqa mana pitapis mana allin kajta ruwaspa waqachejchu karqa.

Job 12:4

Noqaqa mana juchayoj, nitaj k'amina jina kani. Ñawpa tiempopi Diosqa mañakusqayta uyariwaj, kunanrí kawsaqeykuna noqamanta asikuwanku.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Salmos 112:1

Tata Dios jatunchasqa kachun. Tata Diosta manchay jatun respetowan qhawaj runaqa kusisqamin, pichus Diospa kamachisqanta kasuspa misk'irichikojqa.

Salmos 25:21

Cheqan ruwasqay, mana juchayoj kasqay ima waqaychawachunku, imaraykuchus qan yanapanawaykita suyakuni.

Proverbios 11:12

Mana yuyayniyoj runaqa runa masinmanta mana allinta parlanchu, yuyayniyoj runarí ch'inlla kakun.

Proverbios 16:17

Cheqanta ruwaj runakunaqa mana allinta ruwanamanta t'aqakunku, jinallatataj imaynatachus purisqanta qhawakojqa pay kikin kawsayninta waqaychakun.

Proverbios 16:6

Munakuywan, cheqa kaywan ima juchata pampachakun. Pichus Tata Diosta may jatun respetowan qhawajqa mana allinta ruwanamanta karunchakun.

Proverbios 19:1

Cheqanta kawsakoj wajcha runaqa aswan allin, pichus ch'awka wampu kaj runamanta nisqaqa.

Proverbios 2:15

Paykunaqa cheqan kajta ruwayta saqespa, mana allinta ruwaspa purinku.

Proverbios 28:6

Pichus wajcha kashaspa cheqan sonqoyoj kajqa aswan allin, pichus qhapaj kaspa millayta ruwaspa purin, chay runamantaqa.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

San Lucas 10:16

Yachachisqankunatatajrí Jesús nerqa: Pichus qankunata uyarejqa noqata uyariwan, pitajchus qankunata qhesachajqa noqata qhesachawan. Noqata qhesachawajrí, Diostapis qhesachallantaj, nispa.

San Lucas 16:14

Chantá fariseokunaqa chay tukuyta uyarispa, Jesusta asipayarqanku, qolqeta munapayasqankurayku.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

Hechos 10:35

Manachayqa mayqen suyullamantapis kachun, pichá Diosta jatun respetowan qhawan, cheqa kajtataj ruwan, chay runatamin Dios allinpaj qhawan.

Hechos 9:31

Chaykama Iglesiaqa allillan kasharqa tukuy Judeapi, Galileapi, Samariapi ima. Jesusta qhatikojkunataj Diospa wawan jina wiñasharqanku, ashkhayasharqankutaj Santo Espíritoj yanapayninwan. Chantá Tukuyta Kamachej Jesusta may respetowan qhawaspa kawsakusharqanku.