Proverbios 13:4 - DIOSPA QHELQACHISQ

⁴ Qhella runaqa mayta munaspapis mana imatapis tarinchu. Llank'aj runarí runayanqa.

Qheshwa Biblia DC

⁴ Qhellaqa munan manataj tarinchu; pichus llank'ajqa qhapajyanqa.

DIOSPA QHELQACHISQAN DEUTEROCANONICAL

⁴ Qhella runaqa mayta munaspapis mana imatapis tarinchu. Llank'aj runarí runayanqa.

Proverbios 13:4 ပူးပေါင်းရင်းမြစ်များ

Génesis 26:32

Chay kikin p'unchayllataj Isaacpa kamachinkuna willaj jamorqanku, allasharqanku chay pujyupi yakuta tarisqankumanta.

Salmos 92:14

14 (15) Chay sach'akunaqa machuyaspapis poqollanqankupuni, kallpallayoj, q'omerllapunitaj kanqanku.

Proverbios 10:4

Qhella kayqa wajchayayllata apamun, k'uchi kaytajrí qhapajyayta apamun.

Proverbios 11:25

Khuyakoj runaqa tukuy imayoj kanqa, k'acha sonqoyoj runataj sajsachisqapuni kanqa.

Proverbios 12:11

Pichus jallp'anta llank'ajqa ashkha mikhunayoj kanqa. Qhella runarí mana yuyayniyoj kaspa, manakaj ruwanallapi tiemponta usuchin.

Proverbios 12:24

Llank'aj runaqa tukuy ima patapi kanqa, qhella kajrí kamachi kanqa.

Proverbios 12:27

Qhella runaqa animal jap'isqantapis ni mikhunchu, k'uchi runarí ni imamanta pisenqachu.

Proverbios 13:3

Mana imatapis parlarparejllaqa llakiyta tarikunamanta waqaychakun. Anchata parlajrí uma nanayta tarikun.

Proverbios 13:5

Cheqan runaqa llullakuyta chejnin, millayta ruwaj runarí chejnisqa kanqa, p'enqaypitaj rikhurenqa.

Proverbios 20:4

Qhella runaqa tarpuy tiempo kashajtin, mana tarpunchu. Chajra oqharina tiempo chayamojtinrí, mikhunata mask'aspapis mana tarenqachu.

Proverbios 21:25

Qhellaqa tukuy imayoj kayta munan, nitaj makinwan llank'ayta munanchu.

Proverbios 21:5

Sichus pipis allinta qhawarikuspa imatapis ruwan chayqa, imatachus ruwasqan allin llojsin. Pichus usqhayllata imatapis ruwajrí wajchayayman chayanqa.

Proverbios 24:30

Qhella runaj chajrannejta rerqani, mana yuyayniyoj wampu runaj uva huertannejta ima.

Proverbios 24:31

Chajranpi qhoralla junt'aykusqanta rikorqani, rumi perqanpis thuñisqa kasqanta.

Proverbios 26:13

Qhellaqa mana llank'ananrayku achakita mask'an: León jawapi kashan. Ñanpi jap'iwaspa, mitharpariwanman, nispa.

Proverbios 28:25

Tukuy imayoj kayta munajqa ch'ajwata sayarichin. Pichus Tata Diospi atinikojtarí tukuy imapi allin renqa.

Proverbios 6:6

Qhella runa, sik'imirakunata qhaway, imatachus ruwasqankuta qhawaspa yachaqakuy.

Proverbios 8:34

Kusikuyniyojmin pichus uyariwajqa, sapa p'unchay mana puñuspa wasiy punkullapi sayajqa.

TAKIYKUNA 5:3

Noqatajrí kuticherqani: P'achayta lluch'ukuniña. Imaynatataj ujtawan p'achayta churakusajri? Chakiytapis yakuwan mayllakuniña. Imaynatataj ujtawan ch'ichichakusajri? nispa.

Isaías 58:11

Chantá noqa Tata Diosqa pusaykachasqaykichejpuni. Ch'innejpi ashkha mikhunata qosqaykichej. Ukhuykichejtapis sumajta kallpachasaj. Qankunataj sumaj qarpasqa huerta jina kankichej, mana jayk'aj ch'akej yaku juturi jinataj.

Números 23:10

Jacobpa miraynenqa t'iyu jina may chhika kanku. Pitaj paykunata yupayta atinmanri? Pitaj yachanman mashkhachus kasqankutari? Allin kanman noqapis kay cheqan runakuna jina wañunay. Noqaj tukukuyneyqa paykunajta jina kachun, nispa.

San Juan 6:27

Ama tukukoj mikhunata tarinaykichejraykullaqa chhikatapuni phutikuychejchu. Aswanpis qankunaqa wiñay kawsayta mask'anaykichejpaj tukuy sonqoykichejta churaychej. Chayta noqa Runaj Churillan qoyta atiykichej, imaraykuchus Tata Dios chaypaj churawarqa, nispa.

Hebreos 6:11

Chaywanpis munayku ari, sapa ujniykichej k'uchi kasqaykichejta tukukuykama rikuchinaykichejta, Diospi atinikuspa imatachus suyakushankichej, chayta jap'inaykichejpaj.

Josué 7:3

Kutimuspataj, Josueta nerqanku: Hai llajtata jap'ejqa mana tukuychu rinanchej tiyan, 2.000, chayrí 3.000 jinalla richunku, imaraykuchus Hai llajtayojkunaqa pisilla kanku, nispa.