Proverbios 13:13 - DIOSPA QHELQACHISQ

¹³ Kamachisqata mana kasukoj runaqa waqanqa, kamachisqata kasukojrí t'inkata jap'enqa.

Qheshwa Biblia DC

¹³ Pichus kamachisqasta mana kasojqa waqanqa; pichus kamachisqasta kasojrí, t'inkachisqa kanqa.

DIOSPA QHELQACHISQAN DEUTEROCANONICAL

¹³ Kamachisqata mana kasukoj runaqa waqanqa, kamachisqata kasukojrí t'inkata jap'enqa.

Proverbios 13:13 ပူးပေါင်းရင်းမြစ်များ

2 Crónicas 36:16

Jinapis paykunaqa Tata Diospa kachamusqan willarajninkunamanta asiykukorqanku, nisqankutataj qhesacharqanku. Diosmanta sut'inchajkunamanta ajinata alqochakuspa, Tata Diosta sinch'ita phiñacherqanku. Chayrayku Tata Diospa phiñakuynin chay runakunaj contranpi k'ajarerqa, jinataj manaña pipis imatapis ruwayta aterqachu Diospa sonqonta tiyaykuchinapaj.

Esdras 10:3

Kunanqa Diosninchejwan tratota ruwasqayku waj llajtayoj warmikunata, wawankukunatawan kachapunaykuta ajinamanta Diospa kamachisqanta junt'anaykupaj, imaynatachus qan, chantá pikunachus Diospa kamachisqanta kasunku, chaykuna yuyaychawasqaykuman jina.

Salmos 115:13

Tata Diosqa payta manchay jatun respetowan qhawajkunata saminchanqa, maypaj qhawasqa runakunata, pisipaj qhawasqa runakunatapis.

Salmos 119:165

Yachachisqaykita munakojkunaqa sonqo tiyasqallapuni kawsakunku, nitaj imapis paykunata misk'achiyta atinchu.

Salmos 19:11

11 (12) Chaykunanejta, Tata Dios, qan noqata k'amiwanki. Chantá pichus kamachisqaykita junt'ajtaqa may jinata t'inkachinki.

Salmos 19:12

12 (13) Pitaj pantasqanmanta reparakuyta atinmanri? Qhespichiway Tata Dios, mana reparakuspalla juchallisqaymanta.

Éxodo 9:20

Ajinaqa faraonpa wakin yanapajninkuna Tata Diospa nisqanta uyarispa, manchachikorqanku. Chayrayku kamachinkunata, uywankukunatapis wasiman pakarqanku.

Proverbios 1:25

Aswanraj, imatachus yuyaychasqayta qhesacharqankichej, k'amisqaytapis mana jap'ikorqankichejchu.

Proverbios 13:12

Runaqa imatachus suyakusqan mana junt'akojtin, sonqon llakikun. Ima munasqanpis junt'akojtinrí, sonqon kawsarin.

Proverbios 13:21

Juchasapakunataqa mana allin kay qhatiykachan, cheqan runakunatajrí allin kajwan t'inkachisqa kanqanku.

Proverbios 16:20

Yachachisqata uyarikoj runataqa allinpuni renqa. Kusikuyniyojmin pichus Tata Diospi atinikuspa kawsajqa.

Proverbios 19:16

Pichus Diospa kamachisqanta kasojqa pay kikinta mayta qhawakun. Tata Diospa yachachisqanta mana uyariyta munajrí wañonqa.

Isaías 66:2

Noqa makiywan kay tukuy imata ruwarqani, ajinamantataj kay tukuy ima rikhurerqa. Ajinata noqa Tata Dios nini. Chantá nillanitaj: Pichus llamp'u sonqoyoj kajta noqa qhawasaj, pikunachus nisqayta uyarispa kharkatitinku, chaykunata.

Jeremías 43:2

Chantá Osaiaspa churin Azarías, Careajpa churin Johananwan, waj wapuykachaj runakunapiwan Jeremiasta nerqanku: Imatachus nisqaykeqa llulla. Tata Diosniykoqa mana kachamusunkichu ninawaykupaj: Ama Egiptoman tiyakoj riychejchu, nispa.

Ezequiel 20:13

Chaywanpis israelitakunaqa ch'innejpi contrayta oqharikorqanku. Mana kamachisqayman jinachu purerqanku, nisqaytapis qhesacharqanku, mayqentachus kasuspa, kawsayta tarinkuman karqa, chayta. Samarikuna p'unchayniyta manallataj kasuta ruwarqankuchu. Chayrayku nerqani: Ch'innejpi paykunata phiñakuyniypi chinkarparichisaj, nispa.

Ezequiel 20:16

Chayta nerqani, imaraykuchus paykunaqa kamachisqayta qhesacharqanku, manataj kasorqankuchu, samarina p'unchayniytataj manakajpaj qhawarqanku. Aswanpis sonqonkupi lantikunaj qhepanta riporqanku.

Ezequiel 20:24

Chayta nerqani, imaraykuchus paykunaqa kamachiyniyta mana junt'arqankuchu, qhesacharqanku ima. Samarina p'unchayniyta pisipaj qhawarqanku, jinaspataj, ñawpa tatankoj millay lantinkukunallapi yuyarqanku.

Malaquías 3:16

Chaypacha Tata Diosta may jatun respetowan qhawajkuna parlanakorqanku, Tata Diostaj imatachus nisqankuta sumajta uyarerqa. Chantá paykuna Tata Diospa ñawpaqenpi qhelqarqanku, pikunachus Diosta may jatun respetowan qhawarqanku, paymantataj yuyarikorqanku, chaykunaj sutinkunata ama qonqasqa kanankupaj.

Números 15:31

Chay runaqa nisqayta pisipaj qhawarqa, kamachisqaytapis qhesacharqa. Chayrayku israelita ukhumanta wañuchisqa kanqa, juchantaj patanpi kanqa, nispa.

San Mateo 5:12

Chaypacha kusikuychej, jinallataj sonqo junt'asqa kaychej, imaraykuchus janaj pachapi t'inkaykichejqa ashkhamin. Ajinallatataj runakunaqa Diosmanta ñawpa sut'inchajkunata chejnispa qhatiykacharqanku.

San Lucas 16:31

Abrahamtajrí nerqa: Manachus Moisespa qhelqasqanta, Diosmanta sut'inchajkunaj qhelqasqanta ima kasonqanku chayqa, manallataj wañusqakunamanta kawsarimojtapis kasonqankuchu, nispa.

2 Juan 1:8

Qankunarí allinta qhawakuychej, Diospaj ruwasqaykichej ama qhasi kananpaj, aswanpis junt'asqa t'inkaykichejta jap'inaykichejpaj.