Proverbios 12:8 - DIOSPA QHELQACHISQ

⁸ Runaqa yachayniyoj kasqanman jina jatunchasqa kanqa, mana yuyayniyoj runarí pisipaj qhawasqa kanqa.

Qheshwa Biblia DC

⁸ Uj runaqa yachayniyoj kasqanman jina munachikun; uj wampu runarí chejnichikuyllata tarin.

DIOSPA QHELQACHISQAN DEUTEROCANONICAL

⁸ Runaqa yachayniyoj kasqanman jina jatunchasqa kanqa, mana yuyayniyoj runarí pisipaj qhawasqa kanqa.

Proverbios 12:8 ပူးပေါင်းရင်းမြစ်များ

Génesis 41:39

Chantá faraonqa Joseta nerqa: Mana pipis qan jina sumaj yuyayniyoj, yachayniyoj runaqa kanchu. Kay tukuy imachus kananmanta Diosllamin qanman yachachisunki.

Salmos 132:18

Awqankunata p'enqaypi rikhurichisaj, Davidpa umanpi pillunrí lliphipirenqa, nispa. Ajinata Tata Dios nerqa.

Proverbios 1:26

Chayrayku, llakiykuna chayamusojtiykichej, noqañataj asikusaj, manchachikuywan kharkatitishajtiykichejpis asipayallasqaykichejtaj.

Proverbios 12:7

Mana allinta ruwajkunaqa wañonqanku, chaypitaj tukukaponqanku. Cheqan runaj aylluntajrí kawsallanqapuni.

Proverbios 12:9

Wakinkuna pisipaj qhawasqa kaspapis, kamachiyoj kanku. Chaykuna aswan allin kanku, pikunachus may kasqankuta yuyakunku chaypis, ni mikhunankupajpis kanchu, chaykunamanta nisqaqa.

Proverbios 29:27

Cheqanta ruwajkunaqa millayta ruwaj runakunata mana rikuyta munankuchu. Kikillantaj millayta ruwajkunaqa cheqan runakunata mana rikuyta munankuchu.

Proverbios 3:35

Tata Dios yachayniyojkunata jatunchan, mana yuyayniyojkunatataj p'enqachin.

Proverbios 5:23

Pichus mana kasukojqa wañonqa, wampu kaynintaj payta chinkachenqa.

Eclesiastés 8:1

Pitaj yachayniyoj runa jinari? Pitaj imakunapis imatachus niyta munasqanta yachanmanri? Yachayniyoj kayqa runata kusichin. Phiña uyatapis k'achaman tukuchin.

Isaías 19:14

Tata Diosqa paykunapi musphay yuyayta rikhuricherqa. Paykunaqa Egiptota tukuy ima ruwasqanpi pantacherqanku, imaynatachus machasqa runa lansasqan patapi last'aykachan, ajinata.

Daniel (hebreo) 12:2

Wañusqakunamanta ashkha kawsarimonqanku, ujkunaqa wiñayta kawsanankupaj, wakinkunataj wiñay p'enqaypi, phutiypitaj kanankupaj.

San Lucas 16:8

Chayta yachaspa, patronqa mana allin mayordomota jatunchasqa, yuyayniyoj kasqanmanta. Noqataj niykichej: Diosman mana kutirikoj runakunaqa imata ruwanapaj aswan yuyayniyoj kanku Diospa wawankunamanta nisqaqa.

Hechos 12:23

Chay kikinpitaj Tukuyta Kamachej Diospa angelnenqa Herodesta sinch'ita onqoykucherqa, Diosta mana jatunchasqanrayku. Jinataj kuraj kamachej Herodesqa khuroj tukusqan wañorqa.

1 Corintios 4:5

Chayrayku amaraj imatapis juzgaychejchu manaraj Jesucristo kutimushajtin. Pay kutimuspa, laqhapi pakasqa kajta sut'inchanqa, rikuchenqataj imatachus sapa uj sonqonchejpi yuyasqanchejta. Chaymantataj sapa ujta ruwasqanman jina Dios jatunchanqa.

2 Corintios 10:18

Pichus anchata jatunchakojrí mana allinpajchu qhawasqa kanqa. Aswanqa, pitachus Dios jatunchan, chay runamin allinpaj qhawasqa kanqa.

1 Samuel 13:13

Chantá Samuel Saulman kuticherqa: Chaytaqa wampu jina ruwanki. Sichus Tata Diospa kamachisqanta kasuwaj karqa chayqa, payqa qanman, jinataj mirayniykiman ima Israel suyuta kamachinaykichejpaj wiñaypaj qosunkichejman karqa.

1 Samuel 16:18

Chantá ujnin kamachin nerqa: Noqa yachani Belén llajtapi Yeséj ujnin churin arpata sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Tata Diostaj paywan kashan, nispa.

1 Samuel 18:30

Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.

1 Samuel 25:17

Qosaykirí ancha millay runa, mana ima nirina. Chayta qan umacharikuy, qhawaytaj imatachus ruwanaykita, manachayqa cheqamanta mana allin kaj payta, jinataj aylluntapis qhatirenqa, nispa.