Proverbios 11:5 - DIOSPA QHELQACHISQ

⁵ Cheqanta ruwanaqa cheqan runaj ñanninta cheqanchan. Millayta ruwaj runarí mana allinta ruwasqallanpitaj urmanqa.

Qheshwa Biblia DC

⁵ Cheqanta ruwayqa cheqan runaj ñanninta cheqanchanqa; sajra runarí mana allinta purisqallampitaj misk'anqa.

DIOSPA QHELQACHISQAN DEUTEROCANONICAL

⁵ Cheqanta ruwanaqa cheqan runaj ñanninta cheqanchan. Millayta ruwaj runarí mana allinta ruwasqallanpitaj urmanqa.

Proverbios 11:5 ပူးပေါင်းရင်းမြစ်များ

2 Samuel 17:23

Ajitofelqa Absalón yuyaychasqanta mana kasusqanta rikuspa, burronta sinchaykuytawan, llajtanpi wasinman riporqa. Wasinpi tukuy kajta allinchaytawan, sipirparikorqa. Chantá ayllunkunaqa ayanta tatanpa covachanman p'ampamorqanku.

Job 18:7

Kallpanpi jina thaskisqan manaña ajinachu kanqa. Ima tojllatachus churasqallanpitaj urmanqa.

Proverbios 1:18

Chay runakunarí tojllata paykunallapajtaj churakunku. Paykuna kikillankutaj wañuyman qaraykukunku.

Proverbios 11:3

Cheqan runataqa cheqan kawsakuynin kawsachin, puraj uya runakunatarí wasanchasqan chinkachin.

Proverbios 12:3

Pichus millayta ruwajqa mana sinch'ita sayanqachu, allinta ruwaj runakunarí unaypaj sumaj sayachisqa kanqanku.

Proverbios 13:6

Cheqanta ruwanaqa allinta purejta waqaychan, mana allin kajta ruwanarí runata chinkachin.

Proverbios 14:32

Millayta ruwaj runata mana allin ruwasqallantaj jatun llakiyman churan. Allin ruwaj runarí wañunankama Tata Diosllapi suyakun.

Proverbios 15:19

Qhella runaj ñannenqa khishkawan junt'a. Cheqanta ruwajpa purinanrí jatun ñan jina.

Proverbios 21:29

Millayta ruwaj runaqa imatapis allinta ruwanman jina purin. Cheqanta ruwaj runarí imatapis ruwananpaj ñawpajta allintaraj unancharin.

Proverbios 28:18

Cheqanta ruwaspa purejqa llakiyta rikunanmanta kacharichisqa kanqa. Mana allinta ruwaspa purejrí llakiyman urmanqa.

Proverbios 3:6

Tukuy ima ruwasqaykipi Tata Diosmanta yuyarikuy. Paymin cheqan ñanta pusasonqa.

Proverbios 5:22

Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Isaías 26:7

Cheqan runaj ñannenqa cheqanpuni. Qantaj, Cheqan Kaj Tata Dios, cheqan runaj ñanninta pichanki.

Oseas 5:5

Chaywanpis Israelpa runaykachasqanqa paypa contrallanpitaj rimarenqa, Efraintaj juchallanpi misk'akonqa. Judapis paykunawan khuska misk'allanqataj.

Jueces 20:41

Chaypacha israelitakunaqa maqanakoj kutirikamorqanku. Benjaminmanta kajkunataj mancharisqa t'ukushaj qhepakorqanku, llajtankuta ruphaykushajta rikuspa.