Proverbios 10:17 - DIOSPA QHELQACHISQ

¹⁷ K'amisqata uyarikoj runaqa kawsay ñanta purin, k'amisqata mana uyarikojrí pantay ñanta rin.

Qheshwa Biblia DC

¹⁷ K'amisqata kasukoj runaqa kausay ñanta purin; k'amisqata mana kasukojrí, chinkay ñanta rin.

DIOSPA QHELQACHISQAN DEUTEROCANONICAL

¹⁷ K'amisqata uyarikoj runaqa kawsay ñanta purin, k'amisqata mana uyarikojrí pantay ñanta rin.

Proverbios 10:17 ပူးပေါင်းရင်းမြစ်များ

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Proverbios 1:30

Yuyaychasqayta mana jap'ikuyta munankichejchu, k'amisqaytapis pisipaj qhawankichej.

Proverbios 12:1

Pichus yachayniyoj kayta munajqa k'amisqata tukuy sonqo jap'ikun. K'amisqata chejnikojrí mana yuyayniyoj.

Proverbios 15:10

Mana allinta purejpajqa sinch'i jasut'i tiyan, k'amisqata mana uyarejtaj wañonqa.

Proverbios 15:32

Pichus k'amisqata sajrapaj jap'ejqa pay kikinta pisipaj qhawakun. K'amisqata uyarikojrí astawan yachayta jap'in.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Proverbios 3:18

Yachayniyoj kayta pichus tarejpajqa kawsay sach'a jina. Kusikuyniyojmin kanku chayta jap'ispa mana kacharejkunaqa.

Proverbios 4:13

Yachachisusqaymanta ch'ipakuy, amataj qonqayman churaychu. Chay nisqayman jina ruway, imaraykuchus chaymin kawsanaykeqa.

Proverbios 4:4

Tatayqa kay jinata yachachiwaj: Yachachisqayta jap'ikuy, kamachisusqaytataj junt'ay, chaytaj kawsachisonqa.

Proverbios 5:12

Chantataj qan nishawaj: Imajtintaj yuyaychawasqankuta qhesacharqaniri? Imaraykutaj k'amiwasqankutapis mana jap'ikorqanichuri?

Proverbios 5:14

Tumpamantawanqa p'enqay llakiyman chayayman karqa, tukuy llajta masiykuna rikunanta, nispa.

Proverbios 6:23

Cheqamanta kamachisqankoqa jap'ichisqa lámpara jina, yachachiyninkutaj k'anchay jinallataj. K'amiykuna, yuyaychaykuna ima, imaynatachus kawsanaykita rikuchisonqanku.

Eclesiastés 5:6

6 (5) Ama simiykiwan juchallinaman tanqachikuychu, amataj Diospa kachamusqanpa ñawpaqenpi niychu: Ruwasaj nispaqa, pantaykusqani, nispa. Imajtintaj qanqa Diosta imatachus parlasqaykiwan phiñachiwajri, paytaj makiykiwan ruwasqaykita manakajman tukuchinman?

San Lucas 11:28

Jesustajrí kuticherqa: Diospa simi nisqanta uyarispa kasojkunamari kusikuyniyoj kanku, nispa.

Hebreos 12:25

Chayrayku allinta qhawakuychej, ama pichus parlawanchej, chayta qhesachanamanta. Sichus israelitakuna Moisespa parlasqanta mana uyariyta munasqankurayku jasut'isqapuni karqanku chayqa, imaynatataj noqanchej llusp'isunman sichus janaj pachamanta parlamojta qhesachasunman chayri?

Hebreos 2:1

Chayrayku allinmin qhespichisqa kanamanta uyarisqanchejta tukuy sonqo kasunanchej, ama chaymanta pantaykunanchejpaj.

Jueces 19:17

Jinapi levitata plazapi tiyashajta rikuspa, chay machu runaqa payta tapurerqa: Maymantataj jamushankiri? Maymantaj rishankiri? nispa.