Proverbios 10:13 - DIOSPA QHELQACHISQ

¹³ Yachayniyojqa yachaywan parlan, mana yuyayniyojpa wasanpajtajrí seq'ona varalla kanqa.

Qheshwa Biblia DC

¹³ Yachayniyojpa qallumpeqa yachay tiyan; mana allinta purejpa wasanmanqa garrotellaña chayan.

DIOSPA QHELQACHISQAN DEUTEROCANONICAL

¹³ Yachayniyojqa yachaywan parlan, mana yuyayniyojpa wasanpajtajrí seq'ona varalla kanqa.

Proverbios 10:13 ပူးပေါင်းရင်းမြစ်များ

Salmos 32:9

Ama caballo jina, chayrí mula jina kaychu. Chaykuna mana yuyayniyojchu kanku, manachayqa chay uywakunata frenowan, reatawantaj sayachina tiyan. Jinallaqa dueñonman mana qayllankuchu.

Salmos 37:30

Cheqan runaqa yachaywan parlan. Allin runapis cheqanta parlan.

Éxodo 10:12

Chantá Tata Dios Moisesta nerqa: Egipto suyunejman makiykita oqhariy. Jinataj phinki phinkikuna rikhurimuspa, chijchi paramanta puchojta, jinataj pampapi tukuy q'omer kajta tukunankukama mikhonqanku, nispa.

Proverbios 10:21

Cheqan runaj parlasqanqa ashkha runata yachachin, wampu runarí mana yachayniyoj kasqanrayku wañun.

Proverbios 10:31

Cheqan runaj siminmanta yachay llojsimun, millayta ruwajpa qalluntarí khuchonqanku.

Proverbios 15:23

Maychus kajta kutichinaqa tukuyta kusichin. Maychus tiemponpi kutichiyrí aswan allinraj.

Proverbios 15:7

Yachayniyojkunaj siminkoqa yachasqankuta tukuyman willan. Wampukunarí mana jinatachu ruwanku.

Proverbios 16:21

Yachayniyoj runata ninku: Payqa allin yuyayniyoj, nispa. Misk'i simi parlayniyojtaj wajkunawan uyarichikun.

Proverbios 17:10

Yuyayniyoj runaqa ujta k'amisqalla uyarikun, wampu runarí ni pachaj kutita seq'ojtinkupis uyarikunchu.

Proverbios 19:29

Alqochakoj runapaj seq'ona wakichisqa kashan, wampukunaj wasankupajtaj sumaj jasut'ina kashan.

Proverbios 20:15

Yachaywan parlanaqa tukuy qorimanta, alajakunamantapis astawan valorniyojraj.

Proverbios 26:3

Caballotaqa chicotewan mansuyachina, burrotataj jaquimawan. Ajinallatataj wampu runata varawan jasut'ina.

Proverbios 27:22

Wampu runamantaqa wampu kayninta mana orqhosunmanchu, maranpi kutin kutinta trigota jina kutashaspapis.

Proverbios 6:32

Chaywanpis, qosayoj warmiwan khuchichakojrí suwamanta nisqaqa astawan mana yuyayniyoj. Chay warmiwan puñuykuspa, makinllawantaj mana allin kawsayta mask'akushan.

Proverbios 7:22

Waynataj chaypachapacha warmej qhepanta rerqa, imaynatachus uj toro ñak'anaman yaykun, ajinata, chayrí imaynatachus uj taruka tojllawan jap'ichikun, ajinata.

Isaías 50:4

Tukuyta Kamachej Tata Dios yachay parlayta simiyman churarqa, sayk'usqa runakunata parlaspa kallpachanaypaj. Sapa paqarin pay rijch'arichiwan, yachachisqanta sumajta uyarinaypaj.

San Lucas 4:22

Chay runakuna allinpajpuni Jesusta qhawarqanku, chay jinata parlasqanmantataj t'ukorqanku: Chaywanpis tapunakorqanku: Manachu payqa Josejpa churillan? nispa.