Proverbios 1:9 - DIOSPA QHELQACHISQ

⁹ Chay yachayqa umaykipi t'ikamanta pillu jina kanqa, kunkaykipitaj k'achitu walqa jina.

Qheshwa Biblia DC

⁹ Chay yachayqa umaykipaj uj k'achanchay jina kapusonqa, uj walqa jina, chayri uj k'acha pillu jina.

DIOSPA QHELQACHISQAN DEUTEROCANONICAL

⁹ Chay yachayqa umaykipi t'ikamanta pillu jina kanqa, kunkaykipitaj k'achitu walqa jina.

Proverbios 1:9 ပူးပေါင်းရင်းမြစ်များ

Génesis 41:42

Jinata niytawantaj, faraonqa selloyoj anillonta makinmanta orqhokuytawan, Josejpa makinman churaykorqa. Chaymantataj sumaj linomanta ruwasqa p'achata churanankuta kamacherqa. Jinaspataj, Josejpa kunkanman qorimanta ruwasqa walqatapis churaykucherqa.

Salmos 73:6

Chayrayku runaykachanaqa paykunapaj walqa jina, atiyniyoj kasqankupi atinikuspa, millay ruwasqankupis p'achanku jina.

Proverbios 3:22

Chayqa kawsayniykipi juturi jina kanqa, walqa jinataj kunkaykita k'achanchanqa.

Proverbios 3:3

Khuyakuytawan, cheqa kajtawan ama jayk'ajpis saqeychu. Qanqa chaykunata apaykachay uj walqapis kanman jinata. Chaykunatataj sonqoykipi ukhupi t'illmiykuy.

Proverbios 4:9

Yachayniyoj kayqa umaykita k'achanchasonqa, k'acha pillutataj umaykiman churasonqa.

TAKIYKUNA 1:10

Uyitaykeqa manchay k'achitu ninriykipi jaluchukuna chawpipi, walqayoj kunkaykipis k'achitallataj.

TAKIYKUNA 4:9

Sonqoyta suwawanki, chunkitúy, munasqetáy. Ujta qhawarispalla, sonqoyta suwawanki. Sonqoyqa qanpata, kunkaykipi walqawan wataykuwasqaykiwan.

Isaías 3:19

Jinallataj walqakunata, jaluchukunata, makinkupi k'achanchasqatawan chinkachillanqataj.

Jeremías 35:8

Noqaykoqa Recabpa churin ñawpa tatayku Jonadab tukuy kamachiwasqaykuta kasushallaykupuni. Chayrayku mana jayk'ajpis vinota ujyaykuchu, nitaj warmiykupis, nillataj wawaykukunapis.

Ezequiel 16:11

Qori jaluchukunawan mayta k'achancharqayki. Makiykimantaj k'achanchanakunata churarqayki, kunkaykimantaj walqata warkhuykorqayki.

Daniel (hebreo) 5:16

Chaywanpis niwanku, qan mana yachay atina kajta sut'inchayta atisqaykita, mana allinchay atinatapis allinchaj kasqaykita. Kunanqa, sichus qan chay qhelqasqata ñawirinki, jinataj imatachus niyta munasqanta willawanki chayqa, sumaj puka p'achawan p'achallichisqayki, kunkaykimantaj qori cadenata churachisaj. Chantá suyuypi kinsa kaj kamachej kanki, nispa.

Daniel (hebreo) 5:29

Chaymanta kuraj kamachej Belsasar kamacherqa Danielman puka p'achata churaykunankuta, kunkanmantaj qori k'achanchanata churanankuta. Chantá tukuyman willaracherqa suyupi Daniel kinsa kaj kamachej kananta.

Daniel (hebreo) 5:7

Chantá qhaparispa, kamachinkunata kamacherqa yatirikunata, yachayniyojkunata, ch'askakunata qhawaspa watojkunata ima pusamunankuta. Paykuna jamojtinkutaj, Belsasar nerqa: Sichus pillapis jaqay qhelqasqata ñawiriyta atin, sitajchus imatachus niyta munasqanta sut'inchawayta atinman chayqa, p'achallichisqa kanqa sumaj puka p'achawan, kunkanmantaj qori cadena k'achanchanata churanqanku. Chantá suyuypi kinsa kaj kamachejmin kanqa, nispa.