Proverbios 1:5 - DIOSPA QHELQACHISQ

⁵ Yachayniyoj, yuyayniyojpis kay nisqakunata uyarispa, astawan yachayniyoj kanqa. Yuyayniyojpis astawan yuyaychasqa kanqa.

Qheshwa Biblia DC

⁵ Yachayniyojlla uyarispa astawan yachayta jap'in, yuyayniyojqa astawan yachanqa;

DIOSPA QHELQACHISQAN DEUTEROCANONICAL

⁵ Yachayniyoj, yuyayniyojpis kay nisqakunata uyarispa, astawan yachayniyoj kanqa. Yuyayniyojpis astawan yuyaychasqa kanqa.

Proverbios 1:5 ပူးပေါင်းရင်းမြစ်များ

2 Crónicas 25:16

Diosmanta sut'inchaj chayta nejtinkamataj, kuraj kamachej Amasiasqa taporqa: Kuraj kamachejta yuyaychanaykipajchu qantaqa churarqayku? Ch'inlla kakuy. Chayrí munankichu soldadoykuna wañuchisunankuta? nispa. Chantá Diosmanta sut'inchajqa mana astawan imatapis parlarqañachu. Chaywanpis nerqa: Nisqayta mana kasuspa, chay mana allin kajta ruwasqaykimanta Tata Diosqa ninña wañuchisunanta, nispa.

Job 34:10

Qankuna yachayniyojkuna uyariwaychej: Tukuy Atiyniyoj Diosqa manapuni mana allin kajta ruwanmanchu.

Job 34:16

Sichus qan yuyayniyoj kanki chayqa, uyariway, imatachus nisqayta allinta uyariway.

Job 34:2

Yachajkuna uyariwaychej, sumaj yachayniyojkuna kay nisqayta uyariwaychej.

Job 34:34

Noqata uyariwaj yachayniyojkuna, sumaj yuyayniyojkunapis niwanqanku:

Proverbios 12:1

Pichus yachayniyoj kayta munajqa k'amisqata tukuy sonqo jap'ikun. K'amisqata chejnikojrí mana yuyayniyoj.

Proverbios 14:6

Alqochakoj runaqa yachayta mask'an, manataj tarinchu. Yuyayniyoj runapajrí imata yachanapis jasalla.

Proverbios 18:15

Allin yuyayniyoj runaqa yachayta astawan jap'in. Yachayniyojpa ninrenqa yachayta mask'an.

Proverbios 19:25

Sichus asipayakoj runata maqanki chayqa, mana yuyayniyoj runa chayta rikuspa, allin runa kayta yachanqa. Yachayniyoj runarí uj k'amisqalla imatapis yachakun.

Proverbios 21:11

Mana yuyayniyoj runaqa yuyayniyoj kayta yachakun, uma oqharej runa jasut'isqata rikuspa. Yuyayniyoj runarí astawan yuyayniyoj kayta yachakun, pipis payta yachachishajtillan.

Proverbios 8:33

Uyariychej imatachus yachachisqayta, qankunapis yachayniyoj kanaykichejpaj. Amataj yachachisqayta pisipaj qhawaychejchu.

Proverbios 9:8

Chayrayku alqorakoj runataqa ama k'amiychu, mana chejnichikuyta munaspaqa. Yachayniyoj runatarí k'amiy, paytaj q'ayachakusonqa.

Proverbios 9:9

Yachayniyojman yachachiy, paytaj astawan yachayniyoj kanqa. Cheqan runaman yachachiy, paytaj astawan yachanqa.

Eclesiastés 9:11

Chay jawa ujtawan qhawaspa, kaytapis rikullarqanitaj: Kay pachapi mana usqhayta t'ijojkunachu sapa kuti atipanku, maqanakupitaj mana kallpayojkunachu. Yachajniyojkunapis wakin kuti mana mikhunayoj rikhurinku, nitaj allin yuyayniyojkunapis qhapajchu kanku, nitaj yachajkunapis sapa kuti jatunpaj qhawasqachu kanku. Manachayqa tiempo chayamojtin, wakinpaj allin tiempo chayamun, wakinpajtaj mana.

1 Corintios 10:15

Noqa parlashaykichej yuyayniyoj runakunaman jina. Chayrayku qankuna kikiykichej kay nisqay jinachus manachus kasqanta watuychej.

Deuteronomio 4:6

Ajinaqa kasuspa junt'aychej. Ajinatachus ruwankichej chayqa, tukuy yachanqanku yachayniyoj, yuyayniyojtaj kasqaykichejta. Waj llajtayojkuna kay kamachisqakunamanta uyarispa, nenqanku: Kay llajtayoj runakunaqa yachayniyoj, yuyayniyojtaj kanku. Kay suyoqa sumajmin, nispa.