Proverbios 1:4 - DIOSPA QHELQACHISQ

⁴ Jinallataj sumaj kashan llamp'u sonqoyojkunaman umayoj kayta yachachinapaj. Sumajllataj kanku waynakunaman, sipaskunaman ima allin yachayta, jamut'ayta ima yachachinapaj.

Qheshwa Biblia DC

⁴ llamp'u sonqoyojkunaman umayoj kayta yachachinapaj, waynasman yachayta rikuchinapaj, reparachinapajtaj.

DIOSPA QHELQACHISQAN DEUTEROCANONICAL

⁴ Jinallataj sumaj kashan llamp'u sonqoyojkunaman umayoj kayta yachachinapaj. Sumajllataj kanku waynakunaman, sipaskunaman ima allin yachayta, jamut'ayta ima yachachinapaj.

Proverbios 1:4 ပူးပေါင်းရင်းမြစ်များ

Salmos 116:6

Tata Diosqa llamp'u sonqoyojkunata waqaychan. Noqa mana kallpayoj onqosqa kashajtiy, pay aysariwarqa.

Salmos 119:130

Qanpa simi nisqaykej yachachisqanqa k'anchay jina, llamp'u sonqoyojkunamantaj yachayta qon.

Salmos 119:9

Imaynatataj uj waynuchu mana juchallispa kawsayta atinmanri? Simi nisqaykita kasuspalla.

Salmos 19:7

Tata Diospa yachachisqanqa mana pantayniyoj kaspa, runaj sonqonta kawsarichin. Tata Diospa kamachisqanqa cheqanpuni, jinataj mana yachayniyojta yachayniyojman tukuchin.

Salmos 34:11

11 (12) Jamuychej wawaykuna, uyariwaychej. Tata Diosta jatunpaj qhawayta yachachisqaykichej.

Proverbios 3:21

Wawáy, yachayniyoj kaymanta, allinta yuyaychakuspa ruwanamanta ima ama qonqapuychu.

Proverbios 8:12

Yachayniyoj kayqa nillantaj: Noqaqa yuyayniyoj kaywan khuska tiyakuni. Imata ruwanaypajpis allintaraj yuyaycharikuni.

Proverbios 8:17

Noqaqa pichus munakuwajta munakuni. Pikunachus tukuy sonqo mask'awajkunataj tariwanku.

Proverbios 8:32

Kunanqa wawaykuna, ama jina kaspa uyariwaychej: Kusikuyniyojmin kanku yachachisqayman jina kawsakojkunaqa.

Proverbios 8:5

Mana yachayniyojkuna, umayoj kaychej. Wampukuna, allin yuyayniyoj kayta yachaqakuychej.

Eclesiastés 11:9

Waynapis, sipaspis kashaspa kusikuy, imachus allin kajwan kusikullaytaj. Sonqoykej munasqanpi, ñawiykej rikusqanpi ima puriy. Chaywanpis yachay tukuy chaykunamanta Dios cuentata mañasunanta.

Isaías 35:8

Chaypitaj rumiwan chakasqa uj sumaj ñan kanqa, sutintaj kanqa “Juchamanta May Llimphu Kaj Ñan”. Chayninta mana llimphuchasqa runakuna manapuni riyta atenqankuchu, nitaj ima wampu runapis chay ñanta purenqachu.

Deuteronomio 4:6

Ajinaqa kasuspa junt'aychej. Ajinatachus ruwankichej chayqa, tukuy yachanqanku yachayniyoj, yuyayniyojtaj kasqaykichejta. Waj llajtayojkuna kay kamachisqakunamanta uyarispa, nenqanku: Kay llajtayoj runakunaqa yachayniyoj, yuyayniyojtaj kanku. Kay suyoqa sumajmin, nispa.

2 Timoteo 2:22

Waynakunata, sipaskunataqa tukuy imaymana millay kajta ruwaspa purinaman sonqonku aysan. Qanrí chay jina purinamanta ayqey. Aswanpis cheqan kajta ruwaspallapuni puriy, jinallataj Diosta mana wasanchaspa kawsay. Chantá munakuyniyoj kaspa, wajkunawan allinpi kawsakuy. Ajinata ruway, pikunachus llimphu sonqomanta Diosta yupaychanku Diosninkupaj rejsikapusqankurayku, chaykunawan khuska.

Tito 2:6

Ajinallatataj waynakunatapis yuyaychay allinta qhawarikuspa purinankupaj.