Proverbios 1:31 - DIOSPA QHELQACHISQ

³¹ Mana kasukusqaykichejrayku ñak'arinkichej. Mana allin ruwayta yuyasqaykichejwantaj amichikunkichej.

Qheshwa Biblia DC

³¹ Mana kasukusqaykichejrayku ñak'arinkichej, sajra ruwayta yuyasqaykichejwan amichikunkichej.

DIOSPA QHELQACHISQAN DEUTEROCANONICAL

³¹ Mana kasukusqaykichejrayku ñak'arinkichej. Mana allin ruwayta yuyasqaykichejwantaj amichikunkichej.

Proverbios 1:31 ပူးပေါင်းရင်းမြစ်များ

Job 4:8

Noqaqa kayta rikuspa parlani: Pikunachus millay ruwanata tarpojkunaqa chayllatataj oqharinku.

Salmos 81:13

13 (14) Aylluychus uyariwanman karqa chayqa, Israeltajchus nisqayman jina purinman karqa chayqa,

Proverbios 12:14

Pichus allinta parlajqa mikhunallayojpuni kanqa, ruwasqanman jinataj t'inkata jap'enqa.

Proverbios 13:2

Runaqa allinta parlasqanmanta allin kajta jap'enqa. Wasanchajkunarí millayta ruwanamanta wañurinku.

Proverbios 14:14

Wampu runaqa mana allinta purisqanwan kusikun. Allinta ruwaj runarí sumaj ruwasqanwan kusikun.

Proverbios 22:8

Pichus mana allin kajta tarpojqa jatun llakiyllata tarikonqa. Tata Diostaj k'araj ñak'arichiyninwan chay runata chinkachenqa.

Proverbios 5:22

Millayta ruwaj runataqa kikin ruwasqallantaj jap'iykun, kikin juchallantaj waskha jina wataykun.

Proverbios 5:23

Pichus mana kasukojqa wañonqa, wampu kaynintaj payta chinkachenqa.

Proverbios 8:36

Pichus contraypi juchallikojrí, payllataj mana allin kawsayta mask'akun. Pichus noqata chejniwajqa wañuyta mask'akun.

Isaías 66:4

Noqapis paykunapaj ñak'arinata ajllasaj. Imatachus manchachikunku, chaytapuni paykunaman apachimusaj. Noqaqa wajyarqani, manataj pipis kasuwarqachu. Parlapayarqani, manataj pipis uyariwarqachu, manachayqa rikunayta millayta astawan ruwarqanku. Paykunaqa imatachus mana rikuyta munasqaytapuni ajllakorqanku.

Jeremías 14:16

Pikunamanchus llullakuspa parlashanku, chay runakunapis maqanakupi chantá yarqhaywan wañonqanku, jinallataj warminku, churinku, ususinku ima. Ayankutaj Jerusalenpa callenkunapi wijch'urasqa kanqanku, manataj pipis paykunata p'ampaykoj kanqachu. Ajinamanta millay ruwasqankuman jina ñak'arichisqa kanqanku, nispa.

Jeremías 2:19

Kikin juchallaykitaj pataykiman urmamonqa, chay wasanchaj kasqallaykitaj juchachasonqa. Allinta qhawarikuy noqata saqerpariwasqayki imayna millaychus, imayna llakiytajchus kasqanta. Jinallataj noqa Tata Diosta mana kasuwasqaykita allinta repararikuy. Ajinata noqa Tukuy Atiyniyoj Tata Dios nini.

Jeremías 21:14

Noqamin ruwasqaykichejman jina jasut'isqaykichej. Tukuy sach'aykichejman ninata jap'iykuchisaj, chay ninataj tukuy muyuyniykichejpi kajta ruphaykonqa, nispa. Ajinata Tata Dios nin.

Jeremías 6:19

Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Ezequiel 22:31

Chayrayku paykunaj patankuman k'araj phiñakuyniyta kachaykamusaj. Jinaspataj, nina lawray jina phiñakuyniywan paykunata chinkachisaj. Millayta ruwasqankuman jina pagachikusaj. Noqa Tukuyta Kamachej Tata Dios ajinata nini.