Proverbios 1:22 - DIOSPA QHELQACHISQ

²² Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Qheshwa Biblia DC

²² Mana ima yachajkuna, mayk'ajkamataj mana ima yachajllapuni kankichejri? Mayk'ajkamataj alqochakullankichejpuniri? Wampus, mayk'ajkamataj yachaytaqa chejninkichejri?

DIOSPA QHELQACHISQAN DEUTEROCANONICAL

²² Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Proverbios 1:22 ပူးပေါင်းရင်းမြစ်များ

Job 34:7

Mana pipis Job jinaqa kanchu. Payqa yakutapis ujyashanman jina Diosmanta alqochakun.

Salmos 1:1

Kusikuyniyojmin pichus millayta ruwaspa purejkunaj yuyaychasqankuta mana jap'ikojqa, juchallispa purejkunaj purisqankutapis mana qhatejqa, Diosmanta alqochakojkunawanpis mana khuskachakojqa.

Salmos 94:8

Unanchaychej, mana yuyayniyoj wampu runakuna. Mayk'ajtaj yuyayniykichejman kutirikunkichejri?

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 16:28

Chayrayku Tata Dios Moisesta nerqa: Mayk'ajkamataj qankuna kamachisqayta, yachachisqayta ima mana kasuyta munankichejchuri?

Proverbios 1:21

Yachayqa uyarichikun llajta punkukunapi, maypichus runakuna k'iski purishanku, chay cheqakunapi. Imatachus niyta munasqanta kay jinata sut'inchan:

Proverbios 1:29

imajtinchus qankunaqa yachayta qhesachankichej. Tata Diosta kasuytapis mana ajllakunkichejchu.

Proverbios 1:32

Mana yachayniyojkunataqa pantasqallankutaj wañuchenqa. Wampu runataqa mana allinta qhawakuspa, purisqallantaj chinkachenqa.

Proverbios 1:4

Jinallataj sumaj kashan llamp'u sonqoyojkunaman umayoj kayta yachachinapaj. Sumajllataj kanku waynakunaman, sipaskunaman ima allin yachayta, jamut'ayta ima yachachinapaj.

Proverbios 1:7

Yachayniyoj runa kanapajqa ñawpajta Tata Diosta may jatun respetowan qhawana. Wampu runakunarí yachayta, yachachiytawan ima qhesachanku.

Proverbios 14:6

Alqochakoj runaqa yachayta mask'an, manataj tarinchu. Yuyayniyoj runapajrí imata yachanapis jasalla.

Proverbios 15:12

Alqorakoj runaqa pichus k'amejta mana munakunchu, nitaj yachayniyojkunawanpis tantakunchu.

Proverbios 19:29

Alqochakoj runapaj seq'ona wakichisqa kashan, wampukunaj wasankupajtaj sumaj jasut'ina kashan.

Proverbios 21:11

Mana yuyayniyoj runaqa yuyayniyoj kayta yachakun, uma oqharej runa jasut'isqata rikuspa. Yuyayniyoj runarí astawan yuyayniyoj kayta yachakun, pipis payta yachachishajtillan.

Proverbios 21:24

Jatunchakojta, asipayakojtataj “uma oqharej runa” ninku, anchata runaykachaspa purisqanrayku.

Proverbios 22:3

Yuyayniyoj runaqa llakiykuna jamushasqanta reparaspa, pakakun. Mana yuyayniyojrí mana kasuta ruwaspa, ñawpajman rillanpuni, llakiyta tarikuspataj ñak'arin.

Proverbios 3:34

Alqochakojkunamantaqa Tata Dios asiykukun, llamp'u sonqoyojkunamantajrí k'acha kayninta rikuchin.

Proverbios 5:12

Chantataj qan nishawaj: Imajtintaj yuyaychawasqankuta qhesacharqaniri? Imaraykutaj k'amiwasqankutapis mana jap'ikorqanichuri?

Proverbios 6:9

Qhella, mayk'ajkamataj puñullankipuniri? Mayk'ajtaj puñusqaykimanta jatarinkiri?

Proverbios 7:7

Chantá manaraj yuyayniyoj waynakunata purishajta rikorqani. Chaykunamanta ujnintaj aswan wampu kasqanta repararqani.

Proverbios 8:5

Mana yachayniyojkuna, umayoj kaychej. Wampukuna, allin yuyayniyoj kayta yachaqakuychej.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Números 14:27

Mayk'ajkamataj israelitakuna contraypi millayta rimasqankuta awantasajri? Paykuna noqaj contrayta rimasqankuta uyarini.

San Mateo 17:17

Jesustaj kuticherqa: Ay, noqapi mana atinikuyta atej runakuna. Mayk'ajkamataj qankunawan kasajri? Mayk'ajkamataj awantasqaykichejri? Chay waynata pusamuwaychejmá, nispa.

San Mateo 23:37

Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

San Lucas 19:42

Paytaj nerqa: Mayta munayman kay p'unchayllapis reparanaykita qanpaj allinpi kawsakuy imachus kasqanta. Chaywanpis chayqa ñawiykimanta pakasqa kashan, manataj reparayta atinkichu.

San Juan 3:20

Millayta ruwaspa purejkunaqa k'anchayta chejninku, manataj k'anchayman qayllamunkuchu, millay ruwasqanku ama sut'inchasqa kananpaj.

2 Pedro 3:3

Ñawpajta kayta yachaychej: Qhepanejman cheqa kajmanta alqorakojkuna rikhurimonqanku, paykunataj sonqonkoj millay ruwayta munasqanman jina purenqanku.

Apocalipsis 22:17

Santo Espirituwan, casarakoj sipaswan ima ninku: Jamuy, nispa. Chayta uyarejpis nillachuntaj: Jamuy, nispa. Ch'akichikojqa jamuchun, ujyayta munajtaj kawsayta qoj yakumanta qhasilla ujyachun, nispa.