Oseas 9:8 - DIOSPA QHELQACHISQ

⁸ Diosqa paymanta sut'inchajta Efrainta qhawananpaj churasqa, qankunatajrí purinanman tojllata churarqankichej. Diospa Templonpipis payta chejninkichej.

Qheshwa Biblia DC

⁸ Dios churarqa profetanta Efrainta qhawanampaj, qankunatajrí chay purinanman tojllasta mast'arqankichej: Diospa yupaychana wasimpipis chejninkichej.

DIOSPA QHELQACHISQAN DEUTEROCANONICAL

⁸ Diosqa paymanta sut'inchajta Efrainta qhawananpaj churasqa, qankunatajrí purinanman tojllata churarqankichej. Diospa Templonpipis payta chejninkichej.

Oseas 9:8 ပူးပေါင်းရင်းမြစ်များ

1 Reyes 17:1

Diosmanta sut'inchaj Eliasqa Galaad jap'iypi Tisbé llajtayoj karqa. Uj kuti payqa kuraj kamachej Ajabta nimorqa: Israelpa Tata Diosninpa sutinpi, pejpa kamachinpichus noqa kashani, chaypa sutinpi niyki: Mana kay jamoj watakunapi paramonqachu nitaj chhullamonqachu, noqa ujtawan ninaykama, nispa.

1 Reyes 18:1

Kinsa watanman Tata Diosqa Eliasta nerqa: Ajabpa wasinman riy, imaraykuchus noqaqa ña parachimusajña, nispa.

1 Reyes 18:19

Kunanqa tukuynin israelitakunata Carmelo orqoman tantakamunankuta kamachiy. Wajyallaytaj Baalpa 450 sut'inchajninkunata, Aseraj 400 sut'inchajninkunatawan ima, pikunachus Jezabelpa mikhunanmanta mikhunku, chaykunata, nispa.

1 Reyes 22:11

Chaypacha Quenanáj churin Sedequiasqa fierromanta wajrakunata ruwakusqa, chantá nerqa: Tata Dios ajinata nin: Kaykunawan siriokunata wajraspa wañurachinki, nispa.

1 Reyes 22:22

Chay espiritutaj nerqa: Noqaqa rispa, kuraj kamachejpa tukuynin sut'inchajninkunata llullata parlachisaj, nispa. Tata Diostaj nerqa: Rispa, nisqaykiman jina Ajabta q'otiyamuy. Chayta ruwaspa, pusayta atinki, nispa.

1 Reyes 22:28

Micaiastajrí nerqa: Sichus maqanakupi atipaspa kutimunki chayqa, sut'i kanqa Tata Diosqa manamin noqaj simiynejtachu parlarqa, nispa.

1 Reyes 22:6

Chantá Israelpa kuraj kamachejnenqa Diosmanta sut'inchajkunata tawa pachajta jina tantaykorqa, chantá paykunata taporqa: Galaadmanta Ramotpa contranpi maqanakoj risajchu, amachu? nispa. Paykunataj nerqanku: Rillay, imaraykuchus Tata Diosqa chay llajtata jap'inaykipaj yanapasonqa, nispa.

2 Reyes 13:21

Uj kuti, israelitakuna uj runata p'ampashaspa, Moabmanta suwakuna jamushajta rikorqanku. Chayrayku chay ayata Eliseoj covachanman choqaykuytawan, ayqekorqanku. Chantá chay aya Eliseoj tullunman llankharispa, chaypacha kawsarispa sayarerqa.

2 Reyes 2:14

Chantá Eliaspa ponchonwan mayuta wajtarqa: Maypitaj Eliaspa Tata Diosnin kashanri? nispa. Wajtasqantawantaj, yakoqa iskayman t'aqarparikorqa. Chantá Eliseoqa mayuta ch'aki pampata jina chimparqa.

2 Reyes 2:21

Eliseotaj yaku juturiman rispa kachita jich'aykamorqa, nerqataj: Tata Diosqa ajinata nin: Kay yakutaqa noqa misk'i yakuman tukuchini. Manaña jallp'ata t'ajrayachenqachu, nitaj runatapis onqochenqañachu, nispa.

2 Reyes 4:41

Eliseotajrí nerqa: Jak'uta apamuwaychej, nispa. Chantá jak'uta mankaman t'akaykuspataj, nerqa: Kunanqa mikhunankupaj qaraychej, nispa. Chantá mikhorqanku, manataj onqocherqachu.

2 Reyes 4:43

Kamachintajrí kuticherqa: Kay uj chhikitalla imaynatataj pachaj runakunapaj wakinmanri? nispa. Eliseotajrí nerqa: Paykunaman jaywaychej mikhunankupaj, imaraykuchus Tata Diosqa nin: Mikhonqanku, puchonqarajtaj, nispa.

2 Reyes 5:14

Chantá Namanqa Jordán mayuman rispa, Diospa sut'inchajninpa nisqanman jina qanchis kutita p'ultiykakamorqa. Chaypipachataj ukhonqa wawaj ukhunman jina tukorqa, llimphuyachisqataj karqa.

2 Reyes 5:27

Chayrayku Namanpa qosqanta jap'ikusqaykirayku, llejti onqoynin qanman wiñaypaj chimpaykusonqa, jinataj mirayniykimanpis, nispa. Jinamanta Guejaziqa Eliseoj ñawpaqenmanta llejti onqoyniyoj, rit'i jina yurajlla llojserqa.

2 Reyes 7:19

Eliseoj nisqanmantaj kuraj kamachejpata yanapajnin kay jinata kutichisqa: Sichus Tata Dios janaj pachata kicharispa jich'aykamunman chaypis, chayqa mana jinachu kanman, nispa. Eliseotaj kutichisqa: Chaytaqa kikin ñawiykiwan rikunki. Chaywanpis, mana chaymanta mikhunkichu, nispa.

2 Reyes 7:2

Kuraj kamachejpa yanapajnintajrí Diosmanta sut'inchajninta nerqa: Tata Dios janaj pachata kicharispa jich'aykamunman chaypis, mana nisqayki jinaqa kanmanchu, nispa. Eliseotaj kuticherqa: Qan chayta kikin ñawiykiwan rikunki. Jinapis, mana chaymanta mikhunkichu, nispa.

Salmos 124:7

Tojlla churasqankumanta ayqerqanchej, imaynatachus p'isqo ayqen, ajinata. Chay tojlla churasqanku p'itikorqa, noqanchejtaj ayqerqanchej.

Eclesiastés 9:12

Aswanpis runaqa mayk'ajchus tukukunanta mana yachanchu. Imaynatachus challwakuna ch'ipapi jap'ichikunku, imaynatatajchus phawaj p'isqokuna tojllaman urmanku, ajinallatataj runaqa mana yuyasqallamanta llakiypi jap'isqa rikhurin.

TAKIYKUNA 3:3

Llajtata qhawaspa, muyoj soldadokuna taripawajtinku, paykunata tapurikorqani: Manachu munasqayta rikorqankichej? nispa.

Isaías 62:6

Jerusalén, perqayki pataman qhawajkunata churani, paykunataj mana sayk'uspa, tuta p'unchay ninkupuni: Tata Diospa sutinta oqharejkuna, ama ch'inlla kakuychejchu.

Jeremías 11:19

Imaynatachus uj cordero mana imatapis yachanchu camalman payta apashajtinku, ajinallataj noqapis mana yacharqanichu contraypi imatachus ruwayta munashasqankuta. Paykunaqa nishasqanku: Kay poqoj sach'ata k'utunachej. Payta chinkarparichinachej kay pachapi kawsajkuna ukhumanta, amaña pipis paymanta ujtawan yuyarikunanpaj, nispa.

Jeremías 14:13

Noqataj kuticherqani: Tukuyta Kamachej Tata Dios, sut'inchajkuna aylluykiman ninku: Mana maqanaku kanqachu, nitaj yarqhaypis kanqachu. Tata Diosqa unaypaj allin kawsakuyta kay cheqaman apachimuwasunchej, nispa.

Jeremías 23:13

Samariapi tiyakoj sut'inchajkunata rikuni kay millachikuna imata ruwashajta: Paykuna Baalpa sutinpi sut'inchaspa, Israel aylluyta pantachinku.

Jeremías 31:6

Uj p'unchay chayamonqa, chay p'unchaypitaj llajtata qhawajkuna Efrainpa orqonkunapi qhaparenqanku: Jamuychej, Sión orqoman jaku rinachej Tata Diosninchejta yupaychaj, nispa.

Jeremías 6:14

Aylluypa k'irisqanta tumpallata jampiykurinku. Paykunaqa tukuy imapis allillan kashasqanta ninku. Jinapis manapuni imapis allinchu kashan.

Jeremías 6:17

Tata Diosqa llajtata qhawajkunata churaspa, ayllunman nerqa: Trompetaj waqasqanta allinta uyariychej, nispa. Israel ayllutajrí kuticherqa: Mana kasuta ruwayta munaykuchu, nispa.

Lamentaciones 2:14

Diosmanta sut'inchajkunaqa qhasi manakaj imakunata willasunku. Mana juchaykitapis rikuchisorqankuchu, chaynejta ama karu llajtaman apasqa kanaykipaj. Manachayqa llullallata willasunku, qhasi manakaj imakunata creechispa.

Lamentaciones 4:13

Chay jina jasut'i Diosmanta sut'inchajkuna juchallikusqankurayku karqa, sacerdotekuna millay juchata ruwasqankurayku ima. Paykunaqa chay llajtapi mana juchayoj runakunata wañucherqanku.

Ezequiel 3:17

Runaj churin, noqa qanta Israel aylluta qhawanaykipaj soldadota jina churayki. Noqa imatachá nisqayki, chayta noqamanta paykunaman willanki, noqaj sutiypi k'amispa, reparachispataj.

Ezequiel 33:7

Runaj churin, noqa qanta churayki Israel aylloj qhawajnin kanaykipaj. Chayrayku nisqayta uyarispa, sutiypi paykunaman willay.

Oseas 5:1

Tata Dios nin: Sacerdotekuna, kayta uyariychej. Israelitakuna, allinta uyariychej. Kuraj kamachejpa ayllunmanta kajkunapis uyarillaychejtaj: Qankuna juchachasqa kankichej, imaraykuchus Mispapi uj misk'ana jina karqankichej, Tabor orqo patapitaj wakichisqa tojlla jina karqankichej.

Oseas 9:7

Jasut'ina p'unchay chayamunña. Ña chayamunña ruwasqankuman jina pagana p'unchay. Israelpis yachanqa chay p'unchay chayamusqanta. Qankuna ninkichej: Diosmanta sut'inchajqa wampu, yuyaychaj runapis mana yuyayniyoj, nispa. Chayta ninkichej ruwasqaykichej chay jina millay kasqanrayku, jinataj chejnikuywan junt'a kasqaykichejrayku.

Oseas 9:9

Imaynatachus ñawpa israelitakuna Gabaa llajtapi ruwasqanku, jinallatataj qankunapis millayta juchallinkichej. Chaywanpis Diosqa millay ruwasqaykichejta mana qonqanqachu, manachayqa juchallikusqaykichejmanta jasut'isonqachej.

Miqueas 7:4

Paykuna ukhumanta sumaj runaqa khishkamantapis astawan millayraj, cheqanta ruwaj runapis t'ankar jina. Chaywanpis jasut'isqa kananku p'unchay chayamushanña, Diosmanta sut'inchajkuna willasqankuman jina. Chaypacha paykuna imatachus ruwanankuta mana yachanqankuchu.

San Juan 15:24

Manachus paykuna ukhupi ni pejpa ruwasqan t'ukunata ruwayman karqa chayqa, mana juchayojchu kankuman karqa. Kunanrí t'ukuna ruwasqayta rikunkuña. Chaywanpis noqata, Tataytapis chejnikuwayku.

Romanos 3:7

Chaywanpis, ichapis wakin ninkuman: Sichus llullakusqayqa Diospa cheqa kayninta sut'inchan pay jatunchasqa kananpaj chayqa, imaraykutaj Dios noqata juchachawanman, juchayojpis kayman jinari?

Hebreos 13:17

Iglesiapi michejniykichejkunata kasuychej, jinataj imatachus yachachisqankuta ruwaychej. Paykuna mana samarispa qankunata qhawashasunkichej, chaymanta Diosman cuentata qonankuta yachaspa. Chantá qankuna paykunata kasojtiykichej, imatachus ruwanankuta kusisqa ruwanqanku, mana thutuspachu, nitaj rimaspachu, imajtinchus chayqa qankunapaj mana allinchu kanman.