Oseas 9:4 - DIOSPA QHELQACHISQ

⁴ Manaña vinotapis Tata Diosman jaywanqankuchu, nillataj Diospis uywa ñak'asqatapis tukuy sonqo jap'ikonqachu. Israelitakunaj mikhunanku t'antapis wañuypi mikhuna jina kanqa. Pikunachus mikhojkunaqa mana llimphupaj qhawasqa rikhurenqanku. Chay t'antaqa paykunallapaj kanqa. Chaywanpis Tata Diospa Templonman mana apaykuyta atenqankuchu.

Qheshwa Biblia DC

⁴ Mana ujyanqankuchu vinotapis Señorpa sutimpi nillataj rikuchikusninkutapis chaypi jaywanqankuchu. Mikhunanku t'antapis qorpacha t'anta jina kanqa, pischus mikhojkunapi khuchichasqas rikhurenqanku. Paykuna mikhuykonqanku chay t'antata, manataj Señorpa yupaychana wasinman apayta atenqankuchu.

DIOSPA QHELQACHISQAN DEUTEROCANONICAL

⁴ Manaña vinotapis Tata Diosman jaywanqankuchu, nillataj Diospis uywa ñak'asqatapis tukuy sonqo jap'ikonqachu. Israelitakunaj mikhunanku t'antapis wañuypi mikhuna jina kanqa. Pikunachus mikhojkunaqa mana llimphupaj qhawasqa rikhurenqanku. Chay t'antaqa paykunallapaj kanqa. Chaywanpis Tata Diospa Templonman mana apaykuyta atenqankuchu.

Oseas 9:4 ပူးပေါင်းရင်းမြစ်များ

Éxodo 29:40

Ñawpaj kaj corderotawan khuska, trigo jak'umanta sumaj kajta iskay kilota jina, uj litro olivo aceitewan chajrusqata jaywallankitaj. Chaymantaj uj litro vinota ofrendata jina ch'ajchuykunki.

Éxodo 40:23

Chay mesamantaj Tata Diospa ñawpaqenpi churana t'antata sumaj suk'asqata churarqa, Tata Dios payman kamachisqanman jina.

Isaías 57:6

Jerusalén llajta, qanqa wayq'omanta llusk'a rumikunata yupaychayta munanki. Arí, chaypi qanpaj tiyan uj cheqa yupaychanaykipaj. Chay rumikunaman qanqa vinowan ch'allanki, chaymantaj ch'aki mikhuy jaywanata jaywanki. Noqarí chay millay ruwasqaykimanta ch'inllachu kakusaj?

Isaías 66:3

Chaywanpis pichus wakata ñak'aspa jaywawajqa uj runata wañuchejwan ninakun. Corderota ñak'aspa jaywanata apamojqa alqotapis wañuchispa jaywanman jina. Ch'aki mikhuy jaywanata apamojqa khuchej yawarninta apamojman ninakun. Inciensota q'oshñichejqa lantitapis yupaychanman jina kashan. Paykunaqa sapa ujninku imatachus munasqankuta ajllakunku, chay millay ruwasqankuwantaj sonqonkupi kusikunku.

Jeremías 16:7

Chay wañojpa ayllunta sonqochanapaj mana pipis qorpachuta ruwanqachu, ni tatan wañupojtin, chayrí maman wañupojtinpis.

Jeremías 6:20

Imapajtaj qankuna Sabamanta inciensota apamuwankichejri? Imapajtaj karu llajtamanta sumajta q'apaj qhorakunatapis apamullawankichejtajri? Uywa ñak'asqa q'olachisqata jaywawasqaykichejqa mana jap'ikunaypaj jinachu, nillataj waj jaywasqaykichejpis kusichiwanchu, nispa.

Ezequiel 24:17

Sonqollaykipi waqay, amataj llakiy p'achata churakuychu. Umaykita mayt'ukuy, juk'utaykitapis churaykukuy. Uyaykitapis ama qhatakuychu. Llakiypi kashaspa imatachus mikhunku, chay mikhunata amallataj mikhuychu, nispa.

Ezequiel 24:22

Chantá Israel aylluyman nillaytaj: Qankunapis imaynatachus noqa ruwani, kikillantataj ruwankichej. Uyaykichejtaqa mana llakisqa runa jina qhataykukunkichejchu, nitaj llakiy p'unchaypi mikhunku, chay mikhunata mikhunkichejchu.

Daniel (hebreo) 1:8

Chaywanpis Daniel sonqonpi nerqa kuraj kamachejpa mikhunanmanta, ujyananmanta ima mana imatapis jap'ikunanta ama Diospa ñawpaqenpi ch'ichichasqa kananpaj. Chayrayku Danielqa kamachina wasipi kamachikunaj kurajninkuta nerqa: Ama ch'ichipaj qhawasqa kanaypaj kuraj kamachejpa mikhunanmanta ama mana munajta mikhuchiwaychejchu, nispa.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Oseas 7:16

Lantikunaman kutiporqanku. Imaynatachus uj wist'u arcoj flechan waj ladollaman phawan, ajinallatataj paykunapis waj ladollaman ripunku. Runaykachaspa parlasqankurayku kurajninkukuna wañuchisqa kanqanku, Egipto llajtayojkunataj paykunamanta alqochakuspa asipayanqanku.

Oseas 8:13

Paykunaqa anchatataj uywa ñak'asqata jaywayta munanku, chay jaywasqa aychatapis mikhullankutaj. Noqatajrí mana kusisqachu chayta jap'ikuni. Aswanpis millay ruwasqankumanta yuyarikusaj, juchankumantataj paykunata jasut'isaj. Noqaqa paykunata Egiptoman kutichisaj.

Joel 1:13

Altarpi ruwanayoj sacerdotekuna, qhashqa p'achata churakuspa, sonqo nanayta waqaychej, imaraykuchus Templopi Tata Diosman jaywanapaj manaña kanchu ch'aki mikhuy, nitaj vinopis.

Joel 1:9

Chay kikinta sacerdotekunapis waqaykunku, imaraykuchus Templopi ch'aki mikhuy jaywana manaña kanchu, nitaj vinopis kanchu Tata Diosman jaywanapaj.

Joel 2:14

Ichapis Tata Dios manaña nisqanman jina qankunata jasut'isonqachejchu. Aswanpis khuyarikuspa, chajrata poqochipusonqachej, vinotawan qosonqachej, Tata Diosniykichejman jaywanaykichejpaj.

Levítico 17:11

Tukuy animalpa kawsaynenqa yawarninpi kashan. Noqataj qankunaman yawarta qoykichej altarman apanaykichejpaj, juchallisqaykichej pampachasqa kananpaj. Yawarpi kawsay kasqanrayku, qankunaj juchaykichejta pampachasaj.

Levítico 21:17

Aaronta niy: Kunanmanta qhepamanqa mirayniykimanta mayqenpis iman mana allin kajtenqa, Tata Diosninman t'antata jaywaj mana qayllayta atenqachu.

Levítico 21:21

Aaronpa mirayninmanta mayqellanpis sichus iman mana allinchu kanman chayqa, q'olachisqa jaywanata Tata Diosman mana jaywayta atenqachu. Nillataj Tata Diospaj t'antanta jaywayta atenqachu.

Levítico 21:6

Paykunaqa noqajllataña kanankupaj t'aqasqa kasqankurayku sutiyta ama p'enqaypi rikhurichenqankuchu. Paykunaqa noqa Tata Diosman q'olachisqa jaywanata jaywawanku, jinallataj Diospaj t'aqasqa t'antantawan. Chayrayku Diospaj t'aqasqa jina kachunku.

Levítico 21:8

Chayrayku paykunata Tata Diospaj t'aqasqata jina qhawankichej, imaraykuchus paykunaqa Tata Diosniykichejman t'antanta jaywanku. Chayrayku sacerdotekunata Diospaj t'aqasqa kasqankuta jina qhawaychej, imajtinchus noqaqa may llimphumin kani, pichus qankunata noqajta kanaykichejpaj t'aqakuykichej, chay.

Amós 5:22

Sutiypi uywata ñak'aspa q'olachinata mana munanichu, nitaj ch'aki mikhuy jaywanawaykichejtapis. Manallataj wira torillokunata allinyakuna jaywanata jina q'olachisqaykichejtapis jap'ikusqaykichejchu.

Malaquías 2:13

Qankunarí mana chayllatachu ruwankichej. Tata Diospa altarninta waqaywan p'ampaykunkichej, sonqo nanayta waqaspa, imaraykuchus Tata Diosqa ofrendaykichejta mana tukuy sonqochu jap'ikun.

Números 19:11

Pillapis ima ayatapis llankhajqa qanchis p'unchayta mana llimphupaj qhawasqa kanqa.

Números 28:2

Israelitakunata kamachiy, maychus tiemponpi t'antayta, jinallataj q'olachispa jaywanata jaywanawankuta. Chaykunaqa noqapaj ima munayta q'apashaj jaywanamin kanku.

Números 4:7

Chaymantataj Diosman jaywasqa t'antata churanapaj chay mesata anqa bayetawan qhataykonqanku. Chaypa patanmantaj chuwakunata, wisllakunata, copakunata, vino ofrendata jaywanapaj yurukunata ima churanqanku. Jinallataj mesaman Diosman jaywasqa t'antata sapa p'unchay churallanqankutaj.

San Juan 6:51

Noqamin janaj pachamanta urayk'amoj kawsayta qoj t'anta kani. Pillapis kay t'antamanta mikhojtaj wiñaypaj kawsanqa. Noqa qosaj, chay t'antaqa ukhuymin. Noqataj ukhuyta qospa wañusaj runakunaman wiñay kawsayta qonaypaj, nispa.

Deuteronomio 26:14

Wañusqayoj llakisqa kashaspa, chayrí mana llimphupaj qhawasqa kashaspa, manapuni chay t'aqasqay mikhunamanta mikhorqanichu. Nillataj wañusqakunamanpis jaywarqanichu. Tata Diosníy, niwasqaykita kasuni, kamachiwasqaykiman jinataj tukuy imata ruwani.