Oseas 9:12 - DIOSPA QHELQACHISQ

¹² Wawankuta uywanqanku chaypis, noqa qhechukapusaj ni uj puchuyojta. Ay, imarajchus kanqa, paykunamanta karunchakusqayrayku.

Qheshwa Biblia DC

¹² Chaywampi wawasninkuta uywaspa kausachinkuman chayqa, noqa qhechukapuyman ni uj puchuyojta. Ay, imachus kay runasmanta kanman paykunamanta t'aqakapojteyqa.

DIOSPA QHELQACHISQAN DEUTEROCANONICAL

¹² Wawankuta uywanqanku chaypis, noqa qhechukapusaj ni uj puchuyojta. Ay, imarajchus kanqa, paykunamanta karunchakusqayrayku.

Oseas 9:12 ပူးပေါင်းရင်းမြစ်များ

2 Reyes 17:18

Chayrayku Tata Diosqa israelitakunaj contrankupi sinch'ita phiñakuspa, karuman presota jina apacherqa. Judá jatun ayllumanta kajkunalla Judá suyupi qhepakorqanku.

2 Reyes 17:23

Chantá Tata Diosqa paymanta sut'inchajkunanejta nisqanman jina, israelitakunata ñawpaqenmanta wijch'orqa. Israelitakunaqa Asiria suyuman preso jina apasqa karqanku. Chaypitaj kunankama kashanku.

Job 27:14

Churinku ashkhapis kachunku, espadawan wañuchisqa kanqanku. Juch'uy wawankupis mikhunamanta jina wañonqanku.

Jeremías 15:7

Noqa llajtakunaj punkunpi qanta jorkawan jina wayrachispa wijch'usqayki. Mana wawayojta, phirisqatataj saqesqayki, imaraykuchus millay ruwasqaykita mana saqeyta munarqankichu.

Jeremías 6:8

Jerusalenpi tiyakojkuna, wanaychej. Pajtataj qanmanta karunchakuyman, jallp'aykitataj ch'inman tukuchiyman, mana pipis chaypi tiyakunanpaj jina, nispa.

Lamentaciones 2:20

Tata Diosníy, qhawariy yuyariytaj, mana jayk'aj pitapis kay jinata ruwarqankichu. Kay warmikunaqa paqarichikusqanku wawankuta mikhukaponqankuchu? Diospaj T'aqasqa Cheqapi sacerdotekuna, sut'inchajkuna ima Temploykipi wañurachisqa kanqankuchu?

Lamentaciones 2:22

Tukuynejmanta manchachikuyta tantaykamunki jatun raymiman wajyarikusqapis kankuman jina. Tata Dios, qanpa k'araj phiñakuyniyki p'unchaypi mana ujllapis llusp'erqachu, nitaj kawsashajpis qhepakorqachu. Pikunatachus uywasqaytaqa awqay wañuracherqa.

Oseas 7:13

Ay, imapichus tukukonqanku, noqamanta t'aqakuwasqankurayku. Chinkachisqa kananku p'unchay chayamonqa contrayta oqharikusqankurayku. Preciota pagaspa paykunata kacharichiyta munani, paykunatajrí llullakuspa parlawanku.

Oseas 9:13

Rikuni Efrainqa Tiro llajtaman rijch'akusqanta. Payqa sumaj cheqapi sayarichisqa kashan. Chaywanpis wawankunata wañuchisqa kananpaj orqhomonqa, nispa.

Oseas 9:16

Efrainqa parti wañusqa kashan, ch'aki saphiyoj sach'a jina. Chayrayku manaña poqonqachu. Wawankuna kajtinpis, noqa chay wawakunata wañurachisaj, nispa.

Malaquías 2:12

Chayrayku Tata Dios chay jina ruwaj runakunata Jacobpa ayllunmanta chinkarparichichun, pillapis kachun, Tukuy Atiyniyoj Tata Diosman ofrendata apamojpis kachun.

Números 14:34

Qankunaqa Canaán jallp'ata tawa chunka p'unchayta qhawaspa purerqankichej. Ajinallatataj tawa chunka watata, sapa p'unchaymanta uj watata, jasut'isqa kankichej. Ajinata qankunaqa contraypi oqharikuna qhasi manakaj kasqanta yachankichej.

Números 26:65

Tata Dios paykunaman nisqa: Ch'innejpi wañunkichej, nispa. Chayrayku paykunamanta mana ujpis kawsashaj karqañachu. Yefunej churin Calebwan, Nunpata churin Josuellawan mana wañorqankuchu.

Deuteronomio 28:18

Wawaykikuna, chajra oqharisqayki, wakaykikunaj, chantá ovejaykikunaj uñanku, jinallataj tukuy uywaykikunaj uñanku ima maldicisqallataj kanqanku.

Deuteronomio 28:32

Rikushajtiyki, wawaykikunaqa waj llajtayojkunaman jaywaykusqa kanqanku. Wawaykikunata rikukapuymanta wañunki, nitaj ni imata ruwayta atinkichu.

Deuteronomio 31:17

Ajina kasqanrayku phiñakuyneyqa paykunaj contrankuta k'ajarenqa. Paykunata saqerparisaj, manañataj qhawarisajchu. Chay chhika nanaykuna, llakiykuna ima patankuman jamojtintaj, nenqanku: Manachu kay llakiykuna manaña Diosninchej noqanchejwan kasqanrayku qhatirishawanchej? nispa.

Deuteronomio 32:25

Ñankunapi wawanku espadawan wañuchisqa kanqanku, wasi ukhupitaj manchay manchachikuy kanqa. Waynakuna, sipaskuna, machu runakuna, ñuñoj wawakuna ima, tukuyninku wañuchisqa kanqanku.

Jueces 4:16

Baractajrí Sísaraj carretankunata, soldadonkunatawan qhatiykorqa Jaroset Goyinkama. Chay p'unchaypi Sísaraj soldadonkumanta ni uj kawsasaj puchorqachu.

1 Samuel 16:14

Chaypacha Tata Diospa Espíritun Saulmanta karunchakorqa, Tata Diospa kachamusqan uj millay espiritutaj payta ñak'arichisharqa.