Oseas 9:10 - DIOSPA QHELQACHISQ

¹⁰ Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Qheshwa Biblia DC

¹⁰ Señor nin: Maypachachus Israelta tarerqani chaypachaqa, kusikorqani, ch'in pampapi uvasta tarikuspa kusikunku jinata. Ñaupa tatasniykichejta noqaj rijch'ayniyman kawarqa, chay ñaupa poqoj higoskuna jina. Pero maypachachus Baal-peorman chayarqanku chaypachaqa, chay qhasi llulla dioskunasnillankuman sirvej churakorqanku, jinamanta q'ala millachikunasman tukorqanku chay mayqentachus munakusharqanku chay lantikunaman jina.

DIOSPA QHELQACHISQAN DEUTEROCANONICAL

¹⁰ Tata Dios nin: Ñawpajta Israelta tarispa, kusikorqani, imaynatachus runakuna ch'innejpi uvata tarispa kusikunku, ajinata. Noqapaj ñawpa tataykichejkunaqa mishkha poqoj higo jina karqanku. Paykunatajrí Baal Pegorman chayaspa, qhasi manakaj dioskunaman kutirikorqanku. Munakusqanku lantita yupaychasqankurayku, mayta millachikunaman tukuporqanku.

Oseas 9:10 ပူးပေါင်းရင်းမြစ်များ

1 Reyes 16:31

Payqa Nabatpa churin Jeroboanpa jucha ruwasqanmantapis astawanraj juchallerqa. Casarakorqataj sidoniokunaj kuraj kamachejninku Etbaalpa ususin Jezabelwan. Chantá manaraj imapi Baal lantita yupaycharqa.

2 Reyes 17:11

Jinallataj inciensota q'oshñicherqanku, pikunatachus Tata Dios paykunaj ñawpaqenmanta wijch'usqa, chaykuna jinallataj q'oshñicherqanku. Israelitakunaqa ancha millayta ruwaspa, Tata Diosta k'arajta phiñacherqanku.

Salmos 115:8

Chay qhasi manakaj dioskunata ruwajkunaqa chay lantiman rijch'akunku, jinallataj lantiman tukuy k'umuykojkunapis.

Salmos 81:12

12 (13) Chayrayku noqa sonqonkoj munasqanman jina ruwajta saqerqani, munasqankuman jinataj kawsarqanku.

TAKIYKUNA 3:6

Imataj jaqayri, ch'innejmanta q'oshñi jina rikhurimushan chayri? Imataj mirrawan, inciensowan, tukuy ima sumaj q'apaykunawan q'aparishaj jamushanri?

Isaías 28:4

Sumaj valle patapi kaj, qawisqa t'ikakunawan k'achanchasqa kajqa, higoj mishkha poqoynin jina kanqa. Chayta pillapis rikuytawan, makinwan p'itispa mikhukaponqa.

Jeremías 11:13

Judá suyojta mashkha llajtanchus tiyapun, ajinallataj diosninkukunapis tiyapun. Jerusalenpi tiyakojkunaqa may chhika altarkunata Baalman inciensota q'oshñichinankupaj ruwakunku. Chay altarkunaqa sapa callellapi kashan.

Jeremías 24:2

Ujnin canasta mishkhamanta sumaj poqosqa higoyoj karqa. Chay ujninrí mana allin poqosqa higoyoj karqa, millay mana mikhunapaj jinachu.

Jeremías 3:24

Lantikunata p'enqayta yupaychasqaykupi, wawakunallaraj kashajtiyku imatachus tataykukuna tarerqanku, chay tukuyta chinkacherqayku lantikunata p'enqayta yupaychasqaykupi. Jinallataj ovejakunata, wakakunata, qhari wawakunata, warmi wawakunata ima chinkachillarqaykutaj.

Jeremías 3:25

May p'enqayta k'umuykuchisqa kashayku ari, honrayku t'akasqa kasqanrayku pampallata qhawaspa, imaraykuchus wawa kasqaykumantapacha kunankama noqayku, ñawpa tataykukuna ima juchallillarqaykupuni. Jinallataj noqayku Tata Diosniykoj contranpi oqharikuspa, mana kamachisqaykita kasorqaykuchu, nispa. Ajinata israelitakuna nerqanku.

Jeremías 31:2

Tata Dios nillantaj: Pikunachus maqanakupi wañunamanta llusp'ejkunata ch'innejpi khuyakorqani, Israel ayllukuna samarikuyta mask'ashajtinku, nispa.

Jeremías 5:31

Diospa nisqanta sut'inchajkuna llulla kajllata sut'inchanku, sacerdotekunataj munasqankuman jinalla kamachinku. Aylluyrí chaytapuni munanku. Chaywanpis imanankichejtaj chay tukukuy p'unchay chayamojtinri? nispa.

Ezequiel 20:8

Paykunatajrí contraypi oqharikorqanku, manataj uyariwayta munarqankuchu. Millay lantinkumanta ni pipis t'aqakorqachu, nitaj Egiptomanta apamusqanku lantikunatapis saqerqankuchu. Chayrayku noqa yuyarqani k'araj phiñakuyniyta patankuman kachaykuspa, kikin Egiptollapiraj paykunata ñak'arichiyta, phiñakuyniyta thasnukunaypaj.

Oseas 11:1

Tata Dios nin: Maypachachus Israel aylluy wawallaraj karqa chaypacha, noqa payta munakorqani, jinataj Egipto suyumanta payta wajyarqani.

Oseas 13:5

Noqamin sansarishaj ch'innejpi waqaycharqayki.

Oseas 2:15

15 (17) Chantá uva huertantapis kutichipusaj. Llakiynintapis kusiyman tukuchisaj. Chaypi sipasllaraj kashaspa imaynatachus k'askawarqa, ajinata k'askawanqa, maypachachus Egiptomanta llojsimorqa, chay p'unchaypi jina.

Oseas 4:14

Chaywanpis noqaqa ususinkukunata phisu warmiman tukusqankumanta mana jasut'isajchu, nitaj ñojch'ankukunatapis jasut'isajchu waj qharikunawan khuchichakusqankumanta. Mana paykunata jasut'isajchu, imaraykuchus qankuna qharikunapis phisu warmikunawan khuchichakoj ripunkichej. Chay warmikunawan khuskataj uywa ñak'asqata lantikunaman jaywankichej. Ajinata mana yuyayniyoj suyoqa urman.

Oseas 4:18

Tukuyninku machasqa jina urmarqanku. Mana sayk'uyta khuchichakorqanku, aswanpis p'enqaypi kayta munarqanku jatunpaj qhawasqa kanamanta nisqaqa.

Amós 4:5

Pachis nispa, jaywanata jina mana levadurayoj t'antata q'olachiychej. Sonqomanta munaspa, jaywanata apamusqaykichejmantapis tukuyman willaramuychej. Chayta ruwaspa, manchayta kusikunkichej, icharí? Noqa Tukuyta Kamachej Tata Diosmin chayta nini.

Miqueas 7:1

Ay, imallapichus tukukusaj. Noqa chajmakoj jina kani, pichus poqoyta pallay tukukuyta higota, chayrí uva chhullchuta mask'an, ajina. Chaywanpis mana imatapis tarinichu, imajtinchus pallajkuna tukuyninta pallasqanku.

Números 15:39

Chay waych'akunata qhawaspa, noqaj tukuy kamachisqayta kasunaykichejmanta yuyarikunkichej. Ajinata kamachisqayta junt'aspa, mana sonqoykichejpa munasqanwan, nitaj ñawiykichejpa rikusqanwan apachikunkichejchu, mana kasuwaspa purinaman aysachikunaykichejpaj.

Números 18:13

Jinallataj israelitakuna mikhuyta oqharispa, ñawpaj kaj poqoyta Tata Diospaj apamuwasqankoqa qankunapaj kanqa. Chaymantaqa wasi aylluykimanta tukuy llimphuchasqa kajkunalla mikhuyta atenqanku.

Romanos 6:21

Ajinata purisqaykichejrayku, imatataj tarerqankichejri? Manachu millay kajta ruwasqaykichejmanta kunan p'enqakushankichej? Chaykunataj pusashasorqachej wiñay wiñaypaj Diosmanta karunchasqa kanaykichejpaj.

Deuteronomio 32:10

Paykunata ch'innejpi tarerqa, wayraj wajtasqan ch'aki jallp'api. Chantá marq'ariykukuspa, paykunata yachacherqa. Paykunata ñawi papanta jina waqaycharqa.

Deuteronomio 32:17

Diosman uywata ñak'aspa jaywanankutaqa, supaykunallaman jaywarqanku. Mana jayk'aj rejsisqanku dioskunaman, chaypachalla ruwasqa dioskunaman, tatankoj ni jayk'aj yupaychasqanku lantikunaman jaywarqanku.

Deuteronomio 4:3

Qankuna kikiykichej, Baal Pegorpi Tata Dios imatachus ruwasqanta rikorqankichej. Tata Diosqa qankuna ukhumanta Baal Pegor sutiyoj lantita tukuy yupaychajkunata chinkacherqa.

Jueces 6:32

Chaymantapacha Gedeontaqa Yerubaal sutiwan suticharqanku Baalpa altarninta urmachisqanrayku. Chay suti niyta munan: Kikin Baal jark'akuchun, nispa.