Oseas 8:8 - DIOSPA QHELQACHISQ

⁸ Waj suyukuna Israelta oqokaponqanku, chay suyukunapitaj Israel lajrasqa t'uru manka jina ni imapaj walej kanqa.

Qheshwa Biblia DC

⁸ Israelqa oqoykuchikorqa! Waj llajtayojkunataj qhawanku mana uj chhika kallpayojta jina,

DIOSPA QHELQACHISQAN DEUTEROCANONICAL

⁸ Waj suyukuna Israelta oqokaponqanku, chay suyukunapitaj Israel lajrasqa t'uru manka jina ni imapaj walej kanqa.

Oseas 8:8 ပူးပေါင်းရင်းမြစ်များ

2 Reyes 18:11

Chantá Asiria suyuta kuraj kamachejqa israelitakunata presochaspa, Asiria suyuman aparqa, chaypitaj paykunata Jalajman, Gozán mayu kantupi Jaborman, Media llajtayojkunaj llajtankuman ima churarqa.

Isaías 30:14

Qankuna t'unasqa k'analla jina kankichej. Chay jinatapuni kallpawan phirisqa kasqanrayku, mana uj chhikan k'anallallapis qhepakunchu, q'onchamanta ninata orqhonallapajpis, nitaj yakuta wisinallapajpis, nispa.

Jeremías 22:28

Coniasqa mana ni imapaj walej p'akisqa k'analla jina. Payqa mana rikuy atina lajrasqa yaku p'uñu jina. Imaraykutaj pay tukuy wawankunawan khuska mana rejsisqa suyuman wijch'usqa kanmanri?

Jeremías 25:34

Qhapariychej, michejkuna, nanaywan qhapariychej. Aylluyta pusajkuna, nanaywan pampapi sunt'iraychej, imaraykuchus wañuchisqa kanaykichej p'unchay chayamunña, qankunataj wira oveja jina ñak'asqa kankichej.

Jeremías 48:38

Moabpi tukuy wasikunapi, tukuynin callekunapipis waqasqanku uyarikun, imaraykuchus noqaqa Moabta phiriykorqani, imaynatachus mana allin ruwasqa yuruta phirinku, ajinata. Noqa Tata Diosmin chayta nini.

Jeremías 50:17

Israel aylloqa chinkasqa oveja jina, leonkunaj qhatiykachasqan. Ñawpajta Asiriata kuraj kamachejraj oqoykorqa. Chaymantataj Babiloniata kuraj kamachej Nabucodonosorñataj tullunta phiriykorqa.

Jeremías 51:34

Sión llajta Jerusalenqa nin: Babiloniata kuraj kamachej Nabucodonosor oqoykuwarqayku. T'unata ruwaspa, ch'usaj chuwata jina saqerpariwarqayku. Mama qochamanta sierpe jina oqoykuwarqayku, kapuyniykuwantaj sajsaykukorqa. Chaymantataj llajtaykumanta wijch'uwarqayku.

Lamentaciones 2:16

Tukuy awqaykikuna qanpaj rimanku. Paykuna alqochakuspa, kirunkuta k'arurakuspataj, ninku: Kay llajtata ujllapi chinkarpachina. Noqanchej kay p'unchayta maytapuni suyasharqanchej, kunantaj rikunchejña, nispa.

Lamentaciones 2:2

Tata Dios mana khuyakuspa, tukuy imata pampata ruwan. Phiñakuyninwan Tata Diosqa Jacobpa tukuy wasinkunata thuñiran. Judá llajtaj jark'achasqa perqantapis tukuyninta pampachan. Kuraj kamachejta, kurajkunatawan maytapuni k'umuykuchin.

Lamentaciones 2:5

Tukuyta Kamachej Dios awqa jina tukuynin israelitakunata tukuchin. Kamachina wasita thuñiran, jark'achasqa llajtaj perqankunatapis pampata ruwan. Jinamanta k'achitu Judá suyuta manchay llakiywan, waqaywan ima junt'achin.

Lamentaciones 4:2

Sión llajtapi tiyakojkunaqa maypaj qhawasqa kaj kanku, sumaj kaj qorimantapis aswan munasqa. Kunantajrí manka llut'aj ruwasqan t'uru manka jinalla qhawasqa kanku.

Lamentaciones 5:2

Tukuy jallp'aykuta waj llajtayojkuna jap'ikapunku. Wasiykupis waj runakunaj makinkuman chayan.

Ezequiel 36:3

Chayrayku, runaj churin, sutiypi sut'inchaspa, niy: Israelpa orqonkuna, Tukuyta Kamachej Tata Dios kay jinata nisunkichej: Soldadokuna tukuynejmanta contraykichejta jamuspa, ch'inman tukuchisorqachej. Ajinamanta chay waj suyukuna dueñochakapusorqanku, runankunataj pisipaj qhawaspa, qankunamanta alqochakorqanku, nispa.

Levítico 26:33

Qankunata maqanakuwan ñak'arichisqaykichej, waj suyukunamantaj ch'eqerachisqaykichej. Jallp'aykichejqa ch'inman tukonqa, llajtaykichejtaj ch'in raqayllaman.

Romanos 9:22

Ajinallatataj Diosqa phiñakuyninta, atiynintawan rikuchiyta atinman karqa. Chaywanpis pay pacienciakorqa, pikunaj patankumanchus phiñakuynin urmanan kasharqa chaykunawan, paykuna chinkachisqa kanankupaj churasqa kashajtinkupis.

Deuteronomio 28:25

Chantá Tata Diosqa qanta awqaykiwan atipachisonqa. Qan uj ñannejllata awqaykiwan maqanakoj rinki, atipachikuspataj, maynejtachus ayqenaykita mana yachaspa ch'eqeraspa ayqenki. Kay pachapi tukuy suyutaj t'ukuspa, chantá mancharisqa ima qhawasonqanku.

Deuteronomio 28:64

Chantá Tata Dios tukuynejman, kay pachaj k'uchunkama ch'eqerachisonqa. Chaypitaj qan, jinataj ñawpa tataykikunapis ni jayk'aj rejsisqaykichej wajkunaj diosninkuta yupaychanki. Chay dioskunaqa k'ullumanta, rumimanta ima ruwasqa kanku.