Oseas 8:7 - DIOSPA QHELQACHISQ

⁷ Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.

Qheshwa Biblia DC

⁷ Paykunaqa wayrasta tarporqanku, oqharerqankutaj sinch'i muyoj wayrata. Mana kanqachu cosechanankupaj jina chajrasninkupis nitaj jak'utapis orqhoyta atenqankuchu trigoj espigasninmanta; sichus orqhonkuman chaypis waj llajtasniyojlla mikhukaponqanku.

DIOSPA QHELQACHISQAN DEUTEROCANONICAL

⁷ Israelitakuna wayraman tarporqanku, oqharerqankutaj muyoj wayrata. Trigo chajra mana poqosqanrayku, jak'u mana kanqachu. Sichus poqonman chaypis, waj llajtayojkuna mikhukaponqanku.

Oseas 8:7 ပူးပေါင်းရင်းမြစ်များ

Génesis 41:23

Jinallataj, ch'aki wayraj ch'akichisqan qanchis ch'usu trigo umata rikullarqanitaj.

2 Reyes 15:19

Chaypachataj Asiria suyuta kuraj kamachej Pul sutiyojqa Israel suyuman yaykuykorqa. Israel suyuta kuraj kamachej Menajentaj Pulman 33.000 kilo qolqe metalta apacherqa, kuraj kamachej jina kamachiyninta sumajta sayachiyta yanapananpaj.

2 Reyes 15:29

Israel suyuta Pecaj kamachishajtin, Asiria suyuta kuraj kamachej Tiglat Piléser jamuspa, israelitakunamanta kay llajtakunata qhechorqa: Iyonta, Abel Betmacata, Yanojata, Cedesta, Jazorta, Galaadta, Galileata, chantá tukuynin Neftalí jatun aylloj jap'iynintawan ima jap'erqa. Chay llajtakunapi tiyakojkunatataj presota jina Asiriaman aparqa.

Job 4:8

Noqaqa kayta rikuspa parlani: Pikunachus millay ruwanata tarpojkunaqa chayllatataj oqharinku.

Proverbios 22:8

Pichus mana allin kajta tarpojqa jatun llakiyllata tarikonqa. Tata Diostaj k'araj ñak'arichiyninwan chay runata chinkachenqa.

Eclesiastés 5:16

16 (15) Kaypis manallataj allinchu: Imaynatachus kay pachaman jamorqa, kikillantataj kutiponqa. Jina kajtenqa, imapajtaj chay jinatapuni qhasi manakajta llank'arqari?

Isaías 17:11

Ichá chay p'unchayllapipuni mallkisqayki ijimunman, q'ayantinpachataj t'ikarinman. Chaywanpis poqoynintaqa mana pallankichu, manachayqa nanayta, onqoyta, mana jampisqa kayta ima oqharinki.

Isaías 55:2

Imaraykutaj qolqeykichejta tukunkichej mana mikhuna kajllapi? Imaraykutaj pagoykichejta tukunkichej mana sajsachej mikhunallapiri? Allinta uyariwaychej, jinaspataj allin kajmanta mikhunkichej, sumaj mikhuykunawantaj misk'irichikuychej.

Isaías 66:15

Chantá Tata Dios ninaj chawpinpi jamonqa, maqanakunapaj carretantaj muyoj wayra jina chayamonqa, manchay k'araj phiñakuyninwan paykunata jasut'inanpaj. Paypa jasut'iynintaj nina lawray jina kanqa.

Jeremías 12:13

Trigota tarpuspapis, khishkallata oqharerqanku. Tukuy llank'asqankoqa qhasillapaj karqa. Noqaj sinch'i phiñakusqayrayku chajrapis mana poqorqachu, nispa.

Lamentaciones 5:2

Tukuy jallp'aykuta waj llajtayojkuna jap'ikapunku. Wasiykupis waj runakunaj makinkuman chayan.

Oseas 2:9

9 (11) Chayrayku kunanqa poqoy oqharina tiempopi trigoyta, vinoytapis qhechukapusaj. Qhechullasajtaj p'achallikunanpaj qosqay millmayta, linoytapis.

Oseas 7:9

Waj suyumanta runakunaqa paypa kallpanta tukuchishanku, paytaj mana imatapis reparakunchu. Chujchanpis yurajyapunña mana reparakusqallan.

Oseas 9:16

Efrainqa parti wañusqa kashan, ch'aki saphiyoj sach'a jina. Chayrayku manaña poqonqachu. Wawankuna kajtinpis, noqa chay wawakunata wañurachisaj, nispa.

Nahúm 1:3

Tata Diosqa mana usqhayllatachu phiñakun. Chaywanpis payqa may atiyniyoj, chayraykutaj juchallejkunata jasut'enqapuni. Tata Dios sinch'i para wayrapi purin, phuyupis chakin urapi jallp'a jinalla.

Hageo 1:6

Qankuna ashkhata tarpunkichej, pisitataj oqharinkichej. Mikhunkichej, manataj sajsakunkichejchu. Yakuta ujyankichej, chaywanpis yakumanta ch'akichikullankichejpuni. P'achallikunkichej chaypis, mana chirimanta jark'asunkichejchu. Jornalpi ganakusqaykichejpis mana imapaj wakinchu, nispa.

Gálatas 6:7

Ama qankuna kikiykichej q'otiyakuychejchu. Dioswanqa mana pipis pujllakunmanchu, imaraykuchus imatachus tarpunchej, chayllatataj oqharisunchej.

Gálatas 6:8

Pichus juchallinaman aysaj sonqonpa munasqanta ruwaspa purejqa chay ruwasqanmanta wiñaypaj wañuyllata tarenqa. Pichus Santo Espíritoj munasqanta ruwaspa purejrí, Santo Espiritumanta wiñay kawsayta jap'enqa.

Deuteronomio 28:33

Jallp'aykipi poqochisqaykita, chantá llank'aspa imatachus tarisqaykitawan mana rejsisqayki runakuna mikhukaponqanku. Jinallataj sapa kuti sarusqa, chantá k'umuykachachisqa ima kanki.