Oseas 8:6 - DIOSPA QHELQACHISQ

⁶ Samariapi israelitakunaj yupaychasqanku torillo lanteqa mana Dioschu. Chaytaqa runalla ruwan, chayraykutaj phirisqa kanqa.

DIOSPA QHELQACHISQAN DEUTEROCANONICAL

⁶ Samariapi israelitakunaj yupaychasqanku torillo lanteqa mana Dioschu. Chaytaqa runalla ruwan, chayraykutaj phirisqa kanqa.

Oseas 8:6 ပူးပေါင်းရင်းမြစ်များ

2 Reyes 23:15

Jinallataj Josiasqa Betelpi kasharqa, chay altartapis phirispa ruphaykuchillarqataj, chantá Aseraj lantintapis ruphaykuchillarqataj. Chay altarkunata Nabatpa churin Jeroboán ruwaspa, israelitakunata juchallichisqa.

2 Reyes 23:19

Jinallataj kuraj kamachej Josiasqa Samariapi, tukuy orqo patapi kaj altarkunata thuñillarqataj. Imaynatachus Betelpi altarkunata thuñerqa, ajinallatataj thuñiykorqa. Israel suyuta kuraj kamachejkunaqa waj dioskunata yupaychanankupaj chay altarkunata ruwaspa, Tata Diosta phiñachisqanku.

2 Crónicas 13:8

Kunan qankunaqa Tata Diospa kamachiyninman sayaykuyta munashankichej, mayqenchus Davidpa mirayninnejta kamachishan, chayman. May ashkha kasqaykichejpi atinikushankichej. Jinataj, atinikushallankichejtaj qorimanta waka uñakunata Jeroboán ruwapusorqachej dioskunata jina, mayqenchus qankunawan kashan, chaykunapipis.

2 Crónicas 31:1

Raymi ruwayta tukuytawan, tukuy israelitakuna Judá suyupi tukuy llajtaman rispa, rumimanta lantikunata, Asera lanti k'ullukunatapis phirerqanku. Jinallataj Judá suyupi, Benjamín suyupi, Efraín jap'iypi, Manasés jap'iypi ima loma patapi lanti yupaychana wasikunata, altarkunatawan thuñirarqanku. Chaymantataj tukuy israelitakuna sapa ujpis llajtankupi wasinkuman kutiporqanku.

Jeremías 10:14

Tukuy runarí mana yuyayniyoj, wamputaj kanku. Lantikunata ruwajkunaqa p'enqakuymanta uyankuta mana mayman churayta atenqankuchu. Lantikuna qhasi manakaj q'otiriyolla kasqankurayku, mana kawsayniyojchu kanku.

Jeremías 48:13

Chaypacha Moabqa Quemos diosninmanta p'enqakonqa, imaynatachus Israelpis Betelmanta p'enqakorqa, ajinata, mayqenpichus tukuy sonqowan atinikorqa, chaymanta.

Jeremías 50:2

Tukuy suyupi tiyakojkunapis yachanankupaj kayta willamuychej. Wiphalata señalta jina sayarichiychej, ama uj chhikanta pakarispataj, kay jinata niychej: Babiloniata atipaspa jap'enqanku. Bel diosninkoqa p'enqaypi rikhurichisqa kanqa. Merodac diosninkupis manchariywan junt'a kanqa. Lantinkukunataj phirisqa kanqanku.

Oseas 10:2

Israelqa iskay sonqolla kashan, kunantaj juchanmanta jasut'isqa kanqa. Altarninkunatapis Tata Dios thuñenqa, yupaychana rumi sayantankunatapis phirenqa.

Oseas 13:2

Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

Oseas 14:3

Asiriaqa manamin qhespichiyta atiwasqaykuchu, nillataj caballokunapipis ayqesqaykuchu. Manaña: Diosniyku, nispa, noqaykoj ruwasqayku lantikunata nisqaykuchu, imaraykuchus qanllapimin wajcha wawakuna khuyakuyta tarinku.

Miqueas 1:7

Tukuy lantinkupis phirisqa kanqanku, k'ullumanta tukuy lantikunapis ruphachisqa kanqanku. Chaykunaqa phisu warmikunaj qolqe ganasqankuwan ruwasqa karqa. Chayrayku ujtawan phisu warmikunaj qolqellankumantaj tukuchisaj, nispa.

Habacuc 2:18

Lanti ruwasqaña kaspa, ima allinpajtaj kanman? Ima allinpajtaj kanman llullaman pusaj lantiri? Chay lantikunaqa mana parlayta atinkuchu. Chayrayku pichus chaykunata ruwaj, imaynatataj chaykunapi atinikunmanri?

Hechos 17:29

Chayrayku Diospa mirayninchus kanchej chayqa, mana yuyasunmanchu Diosqa qorimanta, qolqe metalmanta, chayrí rumimanta ruwasqa lantiman rijch'akusqanta. Chaykunaqa runaj yuyasqanman jinalla ruwasqa kanku.

Hechos 19:26

Chaywanpis qankuna rikushankichej, uyarishankichejtaj, imaynatachus Pablo tukuyman yuyayta qosqanta: Runaj makinwan ruwasqaqa mana dioskunachu kanku, nispa. Paytaj ashkha runaj sonqonta tijrachishan, mana Éfeso llajtallapichu, manachayqa tukuy Asiantinpi.