Oseas 8:5 - DIOSPA QHELQACHISQ

⁵ Samariapi tiyakojkuna, torillo lantita yupaychasqaykichejta millachikuni. Phiñakuyniy k'ajarin contraykichejpi. Israelitakuna, mayk'ajkamataj juchayojllapuni kankichejri?

Qheshwa Biblia DC

^5-6 Qan, Samaria, chay yupaychasqayki waka uñata millachikuni. Phiñakuyniy k'ajarin paypa contrampi. May unaypirajchus llimphuchakuyta atenqankupis, israelitasqa ari? Samariaqa, chay waka uñaqa mana Dioschu! Chayqa uj runaj makisnillanmanta llojserqa; chayraykumin phirisqa kanqa.

DIOSPA QHELQACHISQAN DEUTEROCANONICAL

⁵ Samariapi tiyakojkuna, torillo lantita yupaychasqaykichejta millachikuni. Phiñakuyniy k'ajarin contraykichejpi. Israelitakuna, mayk'ajkamataj juchayojllapuni kankichejri?

Oseas 8:5 ပူးပေါင်းရင်းမြစ်များ

2 Crónicas 13:8

Kunan qankunaqa Tata Diospa kamachiyninman sayaykuyta munashankichej, mayqenchus Davidpa mirayninnejta kamachishan, chayman. May ashkha kasqaykichejpi atinikushankichej. Jinataj, atinikushallankichejtaj qorimanta waka uñakunata Jeroboán ruwapusorqachej dioskunata jina, mayqenchus qankunawan kashan, chaykunapipis.

Salmos 19:13

13 (14) Jinallataj wapuykachanamanta waqaychaway, amataj saqeychu wapuykachay atipanawanta. Ajinamanta ni pej juchachanan kasaj, jatunta juchallinamanta kacharichisqa.

Proverbios 1:22

Qankuna, kawsay imachus kasqanta mana yachajkuna, mayk'ajkamataj ajinallapuni kayta munankichejri? Alqochakojkuna, mayk'ajkamataj asikuspa kusirikunkichejri? Wampukuna, mayk'ajkamataj yachayta chejninkichejri?

Isaías 45:20

Tantakuspa, kayman jamuychej. Tukuy suyupi wañuymanta llusp'ejkuna qayllamuwaychej. K'ullumanta ruwasqa lantikunata oqharispa apajkunaqa imatachus ruwashasqankuta mana yachankuchu. Mana qhespichiyta atej diosmanta qhasillata yanapananta mañakunku.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Jeremías 4:14

Tata Diostaj kutichenqa: Jerusalén, millay ruwasqaykimanta sonqoykita llimphuchakuy, jinamanta qhespichisqa kanaykipaj. Mayk'ajkamataj umaykipi chay millay yuyaykuna muyonqankuri?

Jeremías 48:13

Chaypacha Moabqa Quemos diosninmanta p'enqakonqa, imaynatachus Israelpis Betelmanta p'enqakorqa, ajinata, mayqenpichus tukuy sonqowan atinikorqa, chaymanta.

Oseas 10:5

Samariamanta runakuna kharkatitinku, jinataj Bet Avenpi torillo lanti chinkachisqa kasqanmanta waqashanku. Chaymantamá chay llajtayojkuna, sacerdotekuna ima waqashanku, maypaj qhawasqanku lantinkuta wajkuna apakapusqankurayku.

Oseas 10:8

Bet Avenpi lanti yupaychana cheqakuna thuñisqa kanqanku, maypichus Israelpi tiyakojkuna juchallej kanku, chaykuna. Chay altarninkukuna patapi qhewayllukuna, khishkakuna ima wiñanqanku. Runakunataj orqokunata nenqanku: Pakaykuwayku, nispa, moqokunatataj nenqanku: Pataykuman urmaykamuwayku, nispa.

Oseas 13:2

Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

Oseas 8:6

Samariapi israelitakunaj yupaychasqanku torillo lanteqa mana Dioschu. Chaytaqa runalla ruwan, chayraykutaj phirisqa kanqa.

Amós 8:14

Samariaj lantinkunarayku tilojkunapis, pikunachus ninku: Dan aylloj diosninrayku, chayrí Bersebaj diosninkunarayku tiluyku, nispa, chaykunapis urmanqanku, manañataj ujtawan oqharikonqankuchu.

Miqueas 1:7

Tukuy lantinkupis phirisqa kanqanku, k'ullumanta tukuy lantikunapis ruphachisqa kanqanku. Chaykunaqa phisu warmikunaj qolqe ganasqankuwan ruwasqa karqa. Chayrayku ujtawan phisu warmikunaj qolqellankumantaj tukuchisaj, nispa.

Hechos 7:41

Ajinamanta israelitakuna waka uña lantita ruwakorqanku. Jinapitaj uywakunata ñak'aspa, waka uña ruwasqankuman q'olachispa jaywarqanku, chay ruwasqanku lantej sutinpitaj raymita ruwaspa, kusikorqanku.

Deuteronomio 32:22

Phiñakuyneyqa nina jina lawrarin, chay ninataj ukhu pachakama lawrarenqa. Jallp'ata, tukuy imantinta q'olaykonqa. Orqokunatapis saphinmantapacha ruphaykonqa.