Oseas 7:7 - DIOSPA QHELQACHISQ

⁷ Arí, paykuna enqhasqa horno jina lawrarinku, jinataj kamachejninkuta q'olaspa tukuchinku. Kuraj kamachejkunatapis ujmanta uj kamachinankumanta wijch'urparinku, manataj ni ujpis kanchu qhaparikamuwajqa.

Qheshwa Biblia DC

⁷ Arí, tukuy paykunamanta ruphaykushanku imaynatachus uj horno kamachejkunasninta q'olaykushanman jinata. Tukuy reykunasninku urmarqanku, manañataj ni ujpis kanchu qhaparikuwajkunaqa.

DIOSPA QHELQACHISQAN DEUTEROCANONICAL

⁷ Arí, paykuna enqhasqa horno jina lawrarinku, jinataj kamachejninkuta q'olaspa tukuchinku. Kuraj kamachejkunatapis ujmanta uj kamachinankumanta wijch'urparinku, manataj ni ujpis kanchu qhaparikamuwajqa.

Oseas 7:7 ပူးပေါင်းရင်းမြစ်များ

1 Reyes 15:28

Judá suyumanta kuraj kamachej Asa kinsa watataña kamachishajtin, Basaqa Nadabta wañucherqa. Chantá paypa qhepanpi kamacherqa.

1 Reyes 16:18

Jinapi Zimriqa llajtata jap'iykusqankuta rikuspa, kamachinan wasiman yaykuykuspa, wasiman ninata jap'iykucherqa, chaypitaj pay wañorqa.

1 Reyes 16:22

Omrita qhatejkunarí atiparqanku Ginatpa churin Tibnita qhatejkunata. Chantá Tibnita wañucherqanku, Omritataj kuraj kamachej kananpaj churarqanku.

2 Reyes 10:14

Chantá Jehuqa kamachinkunata kamacherqa: Paykunata jap'iychej, nispa. Jap'iytawantaj, Oveja Michejkunaj Tantakunanku wasi chaynejpi, yaku pujyu qayllapi, tawa chunka iskayniyoj qharikunaj umankuta qholurparerqanku. Mana ujtapis kawsashajta saqerqankuchu.

2 Reyes 10:7

Kurajkunaj makinkuman chay carta chayajtinkama, Ajabpata churinkunata wañucherqanku. Chantá umankuta qholuspa canastaman churaytawan, Jezrelman apacherqanku.

2 Reyes 15:10

Chantá Jabespa churin Salunqa Zacariaspa contranpi oqharikuspa, Ibleampi payta wañurparicherqa. Jinaspataj, paypa cuentanmanta kamacherqa.

2 Reyes 15:14

imajtinchus Gadij churin Menajén Tirsamanta jamuspa, Samariaman yaykorqa. Chantá Jabespa churin Salunta wañurparicherqa, cuentanmantataj pay kamacherqa.

2 Reyes 15:25

Chantá soldadokunata kamachejmanta ujnin, Remaliaspa churin Pecaj sutiyoj Pecajiaspa contranpi oqharikorqa. Argobwan, chantá Ariewan ima, jinallataj Galaadmanta phishqa chunka runakunawan yanapachikuspa, Pecajiasta Samaria llajtapi kamachinan wasipi wañucherqa. Chantá Pecajqa Pecajiaspa cuentanmanta Israel suyupi kamacherqa.

2 Reyes 15:30

Uziaspa churin Yotán Judá suyuta iskay chunka watataña kamachishajtin, Eláj churin Oseasqa Remaliaspa churin Pecaj contranpi oqharikuspa, payta wañucherqa. Chantá paypa cuentanmanta kamacherqa.

2 Reyes 9:24

Chantá Jehuqa flechana arconta orqhokuytawan, uj flechata kachaykorqa. Chaytaj Joranpa wasanman sat'ikuspa, sonqonnejta llojserqa, kikin carretanpitaj wañusqa wijch'ukorqa.

2 Reyes 9:33

Jehutaj paykunata kamacherqa: Uraman chay warmita wijch'uykamuychej, nispa. Paykunataj Jezabelta uraman wijch'uykamorqanku. Jezabelpa yawarnintaj perqaman chantá caballokunaman ch'altarqa. Caballokunataj Jezabelta sarurparerqanku.

Job 36:13

Puraj uya runakunaqa phiñasqalla sayanku. Tata Dios jasut'ishajtinpis, yanaparinanta mana mañakunkuchu.

Salmos 14:4

Millayta ruwajkuna mana yuyayniyojchu kanku. Paykunaqa aylluyta t'antata jina mikhukapunku. Tata Diospa sutintapis mana oqharillankupischu.

Isaías 43:22

Chaywanpis Jacobpa miraynin Israel, qanqa sutiyta mana oqharerqankichu, manachayqa noqawan amichikorqanki.

Isaías 64:4

Runakunaqa mana jayk'ajpis uyarerqankuchu, nitaj rikorqankuchu qan jina Diostaqa, pichus qanpi atinikuspa suyakojkunapaj ajinata ruwapojtaqa.

Isaías 64:6

Tukuyniyku mana llimphupaj qhawasqa runa jina kayku, tukuy ima allin ruwasqaykupis millay ch'ichi thanta jina. Noqaykoqa sach'a laqhe jina qawiyku, millay ruwasqaykutaj wayra jina apaykachawayku.

Isaías 64:7

Noqayku ukhupi mana pipis kanchu sutiykita oqharispa Diosninpaj rejsikapusojqa, nitaj pipis qanpi atinikoj kanchu. Chayrayku qan uyaykita noqaykumanta pakanki, jinataj millay ruwasqaykuman urmaykojta saqellanki.

Isaías 9:13

13 (12) Israelitakunarí chay jina jasut'isqa kashaspapis, Diosman manapuni kutirikorqankuchu, nillataj Tukuy Atiyniyoj Tata Diosta mask'arqankuchu.

Ezequiel 22:30

Chay runakuna ukhupi noqa uj runallatapis mask'arqani, pillapis kay suyoj allinninta mask'aspa, ñawpaqeypi noqamanta mañapunanpaj ajinamanta ama paykunata chinkachinaypaj. Chaywanpis mana ujllatapis tarerqanichu.

Daniel (hebreo) 9:13

Tukuy kay llakeyqa Moisespa kamachisqanpi qhelqasqa kasqanman jina qhatiriwayku. Noqaykurí, mana qanta mask'arqaykuchu, manataj sajra kawsayniykuta saqerqaykuchu, nillataj cheqan kajtapis qhaterqaykuchu.

Oseas 13:10

Kunanrí, maypitaj kuraj kamachejniyki kashan tukuy suyuykipi jark'akunasunpaj? Maypitaj kashanku kurajniykikuna, pikunamantachus kuraj kamachejniykipaj, kurajniykikunapaj ima mañakuwarqanki, chaykunari?

Oseas 5:15

Chantá jinata ruwaytawankama, maypichus kanayman kutipusaj, paykuna juchayoj kasqankuta rejsikapuspa, noqata mask'anawankukama. Ñak'ariypi rikhurispa, noqata mask'awanqankupuni, nispa.

Oseas 7:10

Israelpa runaykachasqanqa paykunaj contranpi juchachan. Chaywanpis mana noqa Tata Diosman kutirikamuwankuchu, nitaj mask'awankuchu.

Oseas 7:14

Puñunankupi sonqo nanayta waqanku chaypis, mana tukuy sonqochu mañakuwanku. Ukhunkutapis khuchurakuspa, trigota, vinotawan mañakuwanku. Chaywanpis contraypi oqharikullankupuni.

Oseas 8:4

Mana ch'ijllasqallayta kuraj kamachejkunata churakunku. Kuraj kamachejkunatapis ajllakunku, mana tapuriwaspalla. Qolqe metalmanta, qorinkumantapis lantikunata ruwakunku, paykuna kikinku mana allinninkuta tarikunankupaj.

Miqueas 2:1

Ay, imallapichus rikhurenqanku, pikunachus puñushaspapis millayta ruwanankupaj umachakunku, q'ayantin sut'iyamojtintaj, yuyasqankuta ruwanku atiyniyoj kasqankurayku, chaykunamanta.