Oseas 7:16 - DIOSPA QHELQACHISQ

¹⁶ Lantikunaman kutiporqanku. Imaynatachus uj wist'u arcoj flechan waj ladollaman phawan, ajinallatataj paykunapis waj ladollaman ripunku. Runaykachaspa parlasqankurayku kurajninkukuna wañuchisqa kanqanku, Egipto llajtayojkunataj paykunamanta alqochakuspa asipayanqanku.

Qheshwa Biblia DC

¹⁶ Lantikunaman kutiporqanku; uj wist'u arcoj wach'in waj ladollaman ripun ajinata, paykunapis waj ladollaman ripunku. Phiña palabraswan parlasqankurayku kurajkunasninku t'ojsinaswan t'ojsisqas wañonqanku, Egiptopitaj paykunamanta asiykukonqanku.

DIOSPA QHELQACHISQAN DEUTEROCANONICAL

¹⁶ Lantikunaman kutiporqanku. Imaynatachus uj wist'u arcoj flechan waj ladollaman phawan, ajinallatataj paykunapis waj ladollaman ripunku. Runaykachaspa parlasqankurayku kurajninkukuna wañuchisqa kanqanku, Egipto llajtayojkunataj paykunamanta alqochakuspa asipayanqanku.

Oseas 7:16 ပူးပေါင်းရင်းမြစ်များ

Salmos 12:3

3 (4) Tata Diosqa tukuy puraj uya runakunata chinkachichun, jatunchakuspa parlajkunatawan.

Salmos 12:4

4 (5) Kay jina nejkunata chinkachillachuntaj: Siminchejwan atipasunchej. Noqanchej sumajta parlayta yachanchej, pitaj sayachiwasunmanri? nispa.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 17:10

Paykuna wapuykachaspa jatunchakunku, machu machullataj parlaykachanku.

Salmos 52:2

2 (4) Qantajrí mana allin kajta ruwanallapipuni yuyanki. Qalluykeqa sumaj filochasqa khuchuna jina, qantaj llullakunapaj churasqa kanki.

Salmos 57:4

4 (5) Runa mikhu leonkuna muyuykuwanku. Kirunkoqa lanza jina, flecha jinataj, qallunkutaj filochasqa espada jina.

Salmos 73:9

Siminkuwanqa paykuna Diosta phiñachinku, parlaspataj, tukuy kay pachapaj mana allin kajta rimanku.

Salmos 78:37

Manataj jayk'ajpis Dioswan cheqan sonqochu karqanku, nitaj Diospa ruwasqan tratotapis junt'arqankuchu.

Salmos 78:57

Tatankukuna jina paykunapis Diosmanta karunchakullarqankutaj, manataj payta qhaterqankuchu. Mana allin ruwasqa arco jina q'ewikorqanku.

Isaías 3:8

Cheqapuni Jerusalén llajtaqa urmananpajña kashan. Judá suyupis urmallanqataj, imaraykuchus chaypi tiyakojkuna Tata Diospa contranta parlanku. Mana kamachisqanta kasunkuchu, paypa jatun kayninmantaj sayaykunku.

Jeremías 18:18

Chantá runakuna nerqanku: Jeremiaspa contranpi wakichikuna. Mana jayk'ajpis sacerdotekuna yachachinawanchejpaj pisiwasunchu, nitaj yachayniyojkunapis umachanawanchejpaj, nillataj Diosmanta sut'inchajkunapis Diospa nisqanta willanawanchejpaj. Jeremiaspa contranta rimakunachej, amataj ni ima niwasqanchejta kasunachejchu, nispa.

Jeremías 3:10

Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

Jeremías 42:18

Israelpa Tukuy Atiyniyoj Tata Diosnin nillantaj: Imaynatachus Jerusalenpi tiyakojkunaj contrankupi phiñakuyniy k'ajarerqa, ajinallatataj qankunaj contraykichejta k'arajta phiñakusaj, sichus qankuna Egiptoman ripunkichej chayqa. Qankunaqa tukuypa rikunanta maldicisqa kankichej, chaytaj mayta t'ukunapaj jina kanqa. Manañataj ni jayk'aj kay suyuta ujtawan rikunkichejchu, nispa.

Ezequiel 23:32

Tukuyta Kamachej Tata Dios kay jinata nillantaj: Ñañaykej ujyasqan vasomanta qanpis ujyallankitaj. P'uku jatun vasoqa alqochakuywan, qhesachaywantaj junt'a kanqa.

Ezequiel 36:20

Chantá may suyukunamanchá apasqa karqanku, chaypipis llimphu sutiyta p'enqaypi rikhurichillarqankutaj, imaraykuchus waj suyukunapi kaj runakuna nerqanku: Kay runakuna Tata Diospa ayllun kanku, chaywanpis paypa suyunmanta wijch'usqa kanku, nispa.

Daniel (hebreo) 7:25

Chantá janaj pachapi kaj Diospa contranta rimanqa, Diospa aylluntapis ñak'arichillanqataj. Jinallataj Diospa kamachisqankunata, rayminkunata ima waj jinaman tukuchiyta munanqa. Ajinamanta Diospa ayllun kinsa wata khuskanniyojta makinpi kanqa.

Oseas 11:5

Chaywanpis paykunaqa mana noqaman kutirimuwayta munarqankuchu. Chayraykumari Egiptoman kutirinanku kanqa, Asiriataj paykunata kamachenqa.

Oseas 11:7

Israel aylloyqa noqamanta karunchakuyllatapuni munan. Chayrayku janaj pachaman qhaparikojtinkupis, paykunata ni pi yanapanqachu.

Oseas 6:4

Tata Dios nin: Efraín, imatataj qanwan ruwasajri? Judá, qanwanpis imatataj ruwasajri? Munakuwasqaykichejqa tutamanta phuyu jinalla, chayrí tutamanta chhulla jina chinkaripojlla.

Oseas 7:13

Ay, imapichus tukukonqanku, noqamanta t'aqakuwasqankurayku. Chinkachisqa kananku p'unchay chayamonqa contrayta oqharikusqankurayku. Preciota pagaspa paykunata kacharichiyta munani, paykunatajrí llullakuspa parlawanku.

Oseas 9:3

Efrainqa Egiptoman kutirenqa, Asiriapitaj ch'ichipaj qhawasqa mikhunata mikhonqa. Manañataj Tata Diospa suyunpi tiyakonqachu.

Oseas 9:4

Manaña vinotapis Tata Diosman jaywanqankuchu, nillataj Diospis uywa ñak'asqatapis tukuy sonqo jap'ikonqachu. Israelitakunaj mikhunanku t'antapis wañuypi mikhuna jina kanqa. Pikunachus mikhojkunaqa mana llimphupaj qhawasqa rikhurenqanku. Chay t'antaqa paykunallapaj kanqa. Chaywanpis Tata Diospa Templonman mana apaykuyta atenqankuchu.

Oseas 9:6

Tukuchisqa kanaykichejmanta ayqejtiykichejpis, Egiptomanta runakuna jap'isonqachej, Menfis llajtapitaj ayaykichej p'ampasqa kanqa. Qolqe jallch'anaykichejman ithapallulla junt'aykonqa, jaraykichejpipis khishkalla wiñaykaponqa.

Malaquías 3:13

Tata Dios nillantaj: Qankuna mayta contrayta rimankichej, nispa. Chantapis tapunkichejraj: Imatataj qanpa contraykipi parlaykuri? nispa.

Malaquías 3:14

Kay jinata ninkichej: Diospa munayninta junt'ayqa yanqhalla. Imatataj tarinchej kamachisqanta kasuspari? Tukuy Atiyniyoj Tata Diospa ñawpaqenpi juchanchejmanta llakisqa purispapis, imatataj tarisunchejri?

San Mateo 12:36

Chayrayku niykichej: Juicio p'unchaypeqa tukuy runakuna cuentata qonqanku tukuy qhasi manakajta parlasqankumanta,

San Lucas 8:13

Rumirara jallp'api t'akasqa mujurí ninakun, pikunachus Diospa simi nisqanta uyariytawan kusiywan jap'inku, chaykunaman. Chaywanpis paykuna mana allin saphichasqa kasqankurayku, pisi p'unchayllata Diospi atinikunku, llakiy qhatejtintaj, qhepaman kutiripunku.

Santiago 3:5

Ajinallataj siminchejwanpis. Juch'uysitu kananpajwan, mayta wapuykachaspa parlan. Qhawaychej: Uj chhikan ninalla may jatun monteta ruphaykuyta atin.

2 Pedro 2:8

Chay cheqan runa paykuna ukhupi tiyakuspa, sapa p'unchay sonqonpi mayta llakikoj, chay jina millay ruwasqankuta rikuspa, uyarispataj.

Apocalipsis 13:5

Jinallataj chay waj sierpeman atiyta qorqa, mayta wapuykachaspa parlananpaj, chantá Diospa contranta millayta rimananpaj ima. Jinallataj payman atiyta qollarqataj kinsa wata khuskanniyojta munayninta ruwananpaj.