Oseas 7:14 - DIOSPA QHELQACHISQ

¹⁴ Puñunankupi sonqo nanayta waqanku chaypis, mana tukuy sonqochu mañakuwanku. Ukhunkutapis khuchurakuspa, trigota, vinotawan mañakuwanku. Chaywanpis contraypi oqharikullankupuni.

Qheshwa Biblia DC

¹⁴ Qhaparqachanku camankupi kashaspa manataj sonqowanchu wajyakuwanku. Trigota jinataj vinota mañakuspa nanarachikunku. Contraypi oqharikorqanku!

DIOSPA QHELQACHISQAN DEUTEROCANONICAL

¹⁴ Puñunankupi sonqo nanayta waqanku chaypis, mana tukuy sonqochu mañakuwanku. Ukhunkutapis khuchurakuspa, trigota, vinotawan mañakuwanku. Chaywanpis contraypi oqharikullankupuni.

Oseas 7:14 ပူးပေါင်းရင်းမြစ်များ

Éxodo 32:6

Q'ayantenqa tutamanta jatariytawan, israelitakuna uywa ñak'asqa q'olachinata, k'acha kawsakuy jaywanatawan ima waka uña lantiman jaywarqanku. Chaymantataj tiyaykurikuspa, mikhorqanku, ujyarqanku ima. Chantá kusiririkuspa tukuy imaymana khuchiriyota ruwanaman qokorqanku.

Isaías 29:13

Tukuyta Kamachej Diostaj nin: Kay runakunaqa simillankuwan jatunchawanku, simillamanta yupaychawanku, sonqonkutajrí noqamanta karupi kashan. Noqata yupaychawasqankoqa runaj wakichisqallan, mayqentachus runakunalla yachachinku, chay.

Isaías 52:5

Kunanqa imataj kayri? Mana imallamanta aylluyta mana munashajta waj suyuman apanku. Paykunata ñak'arichejkunaqa wapuykachaspa, qhaparqachanku, sapa p'unchaytaj contraytapis rimanku.

Isaías 65:14

Kamachiykunaqa tukuy sonqowan sumajta takirikonqanku, qankunatajrí sonqo nanayta mana piniyoj jina mayta llakiywan waqankichej.

Jeremías 12:2

Qanqa paykunata mallkerqanki, paykunataj jap'ikuspa wiñanku, chantá poqonkutaj. Siminkuwan qanta yupaychasunku, sonqonkupirí qanmanta karupi kashanku.

Jeremías 3:10

Chaywanpis wasanchawaj Judaqa mana tukuy sonqowanchu noqaman kutirimuwarqa, manachayqa pujllakullawarqa. Noqa Tata Diosmin chayta nini.

Lamentaciones 2:18

K'achitu Sión llajta, Tata Dios yanapasunanta mañakuy. Tuta p'unchay waqaspa, waqayniykita mayu yakuta jina purichiy. Mana samarispa, nitaj sayk'uspa waqallaypuni ari.

Oseas 13:16

Samaria llajtapis jasut'isqa kanqa, Diospa contranta oqharikusqanrayku. Chaypi tiyakojkuna espadawan wañuchisqa kanqanku, wawankupis ch'allpasqa kanqanku, onqoj warmikunapis khallasqa kanqanku.

Oseas 13:6

Chaywanpis maypachachus mikhunawan atipacherqaykichej chaypacha, sajsakuspa, sonqoykichej ukhupi mayta jatunchakorqankichej, jinataj noqata qonqarpariwarqankichej.

Oseas 13:9

Israel, qanta phirisqayki, imaraykuchus yanapasojniykej contranpi kanki.

Oseas 3:1

Tata Dios ujtawan nillawarqataj: Rispa, watej munakamuy waj qharej munakusqan khuchi warmiykita. Ajinatamin noqa Tata Dios israelitakunata munakuni, waj dioskunaj qhepankuta ripushajtinkupis, waj dioskunaman jaywasqanku mikhunata mikhushajtinkupis, nispa.

Oseas 8:2

Chaykamarí israelitakuna qhaparispa, jamuwanku: Qanta Diosniykupaj rejsikapuyku, nispa.

Amós 2:8

Prendasqa p'acha patapi altar qayllapi winkuspa, millayta ruwanku. Multa sik'isqankuwan vinota rantikuspa, diosninkoj wasinpi macharikunku.

Amós 8:3

Chay p'unchaypi kamachinanku wasipi takisqanku may llakiyman tukonqa. Ashkha runakuna wañusqankuraykutaj, ayanku tukuynejpi wijch'urayanqa, nispa. Noqa Tukuyta Kamachej Tata Diosmin chayta nini.

Miqueas 2:11

Sichus pi ch'awkiyaspa, llullakuspataj nisunkichej: Tata Diosqa vinotawan, licortawan qosonqachej nispa, chayqa, chay runamari qankunapaj sumaj sut'inchaj kanman.

Zacarías 7:5

Kayta niy tukuy aylluyman, jinataj sacerdotekunamanpis: Qankuna phishqa kaj killapi, qanchis kaj killapipis, qanchis chunka watataña qhashqa p'achata churakuspa, ayunaj kankichej. Chaywanpis mana noqata jatunchanawaykichejpajchu chayta ruwarqankichej. Jinallatataj qankuna raymikunapi mikhuspa, ujyaspapis, chaytapis qankunallapaj ruwankichej.

Romanos 16:18

Chay jina runakuna mana Tukuyta Kamachej Jesucristoj munasqantachu ruwanku, manachayqa wijsallankumanta qhawanku. Jinataj k'achata parlaspa, misk'i simiwan manaraj allin yachajkunata q'otiyanku.

Filipenses 3:19

Paykunaqa wiñay chinkayman rishanku, imaraykuchus paykunaj diosninkoqa sonqonkoj munasqanta ruwanalla. Chay runakuna p'enqayta ruwasqankumanta runaykachanku, sonqonkutaj kay pachapi millay kajllata mask'an.

Santiago 4:3

Mañakunkichej chaypis, Diosqa manapuni qosunkichejchu, imaraykuchus mana cheqan sonqowanchu mañakunkichej. Manachayqa mañakunkichej munallasqaykichejta ruwaspa Diospa qosqanta tukuchinaykichejpaj.

Santiago 5:1

Qhapajkuna, kayta allinta uyariychej: Qhaparispa, sonqo nanayta waqaychej, qankunaman sinch'i llakiykuna chayamunanmanta.

Jueces 9:27

Chantá tukuyninku llojserqanku campoman uvata pallaj. Vinota ruwaspataj, uj jatun raymita ruwarqanku. Chantá mikhuspa, ujyaspataj diosninkoj yupaychana wasinpi Abimelecpaj millayta rimarqanku.